Jeremías 9:24 - La'aqtaqa Ñim Lo'onatac 'Enauacna 2013

²⁴ Qaq da huo'o ca huotaique da na'amaqten qalaq iuen da na'amaqten souaxat da Aỹem ỹauatton, qataq ỹaỹaten da nachaỹem maye Aỹem Nataxala', maye sauota'a da isoxoyec da so'onataxaatac ana 'alhua, qataq so'ot da nalochiguiñi lataxac qataq da no'on lataxac, cha'aye nachera dam saỹamaxareeta. Qaq 'era da ỹa'aqtac, Aỹem Nataxala'.»

Jeremías 9:24 Referans Kwoze

2 Corintios 10:17

Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': Da huo'o ca nshetaique da na'amaqten, qaq camaye no'on da na'amaqteeto'ot Ñim Nataxala'.

Gálatas 6:14

Qalaxaye aỹem, nachaqrata da huo'o da ña'amqaanaxac souaxat da sa'amaqten da l-leuaxa So Qarataxala' Jesucristo. Ỹoqo'oye huo'o da ña'achec, cha'aye de'era l-leuaxa Somaye, chegoqchigui da naua lhuennataxaco maye qauema nam huetalec ana 'alhua mashe saishet da seqochetega; cha'aye ana'ana 'alhua 'eeta'am ñaqa'en da mashe seleu.

1 Corintios 1:31

Qaq ỹoqo'oye ana la'aqtac lmalate Ñim Lo'onatac 'Enauacna 'eeta' «ca huotaique da na'amaqten qalaq iuen da na'amaqteeto'ot So Jesucristo maye Qarataxala'.»

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Salmos 44:8

Qaq ỹoqo'oye nache 'eetai' qome da 'am sho'oxorenaqtac, 'am maye 'Aro'onatac 'Enauacna, qataq nache 'eetai' qome da sho'oxorenaqtac da 'are'enaxat.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Salmos 51:1

'Am Ñatamnaxala', ñaq aỹem 'auchoxoren souaxat da lta'araic 'arsoxoyec, qataq 'auapalaxat na ỹasouaxashetpi cha'aye huo'o da 'arauotaxanaqtaic.

Salmos 91:14

«Cha'aye ỹataqta Aỹem ỹauotec nache ñeca'alaxatec qome, qataq ñepaxattalec cha'aye ỹauattoota da ỹe'enaxat.

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Isaías 41:16

Qataq 'auchegoq qome nache ỹache na la'at, qataq na la'at lta'araic ilagaxattac qome. Huaña nache 'auamachiguiñi qome da qoueto'ot Ñim Nataxala', qataq huo'o da 'ana'amqaanaxac da qoueto'ot Ñim Qui'itta Natamnaxala' na Israel le'ecpi.

Romanos 5:11

Nataqa'en Ñim Lo'onatac 'Enauacna qomi' ỹo'oteque da lta'araic da qaramaicỹaxac, cha'aye mashe souaqtaigui da nlagaxayec da sonaqto'ot Ñimaye, chegoqchigui So Qarataxala' Jesucristo.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Isaías 61:8

Cha'aye Aỹem Nataxala' sauotec da nalochiguiñi lataxac, qalaxaye sequiỹa da ncachaxac qataq da nalaataxanaxac. Qaq ỹoqo'oye sanem qome namayepi da nsheetenaguec qataq so'ot qome cam chochaq tatec ñaỹamaxataxac da ñaỹamaxate' namayepi.

Salmos 99:4

'Am Nta'a 'añaxaic maye 'auauotec da nalochiguiñi lataxac, 'am, 'alapaxañi co'ollaxa da 'eeta'a't lataxac, qataq so Jacob 'auo'otec da nalochiguiñi qataq ỹaỹamaqchiguiñi lataxac.

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Isaías 45:25

Qaq chegoqchigui Aỹem da 'enauac na nhuo' Israel le'ecpi, da dauegaxan qome, nache huo'o qome da na'amqaanaxac souaxat Aỹem.›»

Salmos 20:7

Huo'o na pe'etega ana nnotaxaqui maye nalaataxaqui, qataq huo'o na pe'etega na lalo caipi, qomi' qalaxaye sepia'aqtega Ñim Nataxala' maye Qanatamnaxala'.

Salmos 34:2

Aỹem ỹataqta sho'oxoreetac qome Ñim Nataxala', qaq qom hua'aqa na choxoraqpi nache machiguiñi.

Isaías 20:5

Qaq nam shiỹaxauapi nlaxagui qome da lli'iỹaxa qataq da lcoxo souaxat ye Etiopía maye naquittalec co'ollaxa, qataq ye Egipto maye llo'oxonnatac co'ollaxa.

Jeremías 22:16

Somaye iueelec co'ollaxa na choxoraqpi qataq na huo'o da lhuenaxanaxa, qaq ỹoqo'oye no'on da llecỹaxac. Qaq 'era da lataxac maye ỹachaxan da Aỹem qaỹauatton. Qaq 'era da ỹa'aqtac Aỹem Nataxala'.

Salmos 34:3

Sho'oxorenaq qome Ñim Nataxala', qataq llatetaq da le'enaxat Ñimaye.

Salmos 44:9

Qalaxaye nagui qomi' sa 'anashenegueta nache 'auo'ot da qara'aloxo. Qataq saishet da 'annaicapegue' na qanalleppi.