Jeremías 9:23 - La'aqtaqa Ñim Lo'onatac 'Enauacna 2013

²³ Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Jeremías 9:23 Referans Kwoze

Isaías 5:21

¡Choxoraxaso' nam 'eetega ỹaanaxanaxaicpi, qataq nam 'eetega ỹaanataxanaxaicpi!

Eclesiastés 9:11

Qataq huo'o da lỹa sela'a ana'ana 'alhua, da saishet da nachena nam qayaqaicpi na dauegaxan da qomitaxac, qataq saishet da nachena nam 'añaxaicpi nam dauegaxan da huo'o ye alaataxac. Qataq da saishet da nache 'eetai' naxa da deque'etai' nam ỹaanaxanaxaicpi, qataq nam ỹaanataxanaxaicpi da nache hueto'ot da lsallaxa, qataq nam sanqalaate' da ltaxaỹaxac saishet da qaỹaỹamaxatta da qaỹaconeguet. Cha'aye 'enauac namayepi da huo'o ye na'a'q da nvita da no'on qataq da qauem.

Romanos 1:22

Namayepi ipettega da 'enauac da ỹaỹaten na lataxac, ỹoqo'oye namayepi ivira'a da sanaỹamaxatapecpi.

Ezequiel 7:19

Qataq ỹasaxauga ca nqa'aic ana alom lcat plata, qataq ỹasaxauec na lalamaxat lcat oro, 'eeta'am naqa'en ca lasogoñi. Qaq na lalamaxat oro qataq ana alom lcat plata, saishet qome da nca'alaxatec namayepi que'eca na'a'q maye huaigui da lalemataic Ñim Nataxala'. Qataq saishet da vi'iiguet na lqouaxa, cha'aye na lalamaxat oro nachena na ỹo'ot da talec namayepi da qauem.

Proverbios 11:4

Da nsallaxa qaica ca naigui da ivita ca na'a'q da qanmit 'enauacna, qalaxaye ca ỹaỹamaqchiguiñi lataxac nca'alaxateeguesop da l-leuaxa ca shiỹaxaua.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Salmos 62:10

Saishet qome da qaupi'iitega da loquiaxac, saishet da qaỹa'agaqñiỹauec da ncachaxac, da ivita da nquictasheguem da qarsallaqai, qalaq saishet da qaumachiỹalec da qarquiyaqteỹaxaqui damaye.

Deuteronómio 8:17

Qataq saishet qome da qarhuennataqai, da 'eeta': «'Enauac de'era qarsallaxa damaye chegaqaigui da qaro'onataxanaxac, qataq da la'añaxac naua qarhuaxaye.»

1 Timoteo 6:10

Cha'aye da nqopitaxanaqtaic aca yo'oqchigui anom, nachera da lpa'a' na 'enauac ỹotta'a't sa ỹaỹamaxañisat. Cha'aye mashe huo'o na ime'eguet da lqopitaxanaqtaic anamaye, nache ỹalat da lpi'iỹaxac Ñim Lo'onatac 'Enauacna, qaq nache huaña da ivireguet na qalota lqalaiguesat qataq nque'eenaxacpi.

Marcos 10:24

De'era na'aqtac ỹataqta ỹe'elaqche't soua lapaxaguenataqa So Jesús. Qalaxaye Somaye qaltaq ỹe'eguelaxalec da la'aqtac, 'eeta': –Qami' ñauochaxau', ¡ỹataqta huo'o da lqalaic da qainoxoneua'a da lo'onataxanaxac Ñim Lo'onatac 'Enauacna!

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

Ezequiel 29:9

Qataq so'ot qome da 'am toolec, qaq huaña nache na shiỹaxauapi ỹaỹaten da Aỹem nachaỹem Nataxala'. 'Am maye qonapec naxa: Ye Nilo maiche ỹalamaxat, aỹem ỹo'onatac.

Isaías 10:8

Ỹoqo'oye ñimaye 'eeta': «'Enauac na nta'alpi ỹalaxaguet na ỹamaxasoxonaxacpi da samaq.

Eclesiastés 2:19

Qaq huo'o dam ỹataqta 'eesa, da camaye na'aictaxa da ỹaanaxanaxaic huo'otaq da qaica ca laỹaanataxanaxac, qalaxaye camaye ỹauo'o lalamaxat qome, 'enauac nam ỹataqta lta'araic da ỹo'onataxanaxac co'ollaq so'ottac, qataq so'ogoxona da ỹaỹaanec da yaqto' ishet da aỹem hueto'ot namayepi ana'ana 'alhua. ¡Qaq damaye nataqa'en ỹataqta qaica ca naigui!

1 Samuel 17:42

Qaq so filisteo ỹamata'a so David, nache co'ollaq ila'a da ña nsoqolec, qovioxoraic qataq nalochiguiñi da lataxac, nache qaica ca 'enec naqa'en.

