Jeremías 8:6 - La'aqtaqa Ñim Lo'onatac 'Enauacna 2013

⁶ Aỹem ña'axaỹaxaatañi co'ollaxa, qalaxaye saishet da huo'o ca sa'axaỹa da ntogottac souaxat na qauem maye ỹo'otpi, qataq cam huesota da, 'enapec: ¿Negue't cam so'ot co'ollaxa? Nda'a't dam layaqchec da llecỹaxac 'eeta'am ca caaỹo maye sancherapec da huetaigui ca alaataxac.

Jeremías 8:6 Referans Kwoze

Salmos 14:2

Nache Ñim Nataxala' maye neto'ot na piguem namataña na shiỹaxauapi cha'aye huotaique da ila'a ca 'oonolec da ỹaanataxanaxaic huo'otaq da nmittaique Ñimaye.

Ezequiel 18:28

Qaq da ỹauachiguilo naua la'ai'te, qataq ca'ai 'enauac nam qauem maye ỹo'ot co'ollaxa, nache camaye ỹoqta 'eesa da nca'alec qaq saishet da ileu.

2 Pedro 3:9

Qaq saishet da Ñim Lo'onatac 'Enauacna da qaỹaloqta da ipaqueelec ca ỹachaxanapec, cha'aye huo'o na lhuennataxac de'era. Chaqrata da Ñimaye huo'o da lhualaxavic da qami' iuatta'alo, cha'aye Ñimaye saishet da ỹaỹamaxaren da huo'o ca ileu da qoñiita, chaqrata da 'enauac da qoñiita qavi'eguelaqaỹa da qaralaxayiqui.

Malaquías 3:16

Qaq huaña nache nam huo'o naq 'enec naqa'en Ñim Lo'onatac 'Enauacna, detaqtega't. Qaq Ñim Nataxala' hua'axaỹa, nache ỹataqta na'axaỹaxaachigui na la'aqtacpi. Qaq nache qaỹatato'ot Ñim Nataxala', co'ollaq qoỹerelec aso nere da yaqto' saishet da qaicoua'ai nam huo'o naq 'enec naqa'en Ñim Nataxala', qataq ỹo'oxoreetac Ñimaye.

Miqueas 7:2

Cha'aye mashe qaica ca choxonnataxanaxaic ana 'alhua, qataq mashe qaica ca no'onañi shiỹaxaua maye no'on da lataxac, nda'a't nam quetegueua'a da huo'o ca loxonec da ỹalauat, qataq ñi 'oonolec ỹoiqueetac da nqovin ca lỹa.

Apocalipsis 9:20

Qaq nam no'onañi shiỹaxauapi maye saishet da ilem so norec qataq so lmala'q qataq so 'eeta'am na quiquiaxaraic namayepi ñaq 'eetalec, saishet da ỹaxaañi da ỹo'ottac na qauem, qataq saishet da ỹaxaañi da ỹo'oxoreetac nam saq cha'api qauemaicpi, qataq nam lqui'ipi nam qanatameetacotpi maye saq 'en. Nachaqrata da nache queto'ot da ỹo'oxoreetac nam nqui'ipi maye saq 'en maye chegaqaigui na coma', qataq huo'o na 'epaq qataq huo'o na chegaqaigui na lcat le'enaxat oro qataq na lcat plata qataq na bronce. Ne'ena ne'enaqtacpi sanauaañi, qataq saishet da hua'aqa, qataq saishet da queuoỹapigui'.

Hageo 1:7

Qaq Aỹem Nataxala' maye Qaica ca Seqalanapec, qami' shenapegalo da qauennataxañeelec de'era qarataxaqui.

Hageo 1:5

Qaq ỹoqo'oye Aỹem, Nataxala' maye Qaica ca Seqalanapec, qami' shenapegalo da ỹataqta quennataxañeelec de'era qarataxaqui.

Ezequiel 22:30

Aỹem ñimittapigui ne'ena shiỹaxauapi, da huo'otaq huo'o ca iueelec ne'ena 'alhua, huo'otaq da Aỹem iỹaxanot da yaqto' saishet da selaxachigui, qalaxaye Aỹem saishet da sanata.

