Jeremías 8:19 - La'aqtaqa Ñim Lo'onatac 'Enauacna 2013

¹⁹ Da la'alaxac na ihuo' le'ecpi qaỹa'aqtega 'enauac ne'ena 'alhua: «¿Peta'a Ñim Nataxala' mashe saq hueta'a ye Sión? ¿Peta'a mashe saq hueta'a so nta'a?» Nache Ñim Nataxala' ỹasat, 'eeta': «¿Ta'ainco' da aỹem qanogoqchichi da qanatamñiitacot nam ne'enaqtacpi atamnaxala'pi maye qaica ca naigui qataq ỹaqa'a?»

Jeremías 8:19 Referans Kwoze

Isaías 39:3

Qaq huaña nache so na'aqtaxanaxanec Isaías nqo'ona so nta'a Ezequías nache inat, 'eeta': ¿Cam chegoqtra'ague se'esoua ỹale't qataq cam 'eetec ca la'aqta'c soomaye? Nache so Ezequías ỹasat, 'eeta': Qomye ỹataqta qaỹoqta yem chegoqra'a 'alhua, soomaye chegoqra'a ye Babilonia.

Isaías 13:5

Chegaqa'a ye ỹataqta qaỹoqta 'alhua, maye pa'aỹa'ague da nala' lliguisheguem. Ñim Nataxala' anacta nachetac na lo'ogoxonaxat souaxat da lalemataic, da yaqto' ilaxachigui 'enauac ana 'alhua.

Apocalipsis 2:1

«'Auamaxa qome aca 'ere ñi namaxashec maye ilotague' na 'amqaanataxanaxaicpi maye netaña ye nỹecpi ye Éfeso. Qoneta': ‹Aỹem maye llasoqta'alo naua siete huaqaañi netaigui na ihuaq aỹoiguishec, qataq sootangui na laiñi naua siete ncoỹaraxanaxaqui' maye chegaqaigui na oro. Ñaq 'ana'axaỹaxana dam 'am sa'aqtaxanem:

Abdías 1:17

Qalaxaye añi qasoxonaxa Sión huo'o qome ca lca'alaxaicpi, qaq añimaye ỹataqta sa qaishetapec qome. Nache nam chegoxoguetpi so Jacob, qaltaq ỹe'eguelaxa qome da nalec na na'alhuapi.

Joel 3:21

Qaq aỹem qome, sepalaique lvi' som qaỹalauatpi co'ollaxa, nache saishet da sechoxoren nam icoraxatre'c soua ltago'q som qaica ca ỹasouaxat. Qaq Aỹem Nataxala', nache sonaña qome ye Sión.

Joel 2:32

Qalaxaye 'enauac nam iỹaxaatega da le'enaxat Ñim Nataxala' nca'alec qome, cha'aye añi qasoxonaxa Sión qataq ye Jerusalén, huaña qome da nca'alaxa, cha'aye maiche la'aqtac co'ollaxa Ñim Nataxala'. Qaq que'eca lca'alaxaicpi, nache ỹalectaigui qome nam lca'aguishecpi Ñim Nataxala'.

Jeremías 31:6

Cha'aye anacta ca na'a'q da, na nauanaxanaqpi ỹa'alaq qome da hueta'a ana lcomaraxalatepi ye Efraín, 'eeta': «Ñaq qauanaqui qami', ñeqo'onaxa ye Sión, ñeqo'onaxa Ñim Nataxala' maye Qanatamnaxala'.»

Jeremías 14:19

'Am Nataxala', ¿ỹoqta imauec peta'a da sa 'auaconeguet nam hueta'a Judá? ¿Peta'a mashe 'anasamiisop na huaqta'a't nỹecpi na Sión? ¿Ta'ainco' ye qomi' 'auque'emaqchet, nache qaica ca qarata' 'anqa'en? Qomi' seuataqtaique ca qarlagaxayec, qalaxaye saishet da saconaxaguet ca no'on. Qataq seuataqtaique da qomi' no'oite', qalaxaye nacherata da qomi' hueto'oto da qarcolanaxa.

Isaías 52:1

Ñaq 'anlouec 'am Sión, ñaq 'anlouec, ñaq 'auauo'o da 'ara'añaxac, 'am Jerusalén, huaqta'a't nỹecpi maye qui'itta, 'aỹa'aayiñi naua 'ogo maye ỹataqta 'onaxaiqa, cha'aye na shiỹaxauapi maye ỹaqa'a da la'amqaanataxanaxac qataq nshepaxan da lataxac, namayepi saishet qome da ỹe'eguelaxalec da 'am huenoxoneua'a.

Isaías 33:22

Cha'aye Ñim Nataxala' nacheñi Ñim qomi' ỹauecta'agueta nacheñi Ñim qomi' ilotegueto qataq nacheñi Ñim qarta'a. Qaq Ñimaye nacheñi ñim qomi' nca'alaxatrec qome.

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Isaías 1:4

Choxoraicpiolec nam shiỹaxauapi maye 'etaxaloxoicpi, nhuo' le'ecpi maye nlaxagui na lasouaxashetpi, namayepi chegoxoguet so qauemaicpi, ñalaqpi maye lqopitaxat na qauem. Namayepi qaỹoqta naqa'en Ñim Nataxala', qataq ca'ai Ñim Qui'itta Natamnaxala' na Israel le'ecpi.

Salmos 149:2

Qami' Israel le'ecpi, qantoñeetapeguec qome Ñim qami' lo'onataqa, qami' Sión lashe', qantoñiitapeguec qome Ñim Qarta'ai.