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

1 Corintios 1:31

Qaq ỹoqo'oye ana la'aqtac lmalate Ñim Lo'onatac 'Enauacna 'eeta' «ca huotaique da na'amaqten qalaq iuen da na'amaqteeto'ot So Jesucristo maye Qarataxala'.»

Filipenses 3:8

Qaq saishet da nacherata de'era, cha'aye 'enauac nam ishettaxa da ỹalamaxatpi, qalaq 'enauac salat, cha'aye ỹataqta saishet da huo'o ca ivi' ñaqa'en da lyacỹaxac da ỹauattonaxanaxac So Cristo Jesús maye Ỹataxala'. Qaq souaxat So Cristo, nache imauec da deqat ñaqa'en nam ỹalamaxatpi co'ollaxa, qataq 'eeta'am ñaqa'en da ỹataqta qaica ca naigui, cha'aye mashe sauatton Somaye,

Filipenses 3:10

Qaq ỹoqo'oye dam 'oonolec maye ỹataqta seyaqa'a, damaye sauotaique da ỹataqta sauattoota So Cristo, qataq da ñauane' da la'añaxac co'ollaq nca'aleeguesop da nleuaxa, yaqto' ñeuanaua'a da nque'eenaxac, qataq sevira'a da shena'am Somaye da l-leuaxa.

Da na'aqtaguec so Job 32:13

Yaqto' saishet qome da qoñiỹapec, da nache qomi' dam ỹataqta qomi' ỹaanaxanaxaiqa, cha'aye Ñim Lo'onatac 'Enauacna, nacheñi qome ñi qami' ỹasategueta qaq saishet da nacheca ca shiỹaxaua.»

Proverbios 3:5

Ỹataqta 'aumato'ot da 'arquiyaqteỹaxac da 'aupi'iỹa'a Ñim Nataxala', qaq saishet da 'aupe'etega da maiche 'araỹaanataxanaxac.

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

Isaías 20:5

Qaq nam shiỹaxauapi nlaxagui qome da lli'iỹaxa qataq da lcoxo souaxat ye Etiopía maye naquittalec co'ollaxa, qataq ye Egipto maye llo'oxonnatac co'ollaxa.

Isaías 47:10

'Am qaica ca 'andaqtaique da 'auo'ottac da qauem, qataq qoneta' naxa: «Qaica ca aỹem ilotagui.» Dam 'araỹaanec qataq nam 'arauattonaxanaxacpi 'am ỹatenachet. Qaq dam pa'auo 'arhuennataxac, 'eeta': «Aỹem nachaqaỹemta nache qaica ca lỹa.»

Jeremías 48:7

'Am Moab, 'aupe'etega co'ollaxa da 'ara'añaxac, qataq da 'arsallaxa, qalaxaye nataqa'en 'am noxonec qome. Ñi 'anatamnaxala' Quemós qaỹauega qome ca lỹa 'alhua, caueegue' qanqa'en na ltaxaỹaxanaxanecpi qataq nam shiỹaxauapi maye 'amaqtaqaicpi.

Jeremías 49:4

¿Ta'ainco' da 'ana'amaqteetapigui da 'ara'añaxac? Da qara'añaxaqui mashe imeuo qami' nhuo' le'ecpi maye yeloxoicpi, maye qanteñeetecot da qarsallaqai maye qalapoñiitasheguem, ime nache qoñeeta' naxa: ‹¿negue't ca ishet da qomi' iloquiaxa'n?›

Da na'aqtaguec so Job 41:15

Na l-laq qalaq quetegue na qaramta lo'oc maye lpaqtaxanaxat, napotelec qataq ỹataqta qaramta 'eeta'am na coma'.

Salmos 33:5

Ñim Nataxala' ỹataqta ỹauotec na no'on da lataxac qataq no'oitegue da llec qataq da lsoxoyec Ñimaye ỹataqta imattalec ana 'alhua.

Salmos 34:3

Sho'oxorenaq qome Ñim Nataxala', qataq llatetaq da le'enaxat Ñimaye.

Salmos 44:9

Qalaxaye nagui qomi' sa 'anashenegueta nache 'auo'ot da qara'aloxo. Qataq saishet da 'annaicapegue' na qanalleppi.

Jeremías 31:34

Qaq huaña nache saiuen da huo'oi caua nỹa't qataq caua auochaxau' qataq caua nhuo' lashe' da napaxagueetega't da yaqto' Aỹem ỹauatton, cha'aye 'enauac qome namayepi chegoqchiguiña natai' ñaqpiolec nache ivira'a na ỹepi da Aỹem ỹauatton qome. Qaq Aỹem sapalaxat qome na qauem maye ỹo'otpi qataq saishet da qaltaq seuennatega na lasouaxashetpi. Qaq 'era da ỹa'aqtac, Aỹem Nataxala'.»

Jeremías 48:14

Qaq qami' Moab le'ecpi, saishet qome da qoñeeta': ‹Qomi' qaramchiguilo, qomi' alaataxaicpi 'añaxaicpi.›

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.