Jeremías 9:7 - La'aqtaqa Ñim Lo'onatac 'Enauacna 2013

⁷ Qaq ỹoqo'oye Aỹem Nataxala', maye Qaica ca Seqalanapec, shenapec: ¿Negue'to' ca lỹa lataxac da so'otec na ỹalamaxat nhuo' le'ecpi? ¡Qomye nacherata da sasaxangui ca norec da yaqto' seỹo!

Jeremías 9:7 Referans Kwoze

Isaías 1:25

Aỹem ñauaxaỹaxaasheguem qome na ihuaq da 'am sataỹa'aguet, nache ỹataqta ỹavicta ñaqa'en nam lasogoñi maye 'am huetaigui, qataq seỹouec 'enauac na 'arshepaxanaxa.

Malaquías 3:3

Ñim Nataxala' nso'ooñi qome da iỹo na ntaxaỹaxanaxanecpi maye chegoxoguet so Leví, 'eeta'am cam iỹo ca lcat oro, qataq ca lcat plata. Qaq ime qome, nache namayepi ishet da ỹanot Ñim Nataxala' aca lachetaqtaxanaqte, qaq nache ipacchigui dam ỹoqta 'eesa lataxac.

Jeremías 6:27

Ñim Nataxala' aỹem 'enapega, 'eeta': «'Am sepataxalec da 'avi'iguen na ỹalamaxat nhuo' le'ecpi. Qataq 'aumeteeta da yaqto' 'auaỹateeta cam lataxac namayepi.»

Isaías 48:10

Aỹem 'am sequi'itaxatta co'ollaxa, qalaxaye saishet da 'eeta'am ñaqa'en ca lcat plata, nacherata da 'am she'eguenec na le'eraxa aso nqatelaxanaxaqui maye nachera da que'eenaxac.

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

1 Pedro 4:12

Qami' ñauochaxau' ỹaqaỹarolqa maye qoquiitague' So Cristo, saishet da qami' ỹe'elaqche't qom qaviyeeguet na lqalaiguesat maye ỹe'eguen da qarpi'iỹaxaqui Ñim Lo'onatac 'Enauacna. Cha'aye damaye saishet da sa qaỹauanapega.

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

Jeremías 31:20

Na nhuo' le'ecpi maye chegoxoguet so Efraín, namayepi 'eeta'am ca ỹalec ỹauotaxat, ỹalec maye ỹactec da sauotec. Qaq na'aictaxa naxa da ñelaxa qalaxaye saishet da saxanec da seuennatega, da iquiyaqteỹaxac qalaq nỹeetai' qataq ñanomteguet da ichoxonnataxanaxa namayepi. Qaq 'era da ỹa'aqtac Aỹem nataxala'.»

2 Crónicas 36:15

Qaq Ñim Nataxala', maye Natamnaxala' som hua'au lta'alpi, ỹataqta ñe'eguelaxatta'a co'ollaxa da lvitaqtaxanaxac ỹachegoxotchigui som la'aqtaxanaxanecpi, cha'aye huo'o da lchoxonnataxanaxa som lalamaxat nhuo' le'ecpi, qataq som 'alhua maye netalec somayepi.

2 Samuel 13:26

Nache so Absalón, 'eeta': Qaq cha'aye saishet da qojec, nache no'on da 'auasheeta da ỹaqaỹa Amnón da qomi' ca'ateguelo. Nache so nta'a 'enapeco', ¿ta'ainco' da 'anshetaique da 'am ca'ategue da 'arqaỹa Amnón?

Salmos 55:22

'Aupa'axano'ot qome Ñim Nataxala' 'enauac na 'auennatapegapi, nache Ñimaye ỹataqta 'am lasoqchiguiñi qome, cha'aye Ñimaye saishet da huañi naqa'en ca no'on da lataxac.

Salmos 62:5

Ñim Lo'onatac 'Enauacna nacheñita da nlletañi da ñachaalataxac, cha'aye Ñimaye nache chegoqo'ot da ñaquitaxac.

Salmos 120:4

Qomye 'am qairolec qome aca ỹataqta shetteguet lchecna ca loquiaxaic, maye 'eeta'am aca 'ettaigui lpoqo aca retama.

Isaías 59:3

Qami', naua qarhuaxayilli' qalaq huagui na ntago'q, qataq naua qaya'axaatalli' qalaq huagui na ltago'q na qaralaataqui, naua qa'apilli' qalaq nauoiguilo na natenataxanaxacpi, ñi qarachaxachi qalaq nda'a't na qauem huetalec.

Jeremías 5:1

Ñim Nataxala', 'enapec: Qoquiiguelo qome naua nqa'aico ye Jerusalén nache qaumichiñiita, qataq qanmiche ye nlagaqa', shapegueto' da qauanachiỹa cam ỹo'ottac da nalochiguiñi lataxac, qataq nmittaique dam 'eesa. Qaq da qauanachiỹa, nache Aỹem sechoxoren qome ye Jerusalén.

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.