Jeremías 7:27 - La'aqtaqa Ñim Lo'onatac 'Enauacna 2013

²⁷ Qaq 'am Jeremías, 'aua'axat qome 'enauac de'era, na'aictaxa da saishet da 'am qaiqocha'a, qataq 'aua'alaqtalec namayepi na'aictaxa da 'am saỹasateguet.

Jeremías 7:27 Referans Kwoze

Zacarías 7:13

nache Ñimaye, 'enapeco': «Qaq cha'aye saishet da aỹem na'axaỹaxana somayepi co'ollaq seỹaxaatega, nache nataqa'en Aỹem saishet da sa'axaỹa da aỹem iỹaxaatacot.

Jeremías 26:2

nache 'eeta': «'Anachaañi qome, qoua'a ye nqasoxoc añi atamnaxaqui nache 'aua'axat 'enauac nam 'am samaxalecpi da 'aua'aqtaxanem na shiỹaxauapi maye chegaqa'a nam huaqta'a't nỹecpi maye ỹotta'a't naua nañalo ye Judá, da naỹa añi atamnaxaqui da yo'oxonnataxan, nache qaica qome ca sa 'aua'axat.

Jeremías 1:7

Qalaxaye Ñim Nataxala' aỹem 'enapega, 'eeta': «Saishet qome da qonapec da ñaq 'am nsoqolec. Cha'aye 'am 'aigue qome cam 'am samaxague, qataq 'aua'axat qome cam 'am samaxalec.

Isaías 65:12

qalaxaye Aỹem Nataxala', so'ot qome da qami' qairoleguete ca ỹeelonec da qami' qaỹalaua't. Cha'aye Aỹem qami' seỹaxaategalo co'ollaxa qalaxaye qami' saqauasache, qami' setaqtacoto co'ollaxa qalaxaye Aỹem saqana'axaỹaxañiỹa, nacherata da sauaachigui qanqa'eñi nam qauem maye qauo'ocheetac, qataq qalca'aiua'a da qauo'oche nam sasaỹamaxaren.»

Isaías 50:2

¿Ta'ainco' co'ollaq ñevi', nache qaica ca selalec? ¿Ta'ainco' co'ollaq seỹaxan, nache qaica ca ỹasat? ¿Qaupicheetega peta'a da aỹem sañaloua'a da qami' ñeca'alaxatrec? ¿Qaupicheetega peta'a da sa sañoxot da qami' sesore'c? Qamaq aỹem ishet da choche 'oonolec ỹa'aqtac ca san nache deqaqa aso auaxai, qataq ana talapi qalaq ỹe'eguelaxa da toolec 'alhua, yaqto' na nỹaqpi ilem na laquip nache nchega souaxat da qaica ca 'etaxat.

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Jeremías 1:19

Namayepi 'am delogui' qome, qalaxaye saishet qome da 'am loxonec, cha'aye aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»