Jeremías 9:2 - La'aqtaqa Ñim Lo'onatac 'Enauacna 2013

² ¡Da iyaxa da huo'o ca ima' yem toolec 'alhua, da yaqto' soota'a nache qaỹoqtaique ñaqa'en na ihuo' le'ecpi! Cha'aye 'enauac namayepi da saỹalaq, namayepi ỹataqta 'etaxaloxoicpi.

Jeremías 9:2 Referans Kwoze

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.

Oseas 4:2

Nacherata da ỹapacauec na saq 'en maye ỹan la'aqtacpi, qataq da latenataxanaxac, lalaataxanaxac, lcachaxac, qataq da lauatapiguiñi' ana sa lhua, qataq da qaica ca iren.

Oseas 7:4

'Enauac namayepi da sa ỹalemaq, 'eeta'am ana qatelaxanaxaqui da mashe ỹaguec na le'eraxa, nache sa iuen da queta da qaỹalootaigui, da qaiuatta'a da nashiiyesheguem ca ndaqñiguishec 'ayiiña.

Jeremías 12:6

Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Jeremías 12:1

'Am Nataxala', dam 'Am ñecotaỹapegue', qalaq 'Am saqỹet naxa da 'eesa cam qonapec, qalaxaye aỹem sauotaique da 'am senat da ta'ainco' da huo'o nam laỹe lataxacpi. ¿Ta'ainco' da qaica ca iuena'a nam qauemaicpi? Qataq ¿ta'ainco' da ỹe'emaqtac nam sa ỹalaq?

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

Malaquías 2:11

Na Judá le'ecpi, saỹalaxaguet Ñim Lo'onatac 'Enauacna, qataq ỹo'ot nam ỹataqta qaiqaiga da huaña na Jerusalén, maye hueta'a na Israel. Na Judá le'ecpi, qalaq saipaguelec dam qui'itta lataxac añi atamnaxaqui maye lauotaqte Ñim Nataxala', qataq nam ỹalleppi na Judá huaroneguet na 'alpi maye natameetacot na atamnaxala'pi maye saq'en.

Sofonías 3:4

Qaq na la'aqtaxanaxanecpi ỹataqta qaica ca iren, qataq tenataxanaxaicpi, qaq na ltaxaỹaxanaxanecpi qalaq ỹataqta sairen ye atamnaqa', qataq saỹaỹamaxatapec nam lqataxacpi Ñim Nataxala'.

Oseas 6:7

Qalaxaye qami', qoñeeta'am so Adán, da saishet da qaupaquiitelec da ñaỹamaxataxac, nache saishet da aỹem qaualaqaiguet.

Oseas 5:7

Qaq souaxat da namayepi ca'ai Ñim Nataxala', qataq na llalaqpi ỹaqa'a na lta'alpi, nache namayepi qataq na na'alhuapi, nlaguiñi qome huaigui ca 'oonolec ca'agoxoic.

Jeremías 5:11

¡Na Israel qataq na Judá ỹataqta saỹalaq! Qaq 'era da la'aqtac, Ñim Nataxala'.»

Jeremías 13:22

Qaq da 'aunataxan da ta'ainco' da 'am talec de'era, qaq iuen da 'auaỹateeta da souaxat dam ỹataqta lta'araic 'arasouaxashet, ¡ỹoqo'oye 'am qansogoñi, qataq 'am qaỹe'en!

Miqueas 6:12

Qaq na sallaxanecpi maye lma' ne'ena huaqta'a't nỹecpi ỹataqta qauemaicpi, qataq 'enauac namayepi ỹataqta tenataxanaxaicpi.

Malaquías 2:14

Qaq ñaq 'eetalec da qanataxañeetac da ta'ainec de'era. Cha'aye Ñim Nataxala' nacheñi ñim 'am ỹauaachigui da sa 'aupaguelec so 'ara'aqtac maye 'aỹa'anem asom 'alo maye 'auaroneguet co'ollaq ñaq 'am nsoqolec. ¡Qaq asomaye nachaso asom 'artaua co'ollaxa, qataq 'aỹa'anem so 'ara'aqtac da saishet da 'aualat!

Jueces 2:10

Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.

Isaías 59:3

Qami', naua qarhuaxayilli' qalaq huagui na ntago'q, qataq naua qaya'axaatalli' qalaq huagui na ltago'q na qaralaataqui, naua qa'apilli' qalaq nauoiguilo na natenataxanaxacpi, ñi qarachaxachi qalaq nda'a't na qauem huetalec.

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Jeremías 5:1

Ñim Nataxala', 'enapec: Qoquiiguelo qome naua nqa'aico ye Jerusalén nache qaumichiñiita, qataq qanmiche ye nlagaqa', shapegueto' da qauanachiỹa cam ỹo'ottac da nalochiguiñi lataxac, qataq nmittaique dam 'eesa. Qaq da qauanachiỹa, nache Aỹem sechoxoren qome ye Jerusalén.

Jeremías 5:2

Qaq na'aictaxa namayepi da 'enapec: «Nca'altauec Ñim Nataxala', qalaxaye de'era ỹan la'aqtac saq'en.»