Jeremías 7:32 - La'aqtaqa Ñim Lo'onatac 'Enauacna 2013

³² Qaq ỹoqo'oye Aỹem Nataxala', shenapec da anacta ca na'a'q da yi'iye 'alhua saishet qome da qaỹamata'ac da le'enaxat Tofet, qataq ca'amegue Ben Jinón, nacherata da qaỹamata'ac, Ca'amegue Nalaataxanqa'. Qaq ye Tofet qalaq qailareña qome na leuaxaicpi souaxat da qaica ca ndaqa'.

Jeremías 7:32 Referans Kwoze

Jeremías 19:11

nache qonapega, qoneta': ‹Ñim Nataxala' maye Qaica ca Ỹaqalanapec, 'eeta': Aỹem selaxachigui qome ne'ena nhuo' le'ecpi, qataq ne'ena huaqta'a't nỹecpi, 'eeta'am ca ilaxachigui aca naco'oña 'alhua, nache saishet da qaltaq qaỹe'eguelaxara't. Na shiỹaxauapi ilayiña qome ye Tófet ca leuaxaicpi, souaxat mashe qaica ca ldaqa' da qailareñi.

Jeremías 19:6

Qaq ỹoqo'oye anacte' caua na'axa'te maye huaiguilo da ne'ena 'alhua saishet qome da le'enaxat Tófet, qataq saishet da le'enaxat da Ca'amegue Ben Jinón, nacherata da le'enaxat qome, Ca'amegue Nalaataxanqa'.› Qaq 'era da ỹa'aqtac, Aỹem Nataxala'.

2 Reyes 23:10

So Josías nataqa'en nlaxaañi aso nca'atoxonaxalate maye naña aso lcomaraxalate ye Ben Jinón, yaqto' qaica ca ỹavigaxat ca llalec, huo'otaq aca llale da ỹanot so atamnaxala' Moloc.

Jeremías 19:13

Na nỹecpi na Jerusalén, qataq na lta'araic lma'pi na nta'alpi ye Judá, qataq na l-laq na nỹecpi maye huaña naxa da qaỹauo'o na nchenaxanaxat da qoỹanot ana huaqaañipi qataq da qaicorec na lataxa da nachetaqtaxanaxat da qoỹanot na laỹepi atamnaxala'pi, namayepi qaỹamata'ac qome da nshepaxan, 'eeta'am ye Tófet.›»

Jeremías 7:31

Qataq ỹanangui so ca'amegue ye Ben Jinón, aso nca'atoxonaxalate maye lalamaqte so atamnaxala' Tofet da yaqto' ỹavigaxat so llalaqpi qataq aso llalepi, dam saishet da samaxalec co'ollaxa, qataq saishet da iuennataxa co'ollaxa.

Levítico 26:30

Qataq Aỹem selaxachigui ca qanatamnaqa'aipi maye netaña ca ne'enaqtacpi, qataq dolagui ñaqa'en aca lca'atoxolate ca nchenaxanaxat ama na laita, qaq da qaro'ocỹaxaqui maye mashe leuaxaic, nache llapoolec qome ca ne'enaqtacpi maye qanatamnaxala'aipi, cha'aye ỹataqta qami' saỹemeque.

Jeremías 19:2

Qaq ime, nache 'anqo'oneuga so ca'amegue ye Ben Jinón, maye datateguet ñim lasom maye pa'aigue da nala' lliguisheguem, qaq huaña qome yemaye, nache 'aua'axat da ỹa'aqtac maye 'am sa'axatem qome.

Jeremías 31:40

Qaq imauec qome yem ca'amegue maye nlaraqa' naxa nam leuaxaicpi qataq qaỹasaxauga naxa na alo qataq 'enauac yem no'onaxapi maye hueto'ot na loigue so la'auaxac Cedrón, nache ivitta'a ñi lasom maye le'enaxat Nasom na Caipi, maye pa'aigue da yo'oxoñi, 'enauac qome da ỹalamaxat, qaq 'enauac qome namayepi saishet da ỹe'eguelaxa da qaỹamaxañi qataq qailaxachigui.»

Ezequiel 6:4

Aỹem selaxachigui qome ana nca'atoxonaxalatepi maye huaña naxa da qaỹa'añiiuo ana qarachetaqtaxanaqchepi qataq da qauavigaxache na qarchenaxanaxache maye ama na laita, qataq so'ot qome da huañi na ỹalleppi, nache ileu hueto'ot na nqolacpi.