Jeremías 8:3 - La'aqtaqa Ñim Lo'onatac 'Enauacna 2013

³ Qaq cam lca'alaxaic qome ne'ena shiỹaxauapi maye qauemaicpi, da maiche cam hueta'ague, qom ime da selagaxattac nache namayepi iyaqa'a da ileu qaq saq 'ena'am da nca'altauec. Qaq 'era da ỹa'aqtac Aỹem Nataxala', maye Qaica ca Saqalanapec.

Jeremías 8:3 Referans Kwoze

Apocalipsis 9:6

Qaq qom qanayeetaiguilo que'ecaua cinco ca'agoxoiqa, nache na shiỹaxauapi maye qaisoc co'ollaxa, ỹataqta huo'o da lyaxa da nache ileu, qalaxaye saishet da ileu. Cha'aye da nleuaxa qalaq 'eeta'am da dataueeguesop namayepi.

Jeremías 29:14

Aja', Aỹem qami' sa'aqta'alo qome da Aỹem qauanachiỹa qataq so'ot da dalaxaic ca qana'achecỹaxaqui: qami' ñeqateeguesopa qome 'enauac na ỹotta'a't shiỹaxauapi qataq 'enauac nam 'alhuapi maye qami' selagaxaaleguete co'ollaxa, qataq qami' llaỹona't nache so'ot da qañe'eguelaqỹa ne'ena 'alhua maye qami' sachegoxotteleguete co'ollaq qami' saue'c. Qaq 'era da ỹa'aqtac Aỹem Nataxala'.›»

Jeremías 23:8

nacherata da ỹan ca la'aqtac, 'eeta': ‹Nca'altauec Ñim Nataxala' maye nqateeguesop co'ollaxa nam chegoxoguetpi so Israel, yem 'alhua maye pa'aigue da sheu', qataq 'enauac nam laỹepi 'alhuapi maye taỹa naqa'en co'ollaxa, da yaqto' ỹe'eguelaxa da hueta'a na maiche lalamaxat na'alhua.›»

Jeremías 23:3

Qaq maiche Aỹem qome da ñe'eguelaxat ana no'onañipi ana ilopi, sachegoxota'a nam 'alhuapi maye taỹa ñaqa'en co'ollaxa, nache llaỹona't qome da ñe'eguelaxata na maiche lquia'aqa' co'ollaxa, yaqto' qalota qome ca llalaqpi.

Deuteronómio 30:4

Qaq na'aictaxa da ỹataqta qaỹoqta ca qoñiitaña ana 'alhua, qalaxaye ñaqaiyeta qome Ñim Nataxala' maye Qanatamnaxala'ai, qami' ñe'eguelaxa't qome da yaqto' qami' laỹona't.

Jonás 4:3

Qaq ỹoqo'oye nagui 'am seỹaxanot 'Am Nataxala', da nache tachiguiña 'anqa'en da ñachaalataxac, 'onaxaico' da seleu, cha'aye saq 'ena'am da ñeca'altauec.»

Daniel 9:7

'Am Nataxala', ỹataqta no'on da 'arataxac, qalaxaye qomi' judiopi, nagui ỹataqta huo'o da qara'agaxa, nam hueta'a ye Jerusalén qataq na laỹepi Israel le'ecpi, nam saqaỹapeque, qataq na qaỹoqta maye hueta'a nam ỹotta'a't 'alhuapi maye 'auamaxa co'ollaxa, souaxat da 'am saỹalaxaguet.

Deuteronómio 30:1

Qaq qom mashe qami' nvitalo 'enauac de'era qami' sa'aqtaxaatapeguema, nchoxonnaxataxanaxac qataq da qauem maye qami' sanema da qalca'aigui, qataq qauennataxañi qom qoviita'a ca na'alhua na ỹotta'a't shiỹaxauapi maye qami' ỹo'ora'alo Ñim Nataxala' maye Qanatamnaxala'ai,

Apocalipsis 6:16

Qaq 'enauac namayepi detaqtacot ana qaỹoqotcheguemec 'alhuapi qataq na coma'pi, 'eeta': «¡Ña qomi' qaupataqaiyiñi qome, yaqto' saishet da qomi' ila'alo ñi nso'ootangui añi nso'onaxaqui! ¡Qataq saishet da ỹauo'o ca qanhuaxanaguec Ñi Qagueta Llalec!

