Jeremías 7:9 - La'aqtaqa Ñim Lo'onatac 'Enauacna 2013

⁹ Nache qaucacheetac, qaualaataxañiitac, qataq qancacheetague' ana sa qarhuai, qataq qaỹa'añiitac nam saq'en qara'aqtaqui qataq qaỹa'añiitacot ñi Baal nam qarchenaxanaxache maye ama na laita, qataq qavio'oxoreñiitac nam atamnaxala'pi maye saishet da qauauattoñi,

Jeremías 7:9 Referans Kwoze

Jeremías 7:6

qataq da saishet da qanhuoye nam chegaqauecpi, nam saploqpi qataq ana pa'aipi, qataq saishet da qaualauache na qaica ca ỹasouaxat maye hueta'a ne'ena, qataq saishet da qavio'oxoyeñi nam laỹepi atamnaxala'pi, maye ishet da qami' na'aqche't,

Éxodo 20:3

Saishet qome da 'auauo'o ca ỹaqauga 'anatamnaxala'pi, nachaqaỹemta.

Jeremías 11:17

Ñim Nataxala' maye Qaica ca Ỹaqalanapec ñim 'am ỹaañi co'ollaxa, 'am namaxa so qauem, da 'am talec souaxat nam qauem maye ỹo'ot na Israel qataq ye Judá, cha'aye inogoqche't souaxat da ỹaatracot na lchenaxanaxat so Baal.

Jeremías 11:13

Ye Judá, ỹataqta qalota na natamnaxala'pi, 'eeta'am nam huaqta'a't nỹecpi maye ỹotta'a't naua nañalo, qataq na netaña ye Jerusalén qalota ana nauaxaỹaxaasheguem lca'atoxonaxalatepi maye 'eeta'am ye lcata na nqa'aicpi, da yaqto' ỹanot na lchenaxanaxat so Baal.

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

1 Reyes 18:21

Nache so Elías nqo'oneua'a se'eso nhuo' le'ecpi, nache 'eeta': ¿Chaq lagui da qaỹa'axañiiñi da qoquiitegueto ne'enaua dos qarhuennataxacolli'? Cha'aye Ñim Nataxala', da nacheñi Ñim ỹoqta 'eesa Atamnaxala', qalaq nacheñi qome Ñim qoquiigue, qaq da nacheso so Baal, qalaq nacheso qoquiigue qome. Nache se'eso nhuo' le'ecpi ỹataqta qaica ca detaqa.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Romanos 2:2

na'aictaxa da saỹatenaq da Ñim Lo'onatac 'Enauacna da nmit na lasouaxashetpi 'enauac na shiỹaxauapi, nache saishet da sa iqatchigui.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Sofonías 1:5

Qataq selaxachigui nam tasheguema naxa na l-laq na lma' da natamnot ana huaqaañipi, qataq nam ỹa'attrañi naxa naua l-llecte da ỹo'oxoreetac da ỹe'enaxat, qataq dam le'enaxat som atamnaxala' Milcón.

Ezequiel 18:18

Qaq cam lta'a maye qaica co'ollaxa ca iren, qataq decachetac, qataq ỹo'ottac na qauem da ỹalectaigui na lauo' le'ecpi, camaye huo'o qome da nhuaxanaguec nache ileu souaxat na lasouaxashetpi.

Jeremías 44:3

souaxat nam qauempi maye ỹo'ot co'ollaxa, cha'aye Aỹem inogoqchet souaxat da natameetacot nam ỹaqa'a atamnaxala'pi, qataq ỹaatacot na lchenaxanaxat maye ama na laita som atamnaxala'pi, maye somayepi qataq qami', qataq som hua'au qarta'ailpi saishet da ỹauatton co'ollaxa.

Jeremías 32:29

Na caldeopi maye iloquiaxan ne'ena huaqta'a't nỹecpi, taigui qome namaye nache ỹe'egueua'a, l-llañe' qome na nỹecpi maye hualec naxa na pa'asheguem da qaỹavigaxat na nchenaxanaxat da qoỹanot so Baal, qataq huaña naxa da qoỹanot na lataxa nam ỹaqa'a atamnaxala'pi da Aỹem qainogoqchet.

