Jeremías 9:3 - La'aqtaqa Ñim Lo'onatac 'Enauacna 2013

³ Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Jeremías 9:3 Referans Kwoze

Jeremías 9:8

Na lachaxat namayepi qalaq 'eeta'am ana checnapi maye qanlem, namayepi ỹa'axattac nam saq 'enpi. Da iquin na nauochaxauapi qalaq ỹachaxana da lauotaxanaqtaic, qalaxaye choche nqoviitac.

Romanos 3:13

Nachaqrata da ỹataqta qauema naua la'aqtaqa; qataq nda'a't da ỹaỹaten da latenataxanaxac. Naua la'aqtaqa ỹataqta deque'emaqtaxan 'eeta'am na na'araxanaq da denagaxan.

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Jueces 2:10

Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.

Jeremías 31:34

Qaq huaña nache saiuen da huo'oi caua nỹa't qataq caua auochaxau' qataq caua nhuo' lashe' da napaxagueetega't da yaqto' Aỹem ỹauatton, cha'aye 'enauac qome namayepi chegoqchiguiña natai' ñaqpiolec nache ivira'a na ỹepi da Aỹem ỹauatton qome. Qaq Aỹem sapalaxat qome na qauem maye ỹo'otpi qataq saishet da qaltaq seuennatega na lasouaxashetpi. Qaq 'era da ỹa'aqtac, Aỹem Nataxala'.»

1 Samuel 2:12

Qaq soua llalqa so Elí ỹataqta qauem da lataxa'c, qataq qaica ca 'enec naqa'en Ñim Nataxala',

Apocalipsis 12:11

Cha'aye da l-leuaxa Ñi Qagueta Llalec, qataq da na'aqtaguec Ñimaye, nachera da iqallem. So qarqaỹañicpi saishet co'ollaxa da ñe'etac, nachaqrata da ỹan da nachaalataxac da qaỹalauat.

Judas 1:3

Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.

2 Timoteo 3:13

Qalaxaye na qauemaicpi qataq na tenataxanaxaicpi taỹañicra, nquicta'aguet 'enauac na sa ỹaỹamaxañisat. Namayepi datenataxaatac, qalaxaye nache 'ena'am natenatac.

Filipenses 1:28

Qataq saishet qome da qami' icolanaqche't nam qami' ipa'agueeta'ape. Cha'aye da saishet da leetapigui ye qarvilli, nache qauauañiichigui qome namayepi da qailaxachigui, qaq qami' qalaq qami' qanca'alaxatre'c, cha'aye Ñim Lo'onatac 'Enauacna qami' ỹanema da qauauegaxañi.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Romanos 1:16

Cha'aye aỹem saishet da she'etac qataq saishet da ñecoqtac da sa'axattac da no'on na'axaỹaxac, cha'aye damaye la'añaxac Ñim Lo'onatac 'Enauacna maye ishet da nca'alaxatec 'enauac nam ỹa'amaqten So Jesús, na'aictaxa da judiopi huo'otaq saishet.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Marcos 8:38

Da qaualliquiitaigui ne'ena shiỹaxauapi maye 'etaxaloxoicpi qataq saishet da ỹaconeguet Ñim Lo'onatac 'Enauacna, nache saishet da Aỹem qaua'aquiiteguelec qataq naua ỹa'aqtaqa. Qaq da Aỹem qaua'aquiilec, nache nataqa'en Aỹem Shiỹaxaua Llalec qami' sa'agueleguete qom ñe'eguelaq da ñanactaigui da la'añaxac Ñim Ita'a qataq na lamaxashecpi.»

Jeremías 22:16

Somaye iueelec co'ollaxa na choxoraqpi qataq na huo'o da lhuenaxanaxa, qaq ỹoqo'oye no'on da llecỹaxac. Qaq 'era da lataxac maye ỹachaxan da Aỹem qaỹauatton. Qaq 'era da ỹa'aqtac Aỹem Nataxala'.

Jeremías 9:5

Ñi 'oonolec qalaq ỹe'enai' ñi maiche lỹa, nache qaica ca ỹa'axattac ca 'eesa. Mashe nlaqchigui da latenataxanaxac cha'aye qauemaicpi qataq saishet da

Jeremías 7:26

Qalaxaye qami' saishet da Aỹem qaualaqaiguet qataq saishet da aỹem qauqocheetega, nacherata da ỹapac saqaualaqai, qanapacỹalec som hua'au qarta'ailpi.

