Jeremías 9:10 - La'aqtaqa Ñim Lo'onatac 'Enauacna 2013

¹⁰ Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Jeremías 9:10 Referans Kwoze

Jeremías 12:4

¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Oseas 4:3

Ỹoqo'oye ne'ena 'alhua huo'o qome da nasouaxac, nache qaica ca la'añaxac 'enauac nam netalecpi namaye, qataq nataqa'en ileu qome na huauec shiguiỹacpi, qataq na maỹopi maye hueto'ot na piguem, qataq na nỹaqpi maye huetangui aso auaxai.

Ezequiel 33:28

Nache so'ot qome da toolec qataq nlachiguiñi ne'ena 'alhua, qataq selaxachigui dam la'añaxac maye ỹo'ottac da ño'oxonnaxac. Qaq aye qasoxonaxapi ye Israel qalaq toolec qome, nache qaica qome ca ỹa'axasoxoolec ayemayepi.

Ezequiel 29:11

Qaq ivittrec qome caua cuarenta vi'iye, da saishet da choche 'am ỹa'axasoxoolec ca shiỹaxauapi, qataq ca shiguiỹacpi, qataq qaica qome ca 'am nalec.

Ezequiel 14:15

Qaq da ñamaxa ca shiguiỹacpi maye qauemaicpi ca lỹa 'alhua da yaqto' ỹalauat ca netalecpi camaye, nache ỹe'eguelaxa da toolec naqa'en qataq qaica ca ishet da ỹa'axasoxoolec camaye, souaxat da ñe'etaique na shiguiỹac maye qauemaicpi,

Jeremías 12:10

Qalota na nataxala'pi na ilaxachigui na ỹanaxanaqa' uva lma'pi qataq nlaxaañi na ỹalamaxat no'onaxapi. Nache ỹo'ot da toolec naqa'en nam 'alhua maye ỹataqta ỹauotaxat.

Jeremías 7:29

¡'Am Jerusalén, 'auchec qome na 'araue nache 'auasaxauec! ¡Qataq 'auo'on ca no'onec maye choxoraqta, da hualec ana lcomaraxalatepi maye toolec! Cha'aye Ñim Nataxala' mashe dalemataỹa na 'am hueta'a shiỹaxauapi, mashe ca'ai qataq saỹaconeguet.

Lamentaciones 2:11

Da ñenoinaxac qalaq mashe na'axa't naua ỹa'ai'te, qataq ñanomteguet da ỹataqta seuet ana itogue, qataq mashe qaica ca ỹa'añaxac, souaxat da sauaachigui da qailaxachigui som huaqta'a't nỹecpi maye lma'pi som ihuo' le'ecpi, qataq da sauaachigui som ñaqpiolec maye ñaq lleptac da ileuangui na nqa'aicpi.

Lamentaciones 1:16

Qaq ỹoqo'oye aỹem ñeỹeetac, naua ỹa'ai'te qalaq nlaxaguilo na ỹache', cha'aye qaica ca aỹem ỹa'añaqchet, qataq qaica ca aỹem ỹanem ca dalaxaic ỹa'añaxac. Som ỹalaqpi qalaq 'enauac qanlaxatchiguiñi, cha'aye qomi' napacaleguete da la'añaxac som qampa'aguenaxauapi.

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.

Jeremías 14:6

Na huauecpi 'ashenapi qalaq nachaara't huetalec ana toolec lcomaraxalatepi, nashettac, 'eeta'am na qa'alaqpi, qaq da lmeenaxanaxac qalaq mashe 'omalec, cha'aye qaica ca aloq 'auaqpi.»

Jeremías 8:18

Da ñequi'ic qalaq qaica ca lata', añi iquiyaqte qalaq mashe qaica ca la'añaxac.

Jeremías 2:6

Somayepi saishet co'ollaxa da huo'o ca lhuogoxo da aỹem nmitaique, Aỹem maye ñeqateeguesop co'ollaxa ye Egipto, qataq sauecteuga ye toolec 'alhua, yem 'alhua maye deqaqta qataq qalota na tocotpi, yem 'alhua maye qaica ca 'etaxat qataq huetaña da lchec, yem 'alhua maye qaica ca netalec qataq qaica ca ishet da ỹa'axasoxoolec.

