Jeremías 9:5 - La'aqtaqa Ñim Lo'onatac 'Enauacna 2013

⁵ Ñi 'oonolec qalaq ỹe'enai' ñi maiche lỹa, nache qaica ca ỹa'axattac ca 'eesa. Mashe nlaqchigui da latenataxanaxac cha'aye qauemaicpi qataq saishet da

Jeremías 9:5 Referans Kwoze

Habacuc 2:13

Qaq Ñim Nataxala' maye Qaica ca Ỹaqalanapec, ỹo'ot qome da qaica ca naigui da 'aro'onataxanaxac qataq da 'arasamaxa, cha'aye 'enauac nam 'aro'onatac nlachiguiñi qome da ỹavigaxat ca norec.

Miqueas 6:12

Qaq na sallaxanecpi maye lma' ne'ena huaqta'a't nỹecpi ỹataqta qauemaicpi, qataq 'enauac namayepi ỹataqta tenataxanaxaicpi.

Isaías 57:10

Nache ỹataqta 'anasamñi souaxat da 'arqueuoxoc, qalaxaye saishet da 'auaỹaaneguet damaye da qaca ca naigui. Cha'aye 'am hueto'ot nam nhueneguesat, qaq ỹoqo'oye saishet da 'anasamñi.

Da na'aqtaguec so Job 15:5

Cha'aye naua maiche 'aye'etaxaloxoco nachenaua na 'am ỹasouaxa't, qataq naua 'ara'aqtaqa maye datenataxa'n.

1 Timoteo 4:2

Qataq na'axaỹaxaatega na saq ỹataxalec qataq tenataxanaxaic maye mashe ỹavic da ntoonaxac, ỹoqo'oye qaica ca lcoxo da ỹo'ot ca sa ỹamaxañi.

Efesios 4:25

Qaq ỹoqo'oye ñi 'oonolec saishet da ỹatenachettac ca lỹa. Cha'aye 'enauac qomi' ña'araqtaua'a da 'oonolec no'ocỹaxac. Ỹoqo'oye ñi 'oonolec da qoñiita ỹataqta 'eesa qome da huo'o ca la'aqtac.

Miqueas 6:3

Qaq 'era da la'aqtac, Ñim Nataxala' 'eeta': Qami' ỹalamaxat nhuo' le'ecpi, ¿negue't cam qami' so'oteque maye qami' inogoqche't?

Ezequiel 24:12

Qalaxaye acamaye ye ỹataqta decochigui, nache cam norec saishet da qui'itta naqa'en.

Jeremías 9:8

Na lachaxat namayepi qalaq 'eeta'am ana checnapi maye qanlem, namayepi ỹa'axattac nam saq 'enpi. Da iquin na nauochaxauapi qalaq ỹachaxana da lauotaxanaqtaic, qalaxaye choche nqoviitac.

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Isaías 5:18

¡Choxoraxaso' nam nỹoqtala't na qauem, souaxat da latenataxanaxac nache ỹauecta'aguet na lasouaxashetpi 'eeta'am ca ỹauecta'aguet aca naigona!

Proverbios 4:16

cha'aye namayepi saishet da lactapiguiñi da sa ỹo'ot ca qauem, qataq sa do'oche da saxanaxa da ỹo'otec ca qauem ca lỹa.

Salmos 140:3

Ñi lachaxat qalaq ỹataqta ỹaxaraic 'eeta'am ca na'araxanaq, naua la'aqtaqa qalaq huetaiguilo na lshenataxanaxa ca na'araxanaq.

Salmos 64:3

maye ỹaxaraic naqa'en ñi lachaxat 'eeta'am ca ỹeelonec, qataq da nasaxarec naua la'aqtaqa qalaq 'eeta'ama aca checna maye huo'o na lshenataxanaxa.

Salmos 50:19

Na qauem qalaq sa 'auarenalec da 'aua'axattac, qataq ñi 'arachaxat lhuotta da ỹa'axattac na natenataxanaxacpi.

