Jeremías 7:34 - La'aqtaqa Ñim Lo'onatac 'Enauacna 2013

³⁴ Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Jeremías 7:34 Referans Kwoze

Apocalipsis 18:23

¡Qataq saishet da qaltaq ỹe'eguelaxalec da icoỹarelec 'am na le'eraxa aca ncoỹaraxanaxaqui, qataq saishet da qaỹa'axaỹa ca ntonaxac cam hueta'a ca naronaxac! Cha'aye nam 'armenaxanaxanecpi namayepi co'ollaxa ndotec na 'añaxaicpi da huetalec ana 'alhua, qaq 'am ỹataqta 'auatenachet co'ollaxa da 'arolec da 'aye'eyaqnataxanaxac 'enauac na ỹotta'a't shiỹaxauapi.»

Oseas 2:11

Huaña qome nache tachiguiña ñaqa'en da lamaicỹaxac, qataq da ỹo'ottac na lquia'axac da dalaxaic ñi ca'agoxoic, qataq ye na'a'q mataxaqui, qataq 'enauac na laỹe la'ashaxacpi.

Ezequiel 26:13

Qaq 'era da 'eetec qom vi'iiguet ñaqa'en da l-lamaxa na 'aro'onecpi, nache saishet qome da qaltaq qaỹa'aqtega da l-lamaxa aca 'ana'arpapi.

Jeremías 25:10

Qataq so'ot qome da namayepi saishet da qaỹa'aqtega ca no'onec da huo'o ca na'ashaxac qataq da namaicỹaxac huo'otaq da qaỹo'onaxaalec ca naronaxac, qataq da l-lamaxa ca coma' maye namaicnaxanaxat, qataq saishet da ỹe'eguelaxa da qaila'a na le'eraxa ana ncoỹaraxanaxaquipi.

Jeremías 16:9

Cha'aye Aỹem Nataxala', maye Qaica ca Seqalanapec qataq Aỹem Natamnaxala' na Israel le'ecpi, sa'axatta da 'eeta': Aỹem so'ot qome da imeuo na no'onecpi da huo'o na na'ashaxac ne'ena 'alhua qataq da namaicỹaxac qataq da qaỹo'onaxaalec ca naronaxac. Qaq de'era nache huaiguilo qome caua maiche lalamaqa'ate na'axa'te, qaq qami' nache qauauañiichigui qome.

Isaías 1:7

Ye qana'alhuai qalaq ỹataqta toolec, qataq ye huaqta'a't nỹecpi maye qarmaye ỹataqta ỹavicta. Qataq ỹataqta qauauañiichigui da na qampa'aguenaxauaipi chectac na ala na qa'añiguishiqui. Nache 'enauac da ỹataqta toolec, 'eeta'am da ilaxachigui ca chegaqauec shiỹaxauapi.

Levítico 26:33

Nache qami' selagaxaaleguete ca ỹaqa'a 'alhuapi, souaxat da ñeqatsheguem ca ỹainec da yaqto' qami' secaata'ape, ivitta'a da ỹataqta toolec ñaqa'en ca qana'alhuai, qataq ñelaxaañi ca qaralamaxache huaqta'a't nỹecpi.

Miqueas 7:13

Qaq na 'alhuapi taỹa'a da toolec qome, souaxat nam qauem maye ỹo'ottac nam netalecpi namaye.

Jeremías 4:27

Ñim Nataxala', 'enapec: «'Enauac ana 'alhua da nlaguiñi qome, qalaxaye saishet qome da imauec da selaxachigui.

Isaías 3:26

Qaq na huaqta'a't nỹecpi nỹen qome da ỹo'ot ca lasouaxac, nache ỹataqta imauec qome da qaỹalata'a't.

Jeremías 33:10

Ñim Nataxala', 'eeta': Qami' maye qoñeetega toolec ne'ena nma', qataq qoñeetega qaica ca shiỹaxauapi qataq shiguiỹacpi, qataq na nqa'aicpi na Jerusalén, qataq na huaqta'a't nỹecpi maye ỹotta'a't naua nañalo na Judá tooleguete; qataq qaica ca hueta'a shiỹaxauapi qataq shiguiỹacpi. Qalaxaye namaye ỹe'eguelaxa qome da qaỹa'axaỹa,

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Salmos 78:63

So nsoxoppi qalaq ileu, ỹavigaxatta so norec, nache qaica ca do'onaxaalec da laronaxac ana huaron.

Jeremías 22:6

Cha'aye Ñim Nataxala' 'eeta' da la'aqtac maye talec ñi nma' lta'araic ñi nta'a ye Judá: «'Am 'eeta'am ñaqa'en añi qasoxonaxa ye Galaad, qataq añi lmilo añi qasoxonaxa ye Líbano, qalaxaye san da ỹa'aqtac da 'am she'eguelaxata qome da 'am toolec, nache qaica qome ca 'am netalec.

Jeremías 27:17

¡Saishet qome da qaualaqaiguet! Nacherata da qanañañiỹot ñi nta'a ye Babilonia, yaqto' qanca'alleeuec. Cha'aye ¿ta'ainco' taxa da ne'ena huaqta'a't nỹecpi da qailaxachigui qome nache lapoosheguem?

Jeremías 44:6

Qaq ỹoqo'oye 'eroigui da ỹalemataic, qataq da ỹayeloxo, nache nalaqaasheguem 'eeta'am ca norec da ỹavigaxat so huaqta'a't nỹecpi maye ỹotta'a't naua nañalo ye Judá, qataq so nqa'aicpi ye Jerusalén. Nache ỹataqta nlachiguiñi qataq toolec choche ivitta'a nagui.›

Lamentaciones 5:14

Qaq mashe qaica so ỹa'axaiquipi maye hueta'a naxa na ñegueuopi ye huaqta'a't nỹecpi, qataq mashe sa qaỹa'axaỹa da lo'onaxanaxac so nsoxoppi.

Da na'aqtaguec so Job 3:7

¡'Onaxaictoxo' co'ollaxa se'eso pe da ỹataqta qaica ca huaigui, qataq saishet da huo'o ca do'onaxaatai' souaxat da ntonaxac!

Jeremías 4:26

Qataq samata'a nam no'on uva lma'pi qalaq ỹataqta toolec, qataq 'enauac som huaqta'a't nỹecpi ỹataqta nlachiguiñi. Cha'aye da ỹataqta chaqaic layeloxo Ñim Nataxala', nachera dam ỹo'ot da huo'o de'era.

Jeremías 33:11

ca no'onec da huo'o ca na'ashaxac, qataq namaicỹaxac, qataq ca no'onec da qaỹo'onaxaaleguete caua auonaxau', qataq qaỹa'aqtega qome dam 'eeta': Qaỹa'añiỹot da qana'achecỹaxaqui Ñim Nataxala' maye Qaica ca Ỹaqalanapec, cha'aye Ñimaye ỹataqta soxoraic, cha'aye da lsoxoyec chochaq tatec. Qataq qandoua'a qome añi atamnaxaqui aca nachetaqtaxanaqte souaxat da tonaxac. Aja', Aỹem ñaralaxat qome da na'achecỹaxac ne'ena 'alhua, yaqto' ỹe'eguelaxa da 'eeta'am som hua'auchiguiñi co'ollaxa lataxac. Qaq 'era da ỹa'aqtac Aỹem Nataxala'.

Ezequiel 7:11

Nquictauec da qaica ca qairen, qaq damaye nache chegaqaigui na qauemsat. Qalaxaye da qoñiita qaica qome ca no'onañi qataq nam qalota qarsallaqai maye qami' hueto'oto.

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.