Jeremías 7:26 - La'aqtaqa Ñim Lo'onatac 'Enauacna 2013

²⁶ Qalaxaye qami' saishet da Aỹem qaualaqaiguet qataq saishet da aỹem qauqocheetega, nacherata da ỹapac saqaualaqai, qanapacỹalec som hua'au qarta'ailpi.

Jeremías 7:26 Referans Kwoze

Jeremías 16:12

Qaq qami' qalaq ỹapactec da qanapacỹalec som hua'au qarta'ailpi, cha'aye ñi 'oonolec da qoñiita, quetagueto naua qauema lhuennataxaco dam lquiyaqteỹaxac nache saishet da aỹem ỹalaxaguet.

2 Crónicas 30:8

Qaq ỹoqo'oye nagui saishet qome da sa qaualaqai da qoñiỹa'am so hua'au qarta'ailpi, nacherato' da qanañañiỹot Ñim Nataxala', qataq qauanaiua'a añi atamnaxaqui maye Ñimaye chochaq tatec naqa'en da iỹotauga. Qavio'oxoreñi Ñim Nataxala' maye Qanatamnaxala'ai, yaqto' Ñimaye ỹaxaañi da qami' denotegalo.

Mateo 23:32

¡Qaq no'on da qami' ỹataqta qaumacheeta dam ỹo'ot co'ollaxa som hua'au qarta'ailpi!

Jeremías 19:15

«Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'enapec: ‹Aỹem ñamaxa qome ne'ena huaqta'a't nỹecpi, qataq 'enauac nam netalec ne'ena 'alhua, cam nhuaxanaguec maye sa'axatta'a co'ollaxa, cha'aye namayepi ỹacona da qaramchigui da yaqto' saỹalaxagueta naua ỹa'aqtaqa.›»

Jeremías 17:23

Qalaxaye somayepi saishet co'ollaxa da Aỹem qocha'a qataq saishet da Aỹem ỹalaxaguet, nacherata da queto'ot da sana'axaỹaxan, qataq saishet da ỹalaq da qanqanaxattac.

Jeremías 7:24

Qalaxaye saishet da Aỹem ỹalaxaguet qataq saishet da Aỹem qocha'a, nacherata da saỹalaq nache queueegue da qauem lquiyaqteỹaxac. Qaq saishet da aỹem ñe'eguelaxa, nacherata da aỹem ca'ai.

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Mateo 21:38

Qalaxaye co'ollaq qaila'aguet se'eso llalec, nache so 'onataxanaxaicpi detaxaỹapega't, 'eeta': «'Ena cha'aguet nam talec qome da lsallaxa so lalamaxat ne'ena nanaxanaqa'. Namaye salauataq yaqto' qomi' taleguete qome na nma'.»

Daniel 9:6

Qataq saishet da salaxasoxoguet co'ollaxa so 'aramaxashecpi maye 'ara'aqtaxanaxanecpi, som da'aqtaxanem co'ollaxa da 'are'enaxat som qomi' ilotegueto nta'alpi, qataq so qarataxala'pi, qataq som hua'au qarta'alpi, qataq 'enauac so nhuo' le'ecpi ye Israel.

Jeremías 44:16

Qomi', saishet da salaxasoxoguet de'era qomi' 'andota'alo, maye qonetega la'aqtaxanaxac Ñim Nataxala'.

Jeremías 34:14

da ivireuga ye siete vi'i, nache ỹaxanec ca camachaqca nam hebreo le'ecpi maye qaimenot namayepi, qataq mashe seis vi'iye da do'onataxaatac. Qalaxaye som hua'au qarta'ailpi saishet co'ollaxa da Aỹem ỹalaxaguet.

Jeremías 29:19

Cha'aye saishet da qaualaqaiguet dam ivitaqtaxanaxac maye qami' sanema co'ollaxa chegoqchigui ñaqa'en som ỹamaxashecpi maye ỹa'aqtaxanaxanecpi, maye qalota naxa da qami' ñamaxalo qalaxaye qami' saishet da qana'axaỹaxañiỹa. Qaq 'era da ỹa'aqtac Aỹem Nataxala'.

Jeremías 26:5

qataq da saishet da qauqocheetega da lvitaqtaxanaxac so ỹamaxashecpi maye ỹa'aqtaxanaxanecpi, maye ỹe'eguelaqtalec da qami' ñamaxalo, som sa qaualaqaiguetpi,

Jeremías 25:7

Qaq nagui Ñim Nataxala', 'eeta': ‹Qami' saishet da Aỹem qaualaqaiguet, Aỹem qanogoqcheche, souaxat da qanatamñiitacot na atamnaxala'pi maye maiche qaro'onataqui, qaq souaxat de'era nache maiche qami' taleguete qome ca qauem.›

Jeremías 25:3

«Chegoqta'a co'ollaq ivi' soua trece vi'iye da nta'a so Josías, som llalec so Amón maye ilotague' ye Judá, qaq choche ivitta'a nagui, qaq damaye, 'eeta': mashe ivi' naua veintitrés vi'iye da Ñim Nataxala' aỹem detaxaỹot co'ollaxa, nache aỹem qami' she'eguelaqtaleguete co'ollaxa da qami' setaqtacoto, qalaxaye qami' saishet da aỹem qaualaqaiguet.

