Joel 1:13 - La'aqtaqa Ñim Lo'onatac 'Enauacna 2013

¹³ Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Toba del Oeste

¹³ Ami tamenaĝaiqui lo'ol jo'ne auajoyi'taguet nale ga'me c'atonaĝala', auaeñidiñe qomle jogaa'me adeuo lael jo'ne ja 'noe'n qama'le yataqata anoyeñitac. Nataq'aen ami necochaĝa'u, 'uo qomle joda'me adayaliaĝaqui, qa'a jenjo' tamenaĝaiqui jo'ne Dios 'lemec male qaya'te joga'me yaqanatet ta'le nedo't ga'me trigo jala uotaĝa uva li'i qaedi qoyen najaqajec.

Joel 1:13 Referans Kwoze

Jeremías 4:8

Qaq ỹoqo'oye qaỹa'añiiyiñi qome naua qo'ogolli' maye sansattegueta, qanỹeñi qataq qana'alaqaitapiguiñi souaxat da qanqui'iqui, cha'aye dam 'ettaigui layeloxo Ñim Nataxala' saishet da qomi' ca'aisalo.

Joel 2:17

Qataq nỹen qome na ntaxaỹaxanaxanecpi maye lo'onataxanaxanecpi Ñim Nataxala', da huaña ye ñegueuo maye taỹaua'a añi nca'atoxonaxalate, nache 'eeta': «'Am Nataxala', ña 'auapalaxat qome na lasouaxashetpi ne'ena 'aralamaxat nhuo' le'ecpi, qataq qaica ca 'auashenem da ỹe'eetac nam 'aralamaxatpi, yaqto' na ỹotta'a't shiỹaxauapi saishet da choche ilattac qome namayepi. Qataq nam laỹepi ỹotta'a't shiỹaxauapi saishet qome da 'eeta': ¿Ca neta'ague cam Natamnaxala' namayepi?»

Ezequiel 7:18

Qataq ỹaayiñi naua sansattegueta alogo souaxat da nqui'ic, qataq 'enauac da lo'ocỹaxac da cholaxan qome, qataq ỹataqta napagaqtec da lasheguiỹaxac souaxat da lcoxo, qataq namarec 'enauac na lqaic.

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

1 Reyes 21:27

Qaq so Ajab, co'ollaq hua'aqchigui de'era, nache ncolaxata'aisalo soua alogo, nache ỹaayiñi soua sansatte' alogo, qataq nqouaqchet. Qataq nache ỹaatrañi se'esoua alogo da do'oche, qataq ỹataqta daquicota.

2 Corintios 11:23

¿Namayepi peta'a lamaxashecpi So Cristo? Qaq da nache 'eetec, nache aỹem ỹactec da ñapactelec namayepi, qaq na'aictaxa da 'eco' huo'o da aỹoic da shenapec de'era. Qalaxaye aỹem ỹactec da ỹo'onataxanaxac, saq 'ena'am namayepi. Ỹactec da ñeuaxanaguec, qataq ỹactec da ñecoñetaguec. Qalota da sootaigui da lchec da nleuaxa.

2 Corintios 6:4

'Enauac nam so'otaqpi sauoqtaique da ichoxot da qomi' lo'onataxanaxanaqa Ñim Lo'onatac 'Enauacna, qataq souaxalec da qarhualaxavic. Huo'o da qanque'eenaxac, qataq qalota na seviraxaguet qarqalaic qataq na qarhuenaxanaxapi. Qataq nataqa'en qomi' qaỹalasheeta'ape.

2 Corintios 3:6

Qaq nagui Ñim Lo'onatac 'Enauacna qomi' ỹapaxague'n da yaqto' sa'axataq de'era dalaxaic qanaỹamaxataxac maye chegoqo'ot Ñimaye. De'era dalaxaic aỹamaxataxac saishet da na'attalec na namaxasoxonaxacpi, chaqrata da na'attalec So Saqcha'a La'añaxac Ñim Lo'onatac 'Enauacna. Cha'aye na namaxasoxonaxacpi, ỹaueeguet da nalaataguec ca huo'o ca lasouaxashet, qalaxaye So Saqcha'a La'añaxac Ñim Lo'onatac 'Enauacna, ỹaueeguet da lca'alaxa ca shiỹaxaua.

1 Corintios 9:13

Qami' qauaỹaañi da na do'onataxaategueua'a añi no'onaxanaxaqui late'erai, namayepi chectac na nallec maye lalamaxat añi no'onaxanaxaqui. Dam ỹoqta sheetega 'eeta': nam huetapegue' añi nca'atoxonaxalate da ỹavigaxattac na nachetaqtaxanaxat huaca lapat, namayepi chectac na qaiỹotauga lapat.

