Jeremías 8:8 - La'aqtaqa Ñim Lo'onatac 'Enauacna 2013

⁸ Qalaq ¿ta'ainco' da qoñiitega qami' ỹaanaxanaxaicpi qataq da qami' hueto'oto nam lqataxacpi Ñim Nataxala'? ¡Ye nam neraxanaqpi maye deraxaatega na maỹo laue saq 'en nam ỹereñipi!

Jeremías 8:8 Referans Kwoze

Juan 9:41

Nache So Jesús 'enapegalo' soomaye 'eeta': –Qami'ctaxa da qanauattoñeetela't da sa qanauañiiñi, nache qaicactaxa ca qarasouaxashechi. Qalaxaye qami' ye qoñiitega da qanauañiichiguiñi, qaq ỹoqo'oye Ñim Lo'onatac 'Enauacna qami' ỹasaxaleguete da qarasouaxashechi.

Romanos 1:22

Namayepi ipettega da 'enauac da ỹaỹaten na lataxac, ỹoqo'oye namayepi ivira'a da sanaỹamaxatapecpi.

Salmos 147:19

Ñimaye, ỹachaxanalo co'ollaxa naua la'aqtaqa so Jacob, qataq ỹachaxanalo naua lqataxaco qataq naua lamaxasoxonaxaco so Israel.

Da na'aqtaguec so Job 12:20

Na nqataxac lo'opi qalaq qaica naqa'en ca la'aqtac, qataq deuotaxanec da qaica ca nqalaata'ai' na nqueroxonecpi.

Oseas 8:12

Qaq cha'aye na'aictaxa da qalota nam sereñi ỹapaxaguenataxanaxacpi da sanem, qalaxaye ỹataqta qaica ca naigui naqa'en namayepi.

Proverbios 17:6

Na llo'oxoret ca ỹa'axaiquiolec qalaq nachena na laualpi, qaq da ỹo'ot da llo'oxoyec na ñalaqpi, qalaq nachesoua soua lta'al.

Da na'aqtaguec so Job 11:12

Qalaxaye que'eca na'a'q, qom deco'o aca 'ashena, da shiỹaxaua ca llalec, huaña nache ishet da huo'o da laỹaanec ca qaica ca ỹaỹaana'a.

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Jeremías 19:7

Qaq huaña qome ne'ena da ñelaxaañi nam lapaxañipi nam lma' ye Judá qataq ye Jerusalén. Qataq so'ot qome da na mpa'aguenaxauapi loxonec namayepi, nache ỹalauat, qaq da lo'ocỹaxac namayepi qalaq chec qome na teguesanpi qataq na huauec shiguiỹacpi.

Isaías 43:27

Som hua'au 'arta'a huo'o co'ollaxa da lasouaxashet, qataq som 'anapaxaguenaxala'pi aỹem dataỹa'aguet,

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

Jeremías 48:14

Qaq qami' Moab le'ecpi, saishet qome da qoñeeta': ‹Qomi' qaramchiguilo, qomi' alaataxaicpi 'añaxaicpi.›