Jeremías 9:12 - La'aqtaqa Ñim Lo'onatac 'Enauacna 2013

¹² Qaq ¿negue't cam huo'o ca laỹaanec da yaqto' ỹaỹaten de'era? Qataq ¿negue't ca ỹauattonaxanaxanec co'ollaxa de'era Ñim Nataxala', da yaqto' camaye ishet da ỹa'axatem na laỹepi? ¿Ta'ainco' da nlachiguiñi ne'ena 'alhua, qataq deqaqta 'eeta'am ca toolec 'alhua, nache qaica ca ishet da quetalec?

Jeremías 9:12 Referans Kwoze

Oseas 14:9

Qaq ca ỹaanaxanaxaic nache ỹaỹateeteguet qome de'era, qataq ca ỹaanataxanaxaic nache ỹauattoota qome de'era na'aqtac. Cha'aye 'enauac na ỹo'otpi Ñim Nataxala' ỹataqta nalochiguiñi, qaq cam no'on da lataxac nache quetegue qome namayepi, qalaxaye nam qauemaicpi nache pogolaxaisop qome damaye.

Salmos 107:43

Qaq cam ỹaanaxanaxaic qalaq ỹaỹamaxattec de'era, nache ỹaỹaten qome da lauotaxanaqtaic Ñim Nataxala'.

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

Deuteronómio 32:29

Namayepi taxa da huo'o ca laỹaanec, qataq dauattonaxan, nache ỹaỹaten chaq negue't ca taỹa'a.

Apocalipsis 1:3

¡Ñim Lo'onatac 'Enauacna ỹami' da nqouagaxa cam itaxaỹaxan de'era na'aqtaxanaxac da ỹalectaigui na laỹepi shiỹaxauapi! ¡Qataq nataqa'en ỹaalec da nqouagaxa 'enauac nam na'axaỹaxaatega de'era na'aqtaxanaxac qataq ỹalaxaguet! ¡Mashe nayeetai' ca na'a'q da Ñim Lo'onatac 'Enauacna ipacchigui naqa'en 'enauac ne'ena ỹa'axattac ana'ana nere!

Mateo 24:15

So Jesús queto'ot da na'aqtaxaategueto soua lapaxaguenataqa, da'aqtaxaateguema cam loga't ana 'alhua, nache 'enapeco': Cam itaxaỹaxan de'era, nache iuen da npogoxoinapegue' da ỹaỹaten dam ỹa'axat som la'aqtaxanaxanec Ñim Lo'onatac 'Enauacna le'enaxat Daniel. Somaye ỹiyiñi co'ollaxa da huo'o ca na'a'q, nache qoỹaneua'a aca qauem nachetaqtaxanaqte añi no'onaxanaxaqui late'erai. Qaq qom qauloỹa'a yi'iye ndaqa' añi no'onaxanaxaqui maye sa qaishetapec da ipacchigui dam ỹa'axat co'ollaxa so na'aqtaxanaxanec, nache qami' qome qauataiuec.

Ezequiel 14:23

Qami' qauamaichiguiñi qom qauloỹa'a da lataxac caamaye qataq na ỹo'otpi. Qaq huaña nache qauaỹachiñi da saishet da choche sauo'o da nhuaxanaguec ye Jerusalén. Qaq 'era da ỹa'aqtac Aỹem Nataxala'.»

Isaías 42:23

Qalaxaye dam qoñeeta ¿negue't cam qochetega de'era? ¿Negue't cam lhuotta da na'axaỹaxana cam ñaq taỹa'a da yo'oq?

Jeremías 9:20

Qami' 'alpi, ñaq qana'axaỹaxañiỹa da la'aqtac Ñim Nataxala', ñaq qana'axaỹaxañiichigui da la'aqtaxanaxac Ñimaye. Ñaq qauapaxaguiñic da nnoinaxac ana qaỹa'alepi qataq ana nauochaxauapi ỹapaxaguenec da laquicoxo, 'eeta':

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.

Jeremías 23:16

Qaq Ñim Nataxala' maye Qaica ca Ỹaqalanapec, da la'aqtac, 'eeta': «Qami' Israel le'ecpi saishet qome da qaualaqaiguet nam qami' ỹa'axatteguema nam na'aqtaxanaxanecpi, cha'aye nam ỹa'axattac namayepi choche natenataxanaxacpi, ne'ena la'aqtaxanaxacpi namayepi maiche ỹo'ot, qaq saishet da Aỹem chegoqtot.

Jeremías 23:22

Namayepi da ỹaỹate'n taxa naua saqcha'alo iuennataxaco, nache da'aqtaxanem taxa na ỹalamaxat nhuo' le'ecpi naua ỹa'aqtaqa, qataq nqateeguesop taxa namayepi da qauem llecỹaxac, qataq ỹaxanec naqa'en nam qauem ỹo'ottac.»

Jeremías 23:28

¡Ca na'aqtaxanaxanec da huo'o ca lchoxonaxac, qalaq iuen da ỹa'axatta da choche lchoxonaxac, qalaxaye da ỹaconegueta naua ỹa'aqtaqa qalaq iuen da ipagaqchiichiguilo da ỹa'axa't! Cha'aye, ca 'auaqpi saishet da qanaloqnet ca trigo.

Joel 1:11

Qaq qami' maye qauo'ocheetac na nanaxanaqa'pi, ña qanỹeñi qome, qataq qami' maye qauo'ocheetac na uva lma'pi, qauaquicoita qome, souaxat da deqat na ala na nañiguishecpi, qataq deqat na trigo qataq na cebada.

Sofonías 3:6

Ñim Nataxala', 'eeta': «Aỹem selaxachigui co'ollaxa na ỹotta'a't shiỹaxauapi, qataq selaxachigui ana lalloxolatepi maye nalec na lpaqtaxanaxatpi, qataq so'otec da toteguelo naua nqa'aico, nache qaica ca shiỹaxaua da quetagueto naamaye. ¡Nache nam lalamaxat huaqta'a't nỹecpi ỹataqta toolec qaica da choche 'oonolec ca no'onañi!

Oseas 4:10

Qaq na'aictaxa qome da sa qoue da lquia'axac qalaxaye saishet da icoma', qataq da ỹapacauec da lquisheguetaxac, qalaxaye qaica qome ca llalec, souaxat da ca'ai Ñim Nataxala'.