Joel 1:14 - La'aqtaqa Ñim Lo'onatac 'Enauacna 2013

¹⁴ Qalaỹoñiỹa't qome na Israel le'ecpi nache qauo'oche ca qanqouaqchetaxaqui, qataq qalaỹoñiỹa't na nqueroxonecpi qataq 'enauac nam netalec ne'ena 'alhua, huaña añi atamnaxaqui maye lalamaqte Ñim Qanatamnaxala'ai, nache qauỹaxañiỹot Ñim Nataxala'.

Toba del Oeste

¹⁴ ¡Aviyaĝañiyoue ga'me jiyaĝadipi qaedi anoqouaqachela't, qama'le ademiya'a nayi joñe'me Ja 'Nalegue! ¡Auec'achiya joga'me tamenaĝaiqui jo'ne 'lemec ñe'me Adet'ai mach'e Anedios! Auemachiya'a't qomle jogaa'me 'yaĝaicachidipi nataq'aen yema joga'me jiyaĝadipi jo'ne neteda'ña jena'me jenjo' aleua, qaedi yataqata qoyiyaĝanot joñe'me Jaliaĝanec.

Joel 1:14 Referans Kwoze

Jonás 3:8

Nacherata da 'enauac na shiguiỹacpi da qaỹauo'o ca lapo', qaq na shiỹaxauapi qalaq ỹaayiñi qome caua sansatte' alogo, maye naigui da huo'o da nqui'ic, nache iỹaxanot Ñim Lo'onatac 'Enauacna, qataq ñi 'oonolec ỹaxanec qome ca qauem lataxac, qataq da layeloxo.

2 Crónicas 20:13

Qaq nache 'enauac so Judá le'ecpi, nachatto'ot Ñim Nataxala', ỹalectauo so 'alpi, so llalaqpi, qataq so qapio'olecpi ñaqpiolec.

Levítico 23:36

Qaq que'ecaua na'axa'te, nache qauavigaxache aca qarachetaqtaxanaqche da qavio'oxoyiñi Ñim Nataxala'. Qaq da ivita ca na'a'q ocho, nache nataqa'en qauo'oche ca naponaxac, qataq qaỹa'añeeuo aca qarachetaqtaxanaqche da qaỹa'añiỹot Ñim Nataxala'. Qaq que'eca na'a'q, nache naponaxac lta'araic, qataq qaica ca qauo'oche na no'onatacpi.

Nehemías 8:18

Qaq se'eso nquia'axac lta'araic nache imattrec soua siete na'axa'te, qaq ye 'oonolec na'a'q, nache huaigui da so Esdras itaxaỹaxa'n naxa soua lqataxaco Ñim Lo'onatac 'Enauacna. Qaq co'ollaq ivireuga so na'a'q ocho, nache qaỹo'ot so lta'araic naponaxac da yaqto' qaỹo'oxoren Ñim Lo'onatac 'Enauacna, nache qaipacchigui se'eso namaxasoxonaxac.

2 Reyes 10:20

ỹoqo'oye somaye damaxasoxoolec da qaỹo'ot so naponaxac da qaỹo'oxoren so Baal, qaq nache qaỹo'ot somaye.

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

Jeremías 36:9

Qaq so ca'agoxoic nueve so vi'i cinco da lo'onataxanaxac so Joaquím, som llalec so Josías, da nta'a ye Judá, nache 'enauac na lma' ye Jerusalén qataq 'enauac na laỹepi shiỹaxauapi maye chegaqa'a na laỹepi huaqta'a't nỹecpi maye ỹotta'a't naua nañalo ye Judá, qoỹenapega da nqouaqchet da dataỹot Ñim Nataxala'.

Joel 1:2

Qami' nqueroxonecpi, ña qana'axaỹaxañiỹa de'era, qataq 'enauac qami' maye qoñiitalec ne'ena 'alhua. ¿Peta'a huo'o co'ollaxa ca na'a'q da qauauañiichigui ca 'eeta'am de'era, nam qoviitaiguilo na'axa'te huo'otaq soua na'axa'te maye huetaiguilo so hua'au qarta'ailpi?

Jonás 3:5

Nache so lma' ye Nínive ỹa'amaqten Ñim Lo'onatac 'Enauacna, nache ỹa'axatec da ỹo'ot ca qouaqchetaxac, nache 'enauac so ỹepi ivira'a so ñaqpiolec, da ỹaayiñi naua sansatte' alogo, maye naigui da lta'araic da nqui'ic souaxat na qauempi maye ỹo'ottac.

Sofonías 2:1

Ñaq qauataiỹa't, qataq qalapoñiỹa't qami' shiỹaxauapi maye qaica ca qara'agaqai,

Jeremías 14:2

«Ye Judá nỹeetac souaxat da laquicoxo, na huaqta'a't nỹecpi maye ỹotta'a't naua nañalo qalaq qaica ca la'añaxac, na shiỹaxauapi qalaq huetaiya' hueta'aguet na 'alhua. Ye Jerusalén qalaq qaỹa'atega da la'alaxac souaxat da nqui'ic.