Jeremías 9:4 - La'aqtaqa Ñim Lo'onatac 'Enauacna 2013

⁴ Mashe qaica ca naquitto'ot ca nauochaxaua qataq ca lqaỹa, cha'aye 'enauac nam nqaỹañecpi natenachetta'a't, qataq nam auochaxauapi qalaq ỹasaqteguelec na qauem na laỹepi.

Jeremías 9:4 Referans Kwoze

Jeremías 6:28

«'Am Ỹataxala', 'enauac namayepi da ỹataqta saỹalaq, namayepi ỹataqta na'aqtaqa lo'o, qataq qauem da lataxac, ỹataqta qaramta napacalec ca lcat bronce qataq ca ndota't lcat.

Mateo 10:21

Ñi 'oonolec cam nqaỹañecpi maiche ỹaneuo ca lqaỹa da qaỹalauat, qataq caua nta'al maiche ỹaneuo caua llalqa, qataq caua ñalqa iloquiaxaata'ape caua lta'al iviraxattra'a da ỹalaua't.

Levítico 19:16

Saishet da huo'o ca na'aqtaqa lo'o' da ỹalectaigui ca laỹepi, qataq da taỹa'a naqa'en da lchec da nachaalataxac ca lỹa shiỹaxaua, souaxat ca latenataxanaxac. Qaq 'era da ỹa'aqtac, Aỹem Nataxala'.

Jeremías 12:6

Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Proverbios 25:18

Ca shiỹaxaua maye choche datenataxaalec ca nauochaxaua, camaye 'eeta'am aca nhuaxanaxanaqte qo'oipaq, ỹeelonec qataq aca checna ỹaxarai.

Proverbios 10:18

Ca saq 'e'n naua la'aqtaqa camaye ỹoxottañi da lquiỹaxa, qataq qaica ca ỹaỹaana'a ca ỹa'axatec ca saq 'en.

Salmos 15:3

qataq ca saishet da ỹasaqtapeguelec ca qauem la'aqtac ca lỹa, qataq saishet da huo'o ca ỹo'otec qauem ca nauochaxaua, qataq saishet da inogoqchet ca lauoreua,

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

1 Ts 4:6

Saishet da huo'o ca ỹatenachet ca lqaỹa maiche la'amqaanataxanaxaua, qataq saishet da qopiilec camaye. Mashe sogote da qami' sevitaqteetagalo da So Qarataxala' Jesús ỹauo'o ca lta'araic nhuaxanaguec ca nache 'eetec de'era.

Lucas 21:16

Qalaxaye qami' qoỹaareuo qome, ivira'a ca qaralamaxache qarta'ai qami' ỹaareuo, huo'otaq ca qarqaỹai, huo'otaq ca qarhuo'oi le'ec, huo'otaq ca qanauochaxauai. Qataq ivira'a da huo'oi caua qaỹalaua't da qoñiita.

Mateo 10:17

Qataq maxatchaxa, cha'aye qami' qoỹaneua'alo qome na nta'alpi, da yaqto' qami' qaiuaxaata'ape da huaigui ana napaxaguenaxaquipi na judiopi.

Ezequiel 22:9

Qaq souaxat na latenataxanaxacpi namayepi, nache nam 'am hueta'api, huo'o na ỹasouaxateguet da ileu ñi lỹa, qataq huo'o na ỹalectaua'a na nquia'axacpi maye huaña ana lcomaraxalatepi da qaỹo'oxoren na nqolacpi, qataq ỹo'ot na lataxacpi maye qaiqaiga.

Proverbios 6:19

qataq ca saq'en ca ỹa'axat, qataq tenataxanaxaic, qataq deloguiỹa't naqa'en ca nqaỹañecpi.

Proverbios 6:16

Huo'oi naua seis lataxaco maye saishetegueta Ñim Nataxala', qataq siete naua ỹataqta sa ihuoonegueta Ñimaye:

Salmos 101:5

Ca nqañoxottañi da ỹasaxalec ca qauem la'aqtac ca lỹa, nache aỹem ñeuogaxa, saishet da nache queta ñaqa'en da ltaxaỹaxac, cha'aye aỹem sa sesheteguet ca na'amqaanaxaic da lmeenaxanaxac, qataq ca ño'oxonnaxaic da lquiyaqteỹaxac.

Isaías 59:13

Qomi' senogoqchetaq qataq satenachetaq Ñim Nataxala', qataq qolqa'ai Ñim Qanatamnaxala'. Sa'axataqtac nam saq'en qataq sasalaxasoq, qataq llapaxasoxoyeñi naua lataxaco da yaqto' satenachetaq na laỹepi shiỹaxauapi.

Jeremías 9:8

Na lachaxat namayepi qalaq 'eeta'am ana checnapi maye qanlem, namayepi ỹa'axattac nam saq 'enpi. Da iquin na nauochaxauapi qalaq ỹachaxana da lauotaxanaqtaic, qalaxaye choche nqoviitac.

Malaquías 2:10

¿Qaq peta'a saisheto' da 'oonolec Ñim Qarta'a, Ñim Lo'onatac 'Enauacna maye 'enauac qomi' ỹo'o't? Qaq ¿ta'ainco' da ñi 'oonolec da shenaqta ỹatenachettac ca lỹa, nache saishet da sepagaxalec, da naỹamaxataxac Ñim Lo'onatac 'Enauacna, maye ỹo'ot co'ollaq naỹamaxate' som hua'au qarta'alpi?

Proverbios 4:16

cha'aye namayepi saishet da lactapiguiñi da sa ỹo'ot ca qauem, qataq sa do'oche da saxanaxa da ỹo'otec ca qauem ca lỹa.

Proverbios 4:17

Namayepi aloq na qauem qataq na laquip da sarecheraqtaxan.

Isaías 9:16

Cha'aye nam lataxala'pi ne'ena nhuo' le'ecpi nachena na isomaxanaqchet, qaq nam ca'attague' namayepi nache deqat.