Salmos 146:10

'Am Sión, Ñim Nataxala' ñaq nache 'eetai' qome da lo'onataxanaxac, Ñim 'Anatamnaxala', chochaq tatec qome da lo'onataxanaxac. ¡Qaỹo'oxoren qome Ñim Nataxala'!

Salmos 135:21

Qaq huaña qome ye Sión da qaỹo'oxoren Ñim Nataxala', Ñim netaña ye Jerusalén. ¡Qaỹo'oxoren qome Ñim Nataxala'!

Jeremías 9:16

Qataq taỹa ñaqa'en da yaqto' ỹalectaigui nam ỹotta'a't shiỹaxauapi maye so hua'au lta'alpi saỹauatton co'ollaxa, qataq so'ot da qairota'a na ỹeelonec da qaicaatac choche ivitta'a da qaica ca no'onañi.»

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Salmos 31:6

Aỹem ỹataqta saỹemec na natameetacot na atamnaxala'pi maye qaica ca naigui. Qalaxaye aỹem 'am sacheto'ot da ñaquitaxac 'Am Nataxala'.

Jeremías 2:5

Ñim Nataxala' qami' 'enapegalo 'eeta': «Som hua'au qarta'ailpi, ¿negue't co'ollaxa ca qauem maye ila'a dam sheeta, ye Aỹem ca'ai co'ollaxa? Nache somayepi ca'ategue na atamnaxala'pi maye qaica ca naigui, nache somayepi ỹe'eguelaxa da qaica ca naigui.

Jeremías 7:19

Qalaxaye saishet nachaỹem da Aỹem isheueetac, maye namayepi maiche nsheueetapeguela't da yaqto' maiche pa'aỹo'ot da la'agaxa. Qaq 'era da ỹa'aqtac Aỹem Nataxala'.

Jeremías 8:20

Qaq mashe ỹoxogue so napaxaỹaxa qataq mashe ime da qanqat na ala na nañiguishec, qalaxaye qaica ca nca'alaxa da qomi' taleguete.

Jeremías 10:15

namayepi qaica ca naigui, nda'a't da qane'eetapigui, qaq Ñim Nataxala' qom ivita ca lhuaxanaxanaxac, nache ilaxachigui namayepi.

Jeremías 14:9

¿Ta'ainco' da 'aue'enaxat ca ỹale da maye saishet da ỹaỹaten ca 'eetec, qataq qoneta'am ca alaataxaic maye saishet da detaunaxan? Qalaxaye, 'Am Nataxala', qouetangui na laiñi da shenaqta, 'enauac da qaỹaỹaten da qomi' 'aralamqa'ate, ¡Qaq saishet qome da qomi' 'auala't!

Jeremías 27:10

Qaq nam qami' ỹa'axatteguema namayepi, qalaq choche ashepegaxanaxac, qaq nacherata da huotaique da qami' qanqateeguesopa na qana'alhuai, qataq da yaqto' qami' so'oldauec nache qaullivi.

Jeremías 32:30

Qaq nache 'eetai' naxa da chegoqta'ague nam nhuo' Israel, qataq na Judá, da ỹo'ottac naxa nam saishet da saỹamaxarenpi. Na Israel le'ecpi, saishet da ỹaxaañi da aỹem inogoqchettac, souaxat na atamnaxala'pi maye maiche lo'onatac namayepi. Qaq 'era da ỹa'aqtac Aỹem Nataxala'.

Ezequiel 48:35

Qaq cam mpaqtaxanaxat da ima'a't qome nache ivi' nueve mil metros ye lalogaxa, qaq dam le'enaxat qome que'eca huaqta'a't nỹecpi qalaq, 'eeta': «Ñim Nataxala' hueta'a ne'ena.»

Miqueas 4:9

Qaq nagui, ¿ta'ainco' da ỹataqta 'ana'alaqtapiguiñi, qoneta'am aca 'alo da deco'otapigui'? ¿Peta'a qaico' ca 'am ilotague' nta'a, qalqo' mashe ileu cam 'auachegoxottacot nam nqataxacpi?

Deuteronómio 31:17

Qaq que'eca na'a'q qom yo'oq de'era, nache 'eroigui qome da ỹayeloxo da salemataỹa namayepi, qataq sheca'ai, nache saishet da seqocha'a, qataq soxochiisop da ỹashiguiỹaxac. Qaq huaña qome nache namayepi sa qalaq da noxonec, qataq da nvita na qalota qauemsat, qaq huaña nache choche, 'eetac: ‹¿Chaq ta'ainco' da qomi' nvitalo 'enauac ne'ena qauemsat, peta'a souaxat da mashe saishet da qomi' hueta'agueta Ñim Qanatamnaxala'?›

Salmos 137:1

Qomi' co'ollaq ñeso'onaqto'oto naua loiguiye so talapi ye Babilonia, nache ñeỹenaqtac naxa da tachigui ye qarhuel ye Sión.

Sofonías 3:15

Cha'aye Ñim Nataxala' mashe ỹa'axaneguet da 'am nmittac, qataq mashe ỹo'orauec so 'ampa'aguenaxauapi. Ñim Nataxala', maye Nta'a na Israel, Ñimaye qami' netanguilo: qaq ỹoqo'oye saishet qome da 'añe'etaique ca camachaqca qauem.

Zacarías 2:9

Qaq ỹoqo'oye aỹem selogui' qome que'eca shiỹaxauapi, qataq so'otec da, ca maiche lalamaxat l-latacpi nhuo' camayepi.» Qaq 'era da 'eetec da ỹachaxan da llo'oxoyec Ñim Nataxala' maye Qaica ca Ỹaqalanapec, qaq nache huaña qome da qauaỹacheñi da nacheñi Ñimaye da aỹem namaq.