1 Corintios 15:34

Ỹataqta qauennataxañiitelec ca qauo'oche, qataq saishet da sa qaualaqaiguet Ñim Lo'onatac 'Enauacna. Qaq nache sheetec de'era, yaqto' qami' huo'o da qara'aloqoi. Cha'aye huo'o da qoñiita na saishet da ỹauatton Ñim Lo'onatac 'Enauacna.

Levítico 19:11

Saishet da qaucachi. Saishet da qauatenataxañi, qataq saishet da huo'o ca ỹatenachet ca lỹa.

Isaías 1:3

Ca nauegaxanaxala' huaca ỹauatton ca na'aco', qataq ca 'ashena ỹauatton ca lquia'axanataxanaqa' ca na'aco', qalaxaye na Israel le'ecpi nam nhuo' le'ecpi maye ỹalamaxatpi, saishet da aỹem ỹauatton qataq qaica ca lauattonaxanaxac.»

Isaías 3:5

Nache na nhuo' le'ecpi qaica qome ca qairen, ñi 'oonolec qalaq npa'aguene' ca maiche lỹa, qataq ca lỹa npa'aguene' ca maiche nauochaxaua, qataq ca nsoxoppi npa'aguene' ca ỹa'axaiquipi, qataq cam no'otanecpi npa'aguene' ca 'amaqtaqaicpi.

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

Jeremías 5:4

Qaq aỹem seuennataxan, nache sheeta': 'Era da 'eetec na shiỹaxauapi da qaica ca ỹaỹaana'a, cha'aye saỹaỹaten cam 'eetapeguec Ñim Nataxala', qataq cam damaxasoxoolec Ñim Natamnaxala'.

Jeremías 5:5

Qaq huaña nache shenapec: Ñeqo'oneua'a nam shiỹaxauapi maye 'amaqtaqaicpi nache setaxaỹot qome cha'aye namayepi yo'oqta da ỹaỹaten cam 'eetapeguec Ñim Nataxala', cam damaxasoxoolec Ñim Natamnaxala'. Qalaxaye namayepi 'enauac da dataỹa'aguet Ñim Lo'onatac 'Enauacna, namayepi sanashen da ỹalaxaguet Ñimaye.

Daniel 11:27

Qaq huaña nache que'ecaua dos nta'al, nda'a't qome da lhuennataxac da nque'emaqchettega't, qataq qom nso'ooyiñi da datatralec ca nquia'axala' qalaq natenachetta'a't, qalaxaye ñi 'oonolec que'ecaua nta'al, saỹañoxot cam 'eetapeguec, cha'aye saxanaxa qome da ivita cam laloqo'.

Génesis 39:16

Qaq ime, co'ollaxa nache asomaye ỹaỹamaxa't soua alogo so José, nache ivitta'a da nvireua'a so lma' so lhua.

Jueces 14:17

Qalaxaye asomaye nache quetot da nỹeetac se'esoua na'axa'te maye huaiguilo so nquia'axac. Qaq souaxato' da saq ñaxaasheguem da dequicto'ot somaye, nache so ivita so pa'atec na'a'q se'esoua siete na'axa'te, nache asomaye ỹañoxot so lhua da da'aqtaxanem da naigui se'eso ỹapogoñi na'aqtac. Nache asomaye da'aqtaxanem so lauo' le'ecpi.

Proverbios 12:5

Na shiỹaxauapi no'on da lataxac lhuennataxat da ỹo'ot ca nalochiguiñi lataxac. Qaq na qauemaicpi qalaq lhuennataxat da natenataxanaxac.

Isaías 9:18

Cha'aye dam qauem, 'eroigui qome nache 'eeta'am ca norec da ỹavigaxat aca ỹaxat qataq ca huouesat, qataq ỹavigaxat aca qo'oipaqpi maye netaigui ca sansattec aviaq, nache ca lmala'q ỹataqta la'ana't da huaỹoxoosheguem 'eeta'am aca daua'ache.

Jeremías 6:28

«'Am Ỹataxala', 'enauac namayepi da ỹataqta saỹalaq, namayepi ỹataqta na'aqtaqa lo'o, qataq qauem da lataxac, ỹataqta qaramta napacalec ca lcat bronce qataq ca ndota't lcat.

Jeremías 12:6

Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Ezequiel 8:13

Qataq nataqa'en Ñimaye, 'eeta': «'Am ñaq tata'a da 'aula'a qome nam ỹactec da qauem maye ỹo'ottac namayepi.»

Hechos 24:9

Nache nam judiopi maye ỹalectauo 'enauac nmasheguem da 'eetega da ỹataqta 'eesa de'era.