Jeremías 8:15 - La'aqtaqa Ñim Lo'onatac 'Enauacna 2013

¹⁵ Seuataqtaique ca qal-lagaxayec, qalaxaye qaica ca no'on da qomi' nviralo. Qataq seuataqtaique ca qaraỹamaxa, qalaxaye nachaqrata da qarcolanaxa.

Jeremías 8:15 Referans Kwoze

Jeremías 14:19

'Am Nataxala', ¿ỹoqta imauec peta'a da sa 'auaconeguet nam hueta'a Judá? ¿Peta'a mashe 'anasamiisop na huaqta'a't nỹecpi na Sión? ¿Ta'ainco' ye qomi' 'auque'emaqchet, nache qaica ca qarata' 'anqa'en? Qomi' seuataqtaique ca qarlagaxayec, qalaxaye saishet da saconaxaguet ca no'on. Qataq seuataqtaique da qomi' no'oite', qalaxaye nacherata da qomi' hueto'oto da qarcolanaxa.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Miqueas 1:12

Qaq na lma' ye Marot qalaq ncocateguiñi qome souaxat da nqui'ic, nache iuattaique da nvita ca lamaicỹaxac, cha'aye Ñim Nataxala' namaq da qauem nache iviraua'a naqa'en ye ñegueuo ye Jerusalén.

Jeremías 8:11

Qataq 'eetega nataren na lque'emaxapi na ỹalamaxat nhuo' le'ecpi, nache 'enapega, 'eeta': «Huo'o da qal-lagaxayequi, huo'o da qal-lagaxayequi» Qalaxaye qaica ca l-lagaxayec namayepi.

Jeremías 4:10

Qaq aỹem shenapec: «¡'Agai, 'Am Nataxala', ta'ainco' da 'auatenachet na shiỹaxauapi na Jerusalén! 'Am 'auachaxanapecot co'ollaxa namayepi da nlagaxayec, qaq nagui qalaq qaỹareeto'ot na lqosot na ỹeelonec.»

Da na'aqtaguec so Job 30:26

Qaq co'ollaq seuattaique da ỹamaicỹaxac, qalaq nda'a't da anac na qauem, qataq seuattaique ca yo'oqchiguiñi, qalaq nda'a't da anac na napalaxa.

Jeremías 6:25

¡Saishet da qanqo'oñiuga na no'onaxa, qataq saishet da qoquiiguelo naua nqa'aico! ¡Cha'aye na qampa'aguenaxauaipi mashe na'atchiguiñi na lo'ogoxonaxat, qaq huo'o da lchec 'enauac na pa'aiguelo!»

Jeremías 12:12

Qaq 'enauac ana lcomaraxalatepi yem toolec 'alhua, da naỹa da nalec na qauemaicpi shiỹaxauapi, qalaxaye Aỹem Nataxala', huo'o na ỹainec maye ivira'alo qome naua loga'te ana 'alhua da ilaxachigui, qaq huaña nache qaica qome ca hueto'ot ca nlagaxayec.

Ezequiel 7:25

Qaq huaña nache da ncolanaxa loxonec qome namayepi, nache nmittaique qome da nlagaxayec qalaxaye saishet da ỹanata.