1 Corintios 4:1

Qami' iuen da qomi' qauamachiỹa'aque da choche qomi' lo'onataxanaxanaqa So Cristo, qomi' ipataxaleguete da sapaxaguenataxanaxac dam 'eetapeguec Ñim Lo'onatac 'Enauacna maye saqcha'a co'ollaxa.

Isaías 61:6

Huaña nache qami' qaỹamata'aque qome da qami' ltaxaỹaxanaxanecpi Ñim Nataxala', qataq qami' lamaxa'she Ñim Qanatamnaxala'. Qataq qolliquiitac qome nam ỹataqta no'on nallec maye chegoqo'ot na ỹotta'a't shiỹaxauapi qataq qami' iyaquen dam lyac namayepi.

2 Samuel 12:16

Nache so David, ỹataqta nqouagaxaueetacot Ñim Nataxala' souaxat se'eso nogotolec, qataq nqouaqchet, qataq huo'oi soua pe' da nnaata'aguet na 'alhua.

Números 29:6

Nache ca nachetaqtaxanaxat maye nache 'eetai' naxa da qoỹaatapegueuo da dalaxaic so ca'agoxoic, qataq ca qoỹaategueuo naxa 'enauaque naua na'axa'te, qataq ca lỹateuo nachetaqtaxanaxat 'ayiiña, qataq ca lataxa, maye qaỹamaxasoxoolec da qoỹaneuo. 'Enauac camaye nachetaqtaxanaxat qaỹavigaxatta yaqto' da ama laitaỹaxac ỹamaateguet Ñim Nataxala'.

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Ezequiel 21:12

Qaq 'am shiỹaxaua, ¡'aua'alaq qome qataq 'anỹen souaxat da 'anqui'ic, cha'aye ca ỹeelonec taỹa'a da ỹalauat na ỹalamaxat nhuo' le'ecpi, qataq 'enauac na nta'alpi ye Israel! Namayepi taỹa'a da qaỹalauat, lỹangui' na ỹalamaxat nhuo' le'ecpi, qaq ỹoqo'oye 'anhuaxaata'a qome ana 'artogue souaxat da 'anqui'ic.

Oseas 9:5

Qaq ¿chaq negue't cam ishet da qauo'oche qom ivita ca na'a'q maye ño'oxonnataxanaxaqui, cam na'a'q maye huetoigui da qaỹo'oxoren Ñim Nataxala'?

Joel 2:14

Cha'aye saiuena'a da huo'o ca ntogotaxac nache qami' ichoxore'n, nache qami' taleguete naqa'en ca lqouagaxanaqtaic, nache huo'o naqa'en ana ala na nañiguishec da yaqto' nachetaqtaxanaqte, qataq na lataxa da yaqto' qoỹanot Ñim Nataxala' maye Qanatamnaxala'ai.

Números 28:4

qaq 'oonolec ca ỹaneuo ye nte'eta, qaq ca lỹa qalaq ỹaneuo ye avit.

Números 28:7

Qaq ca nachetaqtaxanaxat lataxa, camaye un litro ca qoỹaneuo da huaqtalec qanqa'en ca 'oonolec qagueta. Qaq que'eca lataxa qaicorelec ye lanataqa' da qaỹo'oxoren Ñim Nataxala'.

Números 28:14

Qaq ca nachetaqtaxanaxat lataxa qoỹaneuo ca dos litro da qoỹaneuo ca 'oonolec huaca llalec, qaq da qoỹaneuo ca qagueta lhuaraic, nache qoỹaneuo ca un litro y medio, qaq da qoỹaneuo ca qagueta llalec, nache qoỹaneuo ca un litro ca lataxa. Qaq 'eca ca nachetaqtaxanaxat qaỹavigaxatta da ivita da dalaxaic so ca'agoxoic ye 'oonolec vi'i.

Ezequiel 27:31

Qataq souaxat 'am, nache namarec na lqaic, qataq ỹaayiñi naua lasouaxaqui' alogo, qataq nlaqchigui da laquicoxo nache nỹeetac.

Joel 2:12

Qaq nagui da la'aqtac Ñim Nataxala', 'eeta': Ỹataqta imauec qome da qarquiyaqteỹaxaqui da aỹem qañe'eguelaqaỹa, qataq qanqouaqchichi qome, qanỹeñi, qataq qanachoxoreñi qome.