Jeremías 5:1

Ñim Nataxala', 'enapec: Qoquiiguelo qome naua nqa'aico ye Jerusalén nache qaumichiñiita, qataq qanmiche ye nlagaqa', shapegueto' da qauanachiỹa cam ỹo'ottac da nalochiguiñi lataxac, qataq nmittaique dam 'eesa. Qaq da qauanachiỹa, nache Aỹem sechoxoren qome ye Jerusalén.

Isaías 59:16

Ñim Nataxala' ỹataqta huo'o da la'aalaxa co'ollaq ila'a da qaica ca ỹauo'o ca lata' de'era, nache do'ogoxona da maiche la'añaxac, qaq huaña nache Ñimaye dauegaxan.

Isaías 30:18

Qalaxaye Ñim Nataxala' qami' iuatta'alo, da yaqto' qami' ichoxore'n, Ñimaye ỹataqta huo'o da lyaxa da qami' ỹachaxanalo da lsoxoyec, cha'aye Ñim Nataxala' ỹataqta no'on da lataxac. Qaq ỹataqta machiguiñi qome 'enauac nam pi'iỹa'a Ñimaye.

Da na'aqtaguec so Job 10:2

Ỹoqo'oye shenapega Ñim Lo'onatac 'Enauacna, sheeta': ‹¡Saishet qome da 'auo'ot ca ñeuaxanaguec! nacherato' da aỹem 'aua'aqtaxanem chaq negue'to' ca ỹasouaxashet.

Jeremías 23:25

Aỹem, sa'aqtega da nashepegaxanaxac ne'ena na'aqtaxanaxanecpi, da 'eetega ỹa'axattac da ỹe'enaxat, qataq 'eetega ña'aqtaxaatague' da huaigui na lchoxonaxacpi.

Da na'aqtaguec so Job 34:31

Qalaxaye da huo'o ca da'aqtaxanem Ñimaye da 'eeta': ‹Aỹem huo'o co'ollaxa da ỹasouaxashet, qalaxaye nagui saxaañi da 'am senogoqchettac.

Da na'aqtaguec so Job 34:32

Qaq ỹoqo'oye aỹem 'auachaxana ca saishet da sela'a. Qaq da qauem ca so'ottac, nache saishet qome da she'eguelaxalec da so'ot.›

Isaías 57:17

Qaq souaxat nam qauem lqopitaxanaqtaic na ỹalamaxat nhuo' le'ecpi, nache salemata co'ollaxa qalaq saqaỹauec so ỹalemataic, nache seuaxan co'ollaxa qataq sheca'ai namayepi, qalaxaye namayepi sa ỹalaq co'ollaxa nache quegue na maiche lhuennataxacpi.

Jeremías 3:5

¿peta'a nache qoqueto'ot da 'aunotac? ¿Peta'a chochaq tatec da 'annogoxonaxac? Qaq co'ollaq ñaq 'autaqtac, nache 'auo'ottac 'enauac nam qauem maye ishet da 'auo'ot.»

Daniel 9:11

'Enauac na Israel le'ecpi saỹalaxaguet na 'arapaxaguenataxanaxacpi qataq 'aramaxasoxonaxacpi, ỹoqo'oye qomi' taleguete dam qauem, qataq da qoỹan co'ollaxa na'aqtac, maye nanettalec aso lmalate na lamaxasoxonaxacpi so 'aramaxashec Moisés, cha'aye huo'o da qarasouaxashet 'am hueto'ot.

Sofonías 3:7

Nache da iuennataxac, 'eeta': ‹Da sheetec de'era nache ye Jerusalén Aỹem ñi'iỹa qome, nache ỹaconeguet qome da sapaxaguen; yaqto' saishet da dolagui na lma'pi, cha'aye souaxat da Aỹem sauo'o da nhuaxanaguec.› Qalaxaye namayepi ỹataqta iỹala'a co'ollaxa da ỹo'ot na ỹotta'a't qauemsat.