Biblia Todo Logo
Bib sou entènèt

- Piblisite -




Jeremías 8:18 - La'aqtaqa Ñim Lo'onatac 'Enauacna 2013

18 Da ñequi'ic qalaq qaica ca lata', añi iquiyaqte qalaq mashe qaica ca la'añaxac.

Gade chapit la Kopi




Jeremías 8:18
12 Referans Kwoze  

Qaq souaxat de'era nache daquicota da qarquiyaqteỹaxac, qataq nquicta'a da napalñi da qarmeenaxanaxac.


Qaq na shiỹaxauapi maye hueta'a ye Jerusalén, 'eeta': «Qomi' mashe qomi' nviralo da qara'axaỹaxac, nache dam qarcolanaxa qaica ca qara'añaxac naqa'en, huo'o da qarachetataic qataq da qanqui'ic, shenaqta'am aca 'alo da deco'otapigui'.


Qaq ỹoqo'oye aỹem shenapec: Ñaq aỹem qauỹocheelec qome, cha'aye sauotaique da ñeỹen souaxat da lta'araic ñiqui'ic, qaq saishet qome da aỹem qaua'añaqchichi, cha'aye ỹataqta qailaxachigui na ỹalamaxat ihuo' le'ecpi.


Qaq co'ollaq sa'axaỹa 'enauac de'era nache ỹataqta she'e, qataq ỹataqta iviloxo'l naua ỹa'aqtaqa, qataq ỹataqta sa da'añiiguelo naua ichel, qataq 'enauac da ỹo'ocỹaxac deqat da la'añaxac. Qalaq nache 'ena'am aỹem she'emaqtac qome da seuata'aguet ca na'a'q, da Ñim Nataxala' ỹo'otec ca lachetataic, nam qomi' ique'eteeta'ape.


'Am Nataxala', sa 'anaỹaloxon qome da aỹem 'auasateguet, cha'aye mashe huotaique da vi'iigueta naua ỹa'a'che, saishet qome da aỹem 'oxocheesop da 'artaunaxanaxac, yaqto' saishet da sheeta'am ca taỹa'a aca huachiqui.


¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!


Da na'aqtaxanaxac maye talec na na'aqtaxanaxanecpi, 'eeta': Aỹem ỹataqta qaica ca ilagaqa', 'enauac na ỹo'oc da ỹataqta cholaxan, 'eco' da aỹem taxaic, sheeta'am ca shiỹaxaua maye mashe quichigui na lataxa, souaxat Ñim Nataxala' qataq naua qui'itte' la'aqtaqa.


¡Ỹataqta mashe sa ñalo'oguet da ñequi'ic! ¡Ỹataqta seuet añi iquiyaqte! ¡Saishet da ñamaañi qataq saishet da she'emaqta! Cha'aye sa'aqtega da l-lamaxa ana nasheere qataq da na'alaxac da qaỹa'alaqtalec da alaataxac.


Swiv nou:

Piblisite


Piblisite