Jeremías 9:11 - La'aqtaqa Ñim Lo'onatac 'Enauacna 2013

¹¹ Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Jeremías 9:11 Referans Kwoze

Isaías 25:2

Qataq logosheguem 'anqa'en so coma'pi maye lsoche so huaqta'a't nỹecpi, qataq nlaguiñi 'anqa'en som qanpaxattaua'a huaqta'a't nỹecpi, qataq nlachiguiñi 'anqa'en so lma' lta'araicpi so qampa'aguenaxauapi, qaq nache saishet qome da qaltaq qaỹe'eguelaxa da qano'oxoosheguem.

Jeremías 51:37

nache yemaye ỹe'eguelaxa qome da lapoosheguem na coma'pi, qataq nache lma' qome ana huaxaỹaxapi, qataq qaica qome ca ishet da hueta'a yemaye, nacherata da ỹo'ot da ncolanaxa qataq da nqaigaxa.

Jeremías 10:22

¡Ñaq qana'axaỹaxañiichiguiñi! ¡Nvi' da na'axaỹaxac! Ye 'alhua maye pa'aigue da sheu' chegoqtegue da lta'araic nllimiaxa, maye ỹo'otec qome ye huaqta'a't nỹecpi ye Judá da toolec nache nda'a't qome na qa'alaqpi da coleeteguelec.

Isaías 34:13

Qataq na lma' lta'araicpi ñaxaalec qome ana ỹaxat, qaq na lpaqtaxanaxatpi qalaq ñaxaalec ana poqo qataq ana cotaque. Qataq nache lma' qome yemaye ana huaxaỹaxapi, qataq lle'eguenaqa' qome yemaye na mañecpi.

Isaías 13:22

Na nỹecpi maye qanpaxattaua'a qalaq dalacotapoigui qome aca huaxaỹaxapi, qataq nam ỹataqta 'onaxaic nỹecpi lta'araicpi qalaq hueta'a qome ca qa'alaqpi. 'Am Babilonia mashe nayeetai' ca 'araloqo', qaq mashe saqaỹarauec naua na'axa'te maye qouetaiguilo.»

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Lamentaciones 3:47

Da qarcolanaxa qataq da qanqoinaguec qataq da qomi' qanlaxatcheyeñi, damaye nachera da qomi' taleguete.

Lamentaciones 2:2

Ñim Nataxala', qaica da huo'otaq 'oonolec naqa'en ca nachattañi so lma'pi so Jacob, co'ollaq dalemata nache hua'axañi naqa'en so lpaqtaxatpi ye ỹataqta huo'o da lyac Judá, qataq qaica ca la'amaqchec naqa'en so nta'a, qataq som nataxala'pi.

Jeremías 34:22

Aỹem samaxalec qome da ỹe'eguelaxalec da iloquiaxan ne'ena huaqta'a't nỹecpi, qaq da mashe loxonec nache ỹavigaxat. Qataq so'ot qome da toolec na laỹepi huaqta'a't nỹecpi maye ỹotta'a't naua nañalo na Judá, nache qaica qome ca netaigui. Qaq 'era da ỹa'aqtac Aỹem Nataxala'.»

Jeremías 26:18

«So na'a'q maye huetoigui da lo'onataxanaxac so Ezequías, maye nta'a na Judá, nache so Miqueas maye lma' ye Moreset ỹachegoxotchigui da le'enaxat Ñim Nataxala' da da'aqtaxanem 'enauac na nhuo' le'ecpi na Judá, 'eeta': ‹Ñim Nataxala' maye Qaica ca Ỹaqalanapec, 'eeta': Na Sión ỹe'eguelaxa qome da 'eeta'am ca 'alhua maye qana'ayesheguem, na Jerusalén qalaq qailaxachigui qome nache lapoosheguem qaq yem qaỹoqotcheguec 'alhua maye netaña añi atamnaxaqui qalaq ndotec qome na nloche ñaxaalec.›

Jeremías 25:11

Qaq 'enauac qome ne'ena 'alhua da ỹataqta nlachiguiñi qataq logosheguem qome. Qaq ivittrec qome caua setenta vi'iye da ne'ena ỹotta'a't shiỹaxauapi do'onataxaatacot ñi nta'a ye Babilonia.