Isaías 49:19

Na 'ana'alhua qailaxachigui co'ollaxa, ỹataqta qanlaxatchiguiñi qataq ivira'a da toolec, qalaxaye nagui 'eeta'am da saq 'amaqtaq souaxat da qalota na shiỹaxauapi maye netalec namaye. Qaq som 'am ilaxachigui co'ollaxa qalaq mashe qaỹoqta.

Isaías 41:15

'Am so'otec qome da qoneta'am aca nchegaxanaqte, maye dalaxaale qataq ỹataqta ỹaxarai naua lhue, nache 'anlaxaañi ana qasoxonaxapi nache nda'a't na lsoche 'anqa'en, qaq ana lcomaraxalatepi qalaq 'eeta'am 'anqa'en ca 'auaqpi deqaqta.

Jeremías 50:3

Cha'aye chegaqa'ague qome da sheu' da anac ca ỹotta'a't shiỹaxauapi da iloquiaxan yemaye, nache ỹe'eguelaxata qome da toolec ye na'alhua namayepi. Nache qaica qome ca shiỹaxauapi, huo'otaq ca shiguiỹacpi da ỹe'eguelaxa da nalec yemaye, cha'aye 'enauac qome da datauec.»

Ezequiel 27:2

«'Am shiỹaxaua, 'auo'on de'era no'onec da huo'o da nasouaxac

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Joel 1:19

Qaq aỹem 'am seỹaxanot 'Am Nataxala', cha'aye na norec mashe ỹavigaxatta na 'auaqpi maye hualec na toolec 'alhua, qataq nam le'eraxa namaye ỹataqta ỹavigaxatta ana qo'oipaqpi maye hualec na no'onaxa.

Amós 5:1

Qami' Israel le'ecpi, ña qana'axaỹaxañiỹa da ỹa'aqtac, qataq qana'axaỹaxañiỹa de'era ñachoxonnaxac, maye qami' taleguete ñaqa'en.

Amós 5:16

Qaq ỹoqo'oye da la'aqtac Ñim Nataxala', maye Lo'onatac 'Enauacna, maye Qaica ca Ỹaqalanapec, 'eeta': «Ỹataqta 'enauac qome na naponqa'pi da huo'o da noinaxac, qataq 'enauac na nqa'aicpi da qaỹa'aqtega da na'alaxac souaxat da qui'ic, qataq nam danaxaateguelec na 'alhuapi qaiỹaxanegue da yaqto' nỹen, qataq nam noinaxaicpi da yaqto' nỹen.

Miqueas 2:4

Nache que'eca na'a'q choche qami' qaỹe'eeta'ape qome, nache qaỹo'on ca choxoraqta no'onec da qami' qaỹo'onaxaaleguete, maye 'eeta': Ỹataqta imauec da qomi' qanlaxatchiyiñi, na qarhuo' le'ecpi maye lalamaxat co'ollaxa Ñim Nataxala', qalaq dalaxaic nam lalamaxat namayepi, qaq na qana'alhuapi qalaq nalogui nam qomi' loxonecpi.

Jeremías 2:15

'Eeta'am ca llon da desoqtai' nam iloquiaxaatac somaye, nache ỹataqta nlachiguiñi naqa'en nam na'alhua. Qataq qaỹavigaxat som lalamaxat huaqta'a't nỹecpi, nache qaica ca no'onañi da hueta'a.

Jeremías 12:11

Ỹataqta nlachiguiñi qataq toolec naqa'en, qaq aỹem selota'a da daquicota. 'Enauac ne'ena 'alhua ỹataqta toolec qalaxaye qaica ca qochetega namaye.

Lamentaciones 5:18

Souaxat da mashe toolec añi qasoxonaxa Sión, nache nda'a't ana huaxaỹaxapi da coleeteguelec añimaye.

Ezequiel 6:6

Qaq 'enauac na nma'pi maye qoñiỹalec qome, nache na huaqta'a't nỹecpi dolagui qome, qataq ana nca'atoxonaxalatepi maye huaña naxa da qaỹo'oxoren na ỹaqa'a atamnaxala'pi nlachiguiñi qome. Qaq ana lca'atoxonaxalatepi namayepi qalaq imauec qome da nlachiguiñi, na lqolacpi qalaq dolachigui qome, ana lca'atoxonaxalatepi da yaqto' ỹavigaxat na lchenaxanaxat qalaq hua'axañi qome, qaq 'enauac nam qauo'oche co'ollaxa imeuo qome.

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.