Jeremías 7:8 - La'aqtaqa Ñim Lo'onatac 'Enauacna 2013

⁸ Qalaxaye qami' qaupi'iitegalo naua na'aqtaqa, maye tenataxanaxaiqa maye qaica ca naiguilo.

Jeremías 7:8 Referans Kwoze

Isaías 28:15

Qami' maye qoñiỹapec naxa: «Qomi' mashe ñaỹamaxataxai' co'ollaxa da nleuaxa, mashe ñaỹamaxataxai' co'ollaxa añi huachiqui, yaqto' qom ivita da anac cam ỹataqta qauem na'a'q, nache saishet qome da qomi' loxonqa, cha'aye she'eguenoqot da natenataxanaxac, qataq qomi' npaxattaleguete da ashepegaxanaxac.»

Jeremías 23:32

Qataq sa'axat da sataỹa'aguet ne'ena na'aqtaxanaxanecpi, maye ỹa'axatta'ape naua lchoxonaxaco maye saq'e'n, cha'aye nachenaua ne'enaua latenataxanaxaco, qataq naua qaica ca naiguilo la'aqtaqa, nam ỹo'o't da isomapec na ỹalamaxat nhuo' le'ecpi. Aỹem saishet da samaq co'ollaxa namayepi, qataq saishet da samaxalec da da'aqtaxan. Qaq ỹoqo'oye namayepi saỹañoxot da itauan ne'ena nhuo' le'ecpi. Qaq 'era da ỹa'aqtac Aỹem Nataxala'.

Jeremías 23:26

¿Chaq laguio', qaq ỹaxaañi da ỹa'axattac nam saq'enpi, qataq na maiche ỹo'ot lhuennataxacpi maye saishet da 'eesa?

Jeremías 8:10

Qaq ỹoqo'oye Aỹem sanem qome ca lỹa ỹale ana lhuapi namayepi, qataq na na'alhua taỹot ca lỹa shiỹaxaua da ỹauo'o lalamaxat. Cha'aye 'enauac na shiỹaxauapi, na 'amaqtaqaic qataq nam qaica ca la'amaqchec, nacherata da iuennatega da lauegaxanaxac maye chegaqaigui da ncachaxac, na na'aqtaxanaxanecpi qataq na ntaxaỹaxanaxanecpi 'enauac da decachetac.

Jeremías 7:4

Saishet qome da qaupi'iitega nam qami' ỹatenachetta'ape naxa maye, 'eeta': ¡'Ena na netaña ana atamnaxaqui maye lalamaqte Ñim Nataxala'! ¡'Ena na netaña ana atamnaxaqui maye lalamaqte Ñim Nataxala'! ¡'Ena na netaña ana atamnaxaqui maye lalamaqte Ñim Nataxala'!

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Jeremías 4:10

Qaq aỹem shenapec: «¡'Agai, 'Am Nataxala', ta'ainco' da 'auatenachet na shiỹaxauapi na Jerusalén! 'Am 'auachaxanapecot co'ollaxa namayepi da nlagaxayec, qaq nagui qalaq qaỹareeto'ot na lqosot na ỹeelonec.»

Isaías 30:10

Nam huo'oi naua l-loxoco qalaq 'enapega naxa, 'eeta': «Saishet da qomi' qaua'aqtaxañima ca qal-loxoqui», qataq 'enapega naxa na na'aqtaxanaxanecpi, 'eeta': «Saishet da qomi' qaua'aqtaxañima cam qarauanaqchiqui maye 'eesa; nacherata da qomi' qaua'aqtaxañima naua huesotte' na'aqtaqa maye ỹo'ot da qanaquitaxac.

Isaías 59:4

Qaica ca ỹa'axateuo cam 'eesa, qataq qaica ca no'on da lataxac nam nmit na nasouaxashetpi, nda'a't da pe'etega da natenataxanaxac qataq naua na'aqtaqa maye saq 'eesora, namayepi nlaqchigui na qauem, qataq deco'oic da nalaataxanaxac.

Jeremías 28:15

Qaq huaña, nache so Jeremías 'enapega so Jananías, 'eeta': «¡Ñaq aỹem 'ana'axaỹaxana 'am Jananías! Ñim Nataxala' saishet co'ollaxa da 'am namaq, qaq 'am 'aỹa'aateguem ne'ena nhuo' le'ecpi da ỹa'amaqten da 'aratenataxanaxac.

Jeremías 13:25

Qaq 'era da 'aỹa'aguet 'am Israel, 'era da iuen da 'am so'otec. Qaq 'era da ỹa'aqtac Aỹem Nataxala'. Cha'aye Aỹem 'aucoua'ai, qataq 'aỹa'anot da 'ara'amaqtenaxanaxac nam saq 'en atamnaxala'pi.