Salmos 79:1

'Am Qanatamnaxala', na ỹotta'a't shiỹaxauapi nnoxotaua'a na 'aralamaxatpi, qataq ỹe'enai' ana qui'itta atamnaxaqui maye 'aralamaqte, qataq nlaxatchiguiñi na Jerusalén.

Miqueas 6:16

Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.

Miqueas 1:6

Qaq ỹoqo'oye ye huaqta'a't nỹecpi ye Samaria nlachiguiñi ñaqa'en qome, huaña, nache ishet da qoỹaalec ana nañiguishe uvapi. Qaq na lalamaxat coma'pi yemaye laguelec ñaqa'en qome ye ca'amegue, huaña nache yo'oqchiguiña ñaqa'en na lo'oxonaxala'pi.

Jeremías 26:9

¿Ta'ainco' da 'aua'axattac da qonetega chegoqchigui da le'enaxat Ñim Nataxala' da ana atamnaxaqui 'eeta'am qome asom naña ye Siló, qataq ne'ena huaqta'a't nỹecpi dolagui qome nache qaica ca hueta'a shiỹaxauapi?» Nache 'enauac so nhuo' le'ecpi maye hueta'a aso atamnaxaqui coleesop so Jeremías.

Jeremías 25:18

Nataqa'en sanem da nỹomgui nam hueta'a ye Jerusalén qataq nam huaqta'a't nỹecpi maye ỹotta'a't naua nañalo ye Judá, nataqa'en na lta'alpi qataq na lataxala'pi, da yaqto' selaxachigui qataq da lapoosheguem ñaqa'en, nache ỹo'ot da ne'elaxa qataq da ñi'iỹaxa, qataq naloqnaxanaxat da huo'o na qaỹasaxalec ca qauem choche ivitta'a nagui.

Isaías 44:26

Qalaxaye naua la'aqtaqa nam ỹamaxashecpi so'ot qome da ipacchiguilo, qataq naua lapaxayiñi nam ỹamaxashecpi so'ot qome da ỹaỹamaqchiyiñi. Aỹem sa'axat da qaltaq ỹe'eguelaxa qome da qanayenalec ye Jerusalén, qataq yem huaqta'a't nỹecpi ye Judá qalaq qaltaq qano'oxoosheguem qome, qataq nam qailaxachigui co'ollaxa yemaye, she'eguelaxata da qanauaxaỹaxaasheguem.

Nehemías 4:2

Nache co'ollaq datataigui so laỹepi qataq so alleppi maye lma' ye Samaria, nache 'eeta': «¿Negue't ca ỹauotaique da ỹo'ot ne'ena choxoraicpi judiopi? ¿Qalqo' ipi'itaxaatega da qaỹa'aqta'a da qaltaq no'oxoosheguem ne'ena huaqta'a't nỹecpi qataq da ỹe'eguelaxalec da ỹavigaxat aca lachetaqtaxanaqtepi qalqo' ipettega da 'oonolec na'a'q nache imat namaye? ¿Qalqo' ipi'itaxaatega da ishet da do'onataxana na coma' vigaxaic qataq na coma' laỹepi da huo'o ca dalaxaic ỹo'ot?»

Apocalipsis 18:2

Somaye ỹataqta alam da lavilỹaxac, detaqtac, 'eeta': «¡Chaxan lshegue, qaq noxonec yem lta'araic nỹecpi le'enaxat Babilonia! Qaq yemaye lma' nagui na saqcha'a na'añaxacpi, qataq nqañoxotaqa' nam saqcha'a na'añaxacpi maye qauemaicpi, qataq lpata'c na ỹotta'a't maỹopi qataq lauac na shiguiỹacpi maye qarqaigaxat qataq saishet da sacheguenaq.

Levítico 26:32

Nache ỹataqta 'enauac ñelaxatchiguiñi qome ca qana'alhuai, nache ca qampa'aguenaxauaipi maye anac da nalec camaye, ỹataqta huo'o qome da la'aalaxa.

Salmos 44:19

Qalaq nache 'ena'am qomi' 'auasaxaugalo ye nachoxoraqa', qataq qomi' 'auachetaiguilo na lta'araic napalaxa.

Jeremías 1:15

Aỹem Nataxala', ỹoqta 'eesa qome da seỹaxana 'enauac nam nta'alpi maye neta'ague da sheu'. Qaq anac qome namayepi, nache ỹo'ot na lanataqa'pi ỹanaña yem naloteuga ye ñegueuo na Jerusalén qataq ye naloteuga na npaqtaxanaxatpi maye coleesop namaye qataq yem naloteuga na huaqta'a't nỹecpi maye ỹotta'a't naua nañalo na 'alhua Judá.

Jeremías 4:27

Ñim Nataxala', 'enapec: «'Enauac ana 'alhua da nlaguiñi qome, qalaxaye saishet qome da imauec da selaxachigui.

Jeremías 44:2

«Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': ‹Qami' qauauañiichigui co'ollaxa 'enauac nam qauemsat maye talec ñaqa'en ye Jerusalén qataq nam laỹepi nỹecpi maye ỹotta'a't naua nañalo ye Judá. Qaq nagui qalaq nlachiguiñi yemaye nache qaica ca ishet da netaigui,

Jeremías 49:33

Qaq ye Hasor, qalaq chochaq tatec qome da toolec, qataq lanataqa' qome ana huaxaỹaxapi. Nache qaica qome ca ỹe'eguelaxa da nalec, huo'otaq da choche lanataqa'»

Jeremías 50:3

Cha'aye chegaqa'ague qome da sheu' da anac ca ỹotta'a't shiỹaxauapi da iloquiaxan yemaye, nache ỹe'eguelaxata qome da toolec ye na'alhua namayepi. Nache qaica qome ca shiỹaxauapi, huo'otaq ca shiguiỹacpi da ỹe'eguelaxa da nalec yemaye, cha'aye 'enauac qome da datauec.»

Lamentaciones 1:4

¡Na nqa'aicpi maye naỹa'a ye Sión qalaq huetangui da naquicoxo! ¡Nache qaica ca naỹa na naponaxacpi maye huaña naxa yemaye! Naua laso'omi yem huaqta'a't nỹecpi qalaq tooleguete, na ntaxaỹaxanaxanecpi qalaq nỹeetac souaxat da nqui'ic, na qa'ampiolec qalaq daquicota, nache imauec ye Jerusalén da nlaqchigui da naquicoxo.

Deuteronómio 29:23

Nache ỹauaachigui qome que'eca 'alhua da nda'a't da nlaqtelec na quiquiaxaraic, qataq na toue, qataq ỹataqta ỹavicta, nache saishet da qoỹanaxaalec, cha'aye qaica ca ñaxaalec camaye. Qaq nache 'eeta'am qome som huaqta'a't nỹecpi ye Sodoma, Gomorra, Admá qataq ye Seboim maye ilaxachigui co'ollaxa Ñim Nataxala', irolec da ỹataqta lta'araic layeloxo.

Salmos 107:43

Qaq cam ỹaanaxanaxaic qalaq ỹaỹamaxattec de'era, nache ỹaỹaten qome da lauotaxanaqtaic Ñim Nataxala'.

Jeremías 8:22

¿Peta'a qaica ca natannaxanaxat ye Galaad? ¿Peta'a qaica ca natannaxanaq da hueta'a yemaye? ¿Ta'ainco' da saishet da no'oita na ihuo' le'ecpi?

Jeremías 16:10

Qaq qom 'aua'aqtaxanem ne'ena nhuo' le'ecpi de'era na'aqtaxanaxac, nache 'am qainat qome: ¿Ta'ainco' Ñim Nataxala', da ỹa'axata'a da qomi' taleguete qome de'era ỹataqta lta'araic qauem? ¿Negue'to' cam qauem maye so'otaq? ¿Negue'to' cam qarasouaxashet maye hueto'ot Ñim Nataxala' maye Qanatamnaxala'?