Salmos 7:14

Ña qauloỹa na hualaxaiguet na qauemsat, nam hualaxaiguet da ñe'etaxaloxo namayepi deco'oic qome da shepegaxanaxac,

Da na'aqtaguec so Job 11:3

Qalqo' 'aupi'itaxaatega da ne'ena 'ara'aqtacpi, maye qaica ca naigui ỹo'ot da qaica ca detaqa da shenaqta, qataq, ¿'aupi'itaxaatega peta'a da saishet da sasataxaguet ne'ena 'are'enaxanaxacpi?

Génesis 19:11

qaq huaña, nache sanauaañi naqa'en som shiỹaxauapi maye pa'atauec. 'Enauac so nsoxoppiolec qataq so ỹa'axaiquipi da sa nauaañi, nache ipottapecra', da nmittaique so lasom, choche ivitta'a da nasamñi.

Salmos 52:3

qataq 'agaqnauec na qauem da 'auauotec, saq 'ena'am ca no'on, qataq 'auauotec ca shepegaxanaxac saq 'ena'am 'anqa'en ca 'eesa.

Jeremías 7:28

Qonapega namayepi, qoneta': ‹'Ena na shiỹaxauapi maye saishet da ỹalaxaguet Ñim Nataxala' maye Natamnaxala', qataq sa ỹaỹamaxaren da qaỹaỹamaxaañi da lataxac. So huesota lataxac mashe imauec da qaica saishet da huetaigui na alap.›»

Jeremías 12:6

Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Jeremías 12:13

Namayepi ỹaañi na trigo, qalaxaye da deqataxan nache nqat ana ỹaxat; 'enauac da lo'onatacpi da qaica ca naigui. Da lqataxanaxac qalaq qaica ca naigui, souaxat dam 'ettaigui ỹayeloxo.»

Jeremías 13:23

¿Ca lairaxaic peta'a ishet da naralaxat da lo'oxoỹaxac? ¿ca quiyoc peta'a ishet da naralaxat da lchiỹaxataxa? Qaq nache 'eeteque qami' da saishet da qauo'oche ca no'on, cha'aye mashe qauanaiỹa'ac da qauo'ocheetac na qauem.

Jeremías 51:58

Aỹem Nataxala', maye Qaica ca Seqalanapec, sheeta': Na qalotegue lpaqtaxatpi ye Babilonia imauec qome da qaỹamaxauec, qaq naua lta'araiqa naso'omi qalaq qaỹavigaxa't qome. Nache qaica ca naigui da lo'onataxanaxac co'ollaxa na ỹotta'a't shiỹaxauapi, cha'aye dam lqui'itaxa co'ollaxa qalaq taỹa'a da tangui ca norec.»

Jeremías 51:64

nache qoneta': ‹'Era da 'eetec qome da iyiiñi na Babilonia, qaq nache saishet qome da qaltaq ỹe'eguelaxa da nachaañi souaxat dam qauem maye namaxa qome Ñim Nataxala'.›» Qaq 'ena na tachiguiña na la'aqtacpi so Jeremías.

Malaquías 2:10

¿Qaq peta'a saisheto' da 'oonolec Ñim Qarta'a, Ñim Lo'onatac 'Enauacna maye 'enauac qomi' ỹo'o't? Qaq ¿ta'ainco' da ñi 'oonolec da shenaqta ỹatenachettac ca lỹa, nache saishet da sepagaxalec, da naỹamaxataxac Ñim Lo'onatac 'Enauacna, maye ỹo'ot co'ollaq naỹamaxate' som hua'au qarta'alpi?

Jueces 2:10

Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.

Proverbios 12:5

Na shiỹaxauapi no'on da lataxac lhuennataxat da ỹo'ot ca nalochiguiñi lataxac. Qaq na qauemaicpi qalaq lhuennataxat da natenataxanaxac.

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»