Jeremías 13:10

Ne'ena nhuo' le'ecpi qauemaicpi, maye saishet da ỹalaxaguet nam ỹamaxasoxonaxacpi, qataq quetagueto naua qauema lhuennataxaco da lquiyaqteỹaxac. Namayepi quegue na ỹaqa'a atamnaxala'pi da do'onataxanot, qataq ỹo'oxoreetac. Nache 'eeta'am som saataxaqui maye saishet da qaltaq ỹe'eguelaxa da qaiuen.

Jueces 5:8

Qaq na Israel le'ecpi lca'aua'a co'ollaxa so dalaxaicpi natamnaxala'pi, nache so loquiaxac nviraua'a nam lasompi na huaqta'a't nỹecpi, qalaxaye qaica ca 'oonolec so cuarenta mil nalleppi da hueto'ot acam lpaqtaxanaqte qataq lataquiaxai.

Deuteronómio 32:17

qataq da ỹanot na lachetaqtaxanaxat na saqcha'a qauemaicpi lma'na, nam atamnaxala'pi maye saq'en, qataq sa ỹauanapega co'ollaxa, nam dalaxaic atamnaxala'pi, qataq ñaq cheta'ague da yo'oq, maye so lta'alpi namayepi, saishet co'ollaxa da ỹo'oxoreetac.

Isaías 1:13

Qaq nache tachiguiña da aỹem qandoitegueua'a ana qarachetaqtaxanaxache maye qaica ca naigui, qataq mashe sa sesheteguet na lmala'q na nchenaxanaxat. Qami' qauỹaxañiuga naxa na nhuo' le'ecpi da yo'oxonnataxan da dalaxaic so ca'agoxoic qataq ye na'a'q mataxaqui, qalaxaye Aỹem ỹataqta sa sesheteguet na laponaxacpi na shiỹaxauapi maye ỹo'ottac na qauem.

Isaías 58:2

Namayepi, 'eetega 'enauaque naua na'axa'te da Aỹem nmittaique, qataq machiguiñi da ỹauatton da ñeqa'aicỹaxac, 'eeta'am ca nhuo' le'ecpi maye ỹo'ottac da nalochiguiñi lataxac, qataq da saỹauanega da ca'aisalo naua lqataxaco Ñim Natamnaxala'. Qaq namayepi aỹem dequicto'ot da sanem na no'on ỹamaxasoxonaxacpi, nache namayepi ỹachaxan da machiguiñi naxa da aỹem nquigueua'a,

Jeremías 1:16

Qaq 'era da nhuaxanaguec maye saneguet qome nam 'etaxaloxoicpi maye aỹem ca'ai co'ollaxa, maye ỹavigaxat naxa na lchenaxanaxat da ỹo'oxoreetac na chegaqauec atamnaxala'pi maye namayepi maiche lo'onatacpi.

Jeremías 5:7

Qaq Ñim Nataxala', 'enapec: «¿Cam 'eeteco' da ishet da 'am sechoxoren souaxat de'era? Ye nam 'aỹa'alaqpi aỹem ca'ai, nache ỹaatacot da la'aqtac nam saishet da atamnaxala'pi. Aỹem sanem co'ollaxa da saqoue da lquia'axac, qalaxaye namayepi Aỹem saỹalaxaguet, nache imauec da nañaneguet da natameetacot na ỹaqa'a atamnaxala'pi.

Jeremías 18:15

Qalaxaye na ỹalamaxat nhuo' le'ecpi Aỹem icoua'ai, nache ỹaatacot na saq'en atamnaxala'pi na lchenaxanaxat maye ama na laita, Namayepi iqataqchet so nqa'aic, som nqa'aic maye togoshaapec, nache quetegueto naua saq 'amaqtaq nqa'aico maye saqaỹauatto'n.

Jeremías 19:4

Cha'aye na Israel le'ecpi aỹem ca'ai, nache ỹo'ot da 'eco' ỹaqa'a ne'ena 'alhua, nache huaña naqa'en namaye da ỹanot na lchenaxanaxat maye ama na laita nam ỹaqa'a atamnaxala'pi, maye namayepi qataq so hua'au lta'alpi, qataq so nta'alpi na Judá, saỹauatton, qataq nlaxattelec namaye na ltago'q som shiỹaxauapi maye qaica ca ỹasouaxat.