Jeremías 11:8

Qalaxaye saishet da Aỹem qocha'a qataq saishet da Aỹem ỹalaxaguet, nachaqrata da qaramchigui da lquiyaqteỹaxac nache queguelo na maiche lhuennataxaco. Nache saishet da ipaqueeleguete naua ỹa'aqtaqa maye samaxaleguete co'ollaxa, qaq huaña nache so'ot so iuaxanaxanaxac maye ỹa'axatta'a co'ollaxa de'era ñaỹamaxataxac.»

Jeremías 6:17

Ñim Nataxala' ỹauo'o co'ollaxa so lauanaxanaxanecpi, nache 'enapega nam nhuo' le'ecpi, 'eeta': «Qana'axaỹaxañiỹa ca la'anaxat ca lchec.» Qalaxaye na nhuo' le'ecpi, 'eeta': «Saishet, saishet da salaxasoxoguet.»

Isaías 48:4

Qaq Aỹem ye saỹaten da ỹataqta qaramchigui na 'arqaic, ỹataqta 'am qaramta qoneta'am ca lcat qataq na 'aratap 'eeta'am ca lcat bronce,

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Nehemías 9:29

Qataq 'auamaxalec da ỹalaxaleguete naua 'arqataxaco, qalaxaye somayepi ỹaguec da na'amqaanaxac nache 'am sa ỹalaxaguet, qataq sa ỹalaxalec na 'aramaxasoxonaxacpi, nache dataỹa'aguet na lataxacpi maye 'alapaxañi, maye ỹo'ot da lca'alaxa cam ỹalaxalec namayepi, qalaxaye somayepi ỹataqta saỹalaq, nache 'am saiqocha'a, qataq ỹoqta qaramchiguilo naua lqaigo, nache 'am sa na'axaỹaxana.

2 Crónicas 33:10

Qaq Ñim Nataxala' detaxaỹot co'ollaxa so Manasés qataq so lauo' le'ecpi, qalaxaye somayepi saishet co'ollaxa da ỹalaxaguet Ñimaye.

2 Reyes 17:14

Qalaxaye somayepi saishet co'ollaxa da ỹalaq, nacherata da ỹataqta qaramchigui, 'eeta'am so hua'au lta'alpi, da saishet da ỹa'amaqten Ñim Nataxala' maye Natamnaxala'.

Isaías 5:4

¿Negue't ca lỹa ishet da so'ot na ỹanaxanaqa' uva lma'? ¿Peta'a huo'o ca lỹa maye saxanaxa da so'otec namaye? Aỹem seuatta'a co'ollaxa da huo'o aca ỹataqta ama ala ana uva, qalaxaye ¿ta'ainco' da ỹataqta ñe'eua aso ala ana uva?

Jeremías 5:3

'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.

Jeremías 6:10

Qaq aỹem shenapec. «¿Negue't ca aỹem hua'axaỹa da sa'axatem qataq sanem de'era na'axaỹaxac? Ye namayepi ỹapotaguilo naua ltela lauaco, nache saishet da hua'aqa, namayepi ỹe'eeta'ape naua 'ara'aqtaqa qataq saishet da ỹamanegueta.

Jeremías 35:15

Qataq she'eguelaxattalec da qami' ñamaxalo so ỹamaxashecpi maye ỹa'aqtaxanaxanecpi, da yaqto' qami' 'enapegalo, 'eeta': Qaỹa'axañiiuec da qauem qarataxaqui qataq nam qauem maye qauo'ocheetacpi. Qataq saishet da qaca'acheetague' na ỹaqa'a atamnaxala'pi, qataq saishet da qavio'oxoyiñiitac, yaqto' nache queta da qoñeetalec na 'alhua maye qami' sanema co'ollaxa qataq so hua'au qarta'ailpi. Qalaxaye qami' saishet da Aỹem qauqocheetega, qataq saishet da Aỹem qaualaqaiguet.

Jeremías 35:17

Qaq ỹoqo'oye Aỹem Nataxala' maye Qaica ca Seqalanapec qataq Aỹem Natamnaxala' na Israel le'ecpi, sheeta': So'ot qome da na Judá qataq 'enauac nam hueta'a na Jerusalén da talec qome 'enauac nam qauem maye sa'axatta'aguet co'ollaxa. Cha'aye Aỹem qami' setaqtecoto co'ollaxa, qalaxaye qami' saishet da aỹem qauqochiitega, qataq qami' seỹaxaategalo co'ollaxa qalaq saishet da Aỹem qauasacheeguet.»

Ezequiel 20:30

Qaq qonapega qome na nhuo' Israel le'ecpi, qoneta': Da la'aqtac Ñim Nataxala', 'eeta': ¿Ta'ainco' qami' da qauoitaique da nshepaxan qanqa'eñi da qarataxaqui, da qoñeeta'am som hua'au qarta'ailpi? ¿Ta'ainco' da Aỹem sa qaualaqaiguet, nache qavio'oxoyiñiitac nam nqolacpi maye nqaigaxat?

Zacarías 7:11

Qalaxaye se'eso nhuo' le'ecpi saishet co'ollaxa da ỹalaq. Nacherata da datatec, nache ỹe'enaxat da saq hua'aqa.

Malