Joel 1:16 - La'aqtaqa Ñim Lo'onatac 'Enauacna 2013

¹⁶ Qataq ỹataqta sauanaqchigui da qaiuotaxanec na qonoq, nache qaica ca tonaxac añi atamnaxaqui maye lalamaqte Ñim Lo'onatac 'Enauacna.

Toba del Oeste

¹⁶ Yataqata jauanaqachigui da'me qodeuodaĝanec joda'me te'me qadiqui'yaĝac, qama'le qaya jo'me namaic nale jec'ataĝa'uo na'me tamenaĝaiqui jo'ne loĝot ñe'me Dios.

Joel 1:16 Referans Kwoze

Salmos 43:4

Yaqto' ishet da seviraua'a aca nca'atoxonaxalate maye 'aralamaqte 'am maye Ñatamnaxala', huaña nache sauota'a aca ivique arpa da 'am sho'oxoreetac, cha'aye 'am Ñatamnaxala' maye 'anlaxatchigui da ñachaalataxac da ñetonaxac.

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Isaías 3:7

Qalaxaye camaye ỹan qome ca la'aqtac, 'eeta': «Aỹem sa seshet qome da saỹamaxaañi na mashe qauem, cha'aye ye ima' qaica ca anoq qataq cam ỹogoxot da saañi. Qaq ỹoqo'oye saishet qome da aỹem lataxala' qanqa'aiñi na shiỹaxauapi.»

Salmos 105:3

Qavio'oxoyiñi da qui'itta le'enaxat Ñimaye, qataq machiguiñi qome da lquiyaqteỹaxac na nmittaique Ñim Nataxala'.

Salmos 51:8

¡Aỹem 'anlaxatchigui qome da ñetonaxac, qataq ỹamaicỹaxac, aỹem 'avi'eguelaxatem qome da ỹamaicỹaxac, na'aictaxa da 'auo'ot co'ollaxa da ñeque'eenaxac!