Jeremías 44:8

¿Ta'ainco' da Aỹem qanogoqcheche souaxat nam qauo'ocheetacpi, qataq qaỹa'añiỹot na qarchenaxanaxache maye ama na laita nam ỹaqa'a atamnaxala'pi ne'ena Egipto, maye qauanaiỹa co'ollaxa da qoñiỹalec? Qaq nam qauo'ocheetacpi nachena qome na maiche qami' ilaxachiguilo, qaq huaña nache qami' naloqnaxanaqa'ate nam qauem, qataq da qaica ca qara'amaqchiqui da qaualliquiitaigui 'enauac nam ỹotta'a't shiỹaxauapi ana 'alhua.

Jeremías 44:9

¿Peta'a mashe qaucouaỹa'ai 'enauac nam qauempi maye ỹo'ot co'ollaxa so hua'au qarta'ailpi, qataq nam qauempi maye ỹo'ot so nta'alpi qataq aso lhuapi ye Judá, qataq nam qauempi maye qami' qataq ana qarhuaipi, qauo'oche co'ollaq huaña ye 'alhua Judá, qataq na nqa'aicpi ye Jerusalén?

Jeremías 48:35

Ñim Nataxala' da la'aqtac, 'eeta': «Aỹem selaxachigui qome na shiỹaxauapi ye Moab, nam tasheguema naxa ana lcomaraxalatepi maye huaña na natamnaqa'pi da natamnot na ỹaqa'a atamnaxala'pi, qataq da ỹanot na lachetaqtaxanaxatpi qataq nam lchenaxanaxatpi maye ama na laita nam natamnaxala'pi.»

Ezequiel 5:11

Aỹem Nataxala', maiche ñañan da san da ỹa'aqtac: Qaq cha'aye qami' qanshepaxanaqchichi añi qui'itta ỹalamaqte atamnaxaqui souaxat da qaỹa'añiỹaigui na nqolacpi maye nshepaxan, qataq nam qauem maye qauo'oche, qaq nataqa'en Aỹem qami' sa sechoxonnai'salo da qami' selaxachiguilo, nache saishet da qami' sechoxoreeta'ape.

Ezequiel 23:39

Qaq nacheso se'eso na'a'q co'ollaq ỹavigaxat so llalaqpi da ỹo'oxoren so lqolacpi, nache naua'a añi qui'itta atamnaxaqui maye ỹalamaqte, nache ishepaxanaqchet. ¡Qaq 'era dam ỹo'ot co'ollaq huaña ñim ỹalamaxat ima'!

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

Oseas 6:9

Qaq so nqa'aic maye taỹa'a ye Siquén, qalaq hueta'a na ntaxaỹaxanaxanecpi maye 'eeta'am nam cachaxaicpi da nauaata'aguet na shiỹaxauapi, qaq huaña da decache qataq da dalaataxan.

Amós 4:5

Qataq qauavigaxache aca nauole 'ayiiña maye qaica ca lalegue, da qarachetaqtaxanaqche da qaỹa'añi da qana'achecỹaxaqui, qataq qaua'axacheeuec anam qarachetaqtaxanaqche maye maiche qami' chegoqchiguilo da qaỹa'añeeuo, cha'aye nachera da ỹataqta qanqopichiỹa da qauo'oche qami' Israel le'ecpi. Qaq 'era da la'aqtac Ñim Nataxala'.

Jeremías 5:2

Qaq na'aictaxa namayepi da 'enapec: «Nca'altauec Ñim Nataxala', qalaxaye de'era ỹan la'aqtac saq'en.»

Ezequiel 20:30

Qaq qonapega qome na nhuo' Israel le'ecpi, qoneta': Da la'aqtac Ñim Nataxala', 'eeta': ¿Ta'ainco' qami' da qauoitaique da nshepaxan qanqa'eñi da qarataxaqui, da qoñeeta'am som hua'au qarta'ailpi? ¿Ta'ainco' da Aỹem sa qaualaqaiguet, nache qavio'oxoyiñiitac nam nqolacpi maye nqaigaxat?