Jeremías 40:12

Qaq nache 'enauac somayepi ñe'eguelaq ye Judá, chegoqchiguiña nam 'alhuapi maye taỹa co'ollaq nlagaxattac, huaña nache nachaateua'a so Gedalías maye hueta'a ye Mispá. Qaq nataqa'en somayepi huapegue' da ỹaỹamaxat nam lataxa, qataq nam qalota ala na nañiguishec.

Jeremías 29:28

Qataq ivira'a da namaxague na Babilonia aso lere da qomi' namaxalo, maye huetalec da 'eetega qaỹoqtec qome da souaqta'a ne'ena, qataq qomi' 'eetegalo da ño'oxonaxasheguem ca qarma'pi nache sonaqaigui, qataq sanaxañi ana qo'oipaq da yaqto' sacheguenaqtac ana ala.»

1 Reyes 19:4

Qaq ime, nache tauga so toolec 'alhua, nache queuoteguelec so 'oonolec na'a'q, huaña nache taỹot so lpaqal asotai' qo'oipaqole le'enaxat retama da nso'ooñi. Nache nhuootapeguela't, qataq nshetaique da nache ileu, nache 'eeta': «¡'Am Nataxala', 'onaxaictaxa da nache tachiguiña de'era, qaq no'on da 'anqat da ñachaalataxac, cha'aye saishet da no'on da ỹataxac da sheeta'ama soua ita'al!»

Jeremías 6:9

Qaq Ñim Nataxala' maye Qaica ca Ỹaqalanapec, 'enapec: «Na Israel le'ecpi maye lca'alaxaicpi qalaq qanmittaique qome 'enauac na pa'aiguelo. 'Eeta'am da qanmittapigui aca uva lcouepi da qanmittaique aca ala, choche ivitta'a da qaca aca no'onañi.»

Amós 3:1

Qami' Israel le'ecpi, ña qana'axaỹaxañiỹa da la'aqtac Ñim Nataxala', da 'enapega nam nhuo' le'ecpi maye nqateeguesop co'ollaxa ye Egipto, 'eeta':

Miqueas 2:3

Qaq ỹoqo'oye da la'aqtac Ñim Nataxala', 'eeta': Aỹem nataqa'en mashe huo'o da llapaxañi da sataỹa'agueta qami', qami' ñamaxalo qome ca qauem maye saishet da qami' ỹetrauec, huaña nache saishet da qana'amaqchiñiitac cha'aye ỹataqta qauem qome que'eca na'a'q.

Levítico 26:33

Nache qami' selagaxaaleguete ca ỹaqa'a 'alhuapi, souaxat da ñeqatsheguem ca ỹainec da yaqto' qami' secaata'ape, ivitta'a da ỹataqta toolec ñaqa'en ca qana'alhuai, qataq ñelaxaañi ca qaralamaxache huaqta'a't nỹecpi.

Jeremías 44:2

«Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': ‹Qami' qauauañiichigui co'ollaxa 'enauac nam qauemsat maye talec ñaqa'en ye Jerusalén qataq nam laỹepi nỹecpi maye ỹotta'a't naua nañalo ye Judá. Qaq nagui qalaq nlachiguiñi yemaye nache qaica ca ishet da netaigui,

Jeremías 44:6

Qaq ỹoqo'oye 'eroigui da ỹalemataic, qataq da ỹayeloxo, nache nalaqaasheguem 'eeta'am ca norec da ỹavigaxat so huaqta'a't nỹecpi maye ỹotta'a't naua nañalo ye Judá, qataq so nqa'aicpi ye Jerusalén. Nache ỹataqta nlachiguiñi qataq toolec choche ivitta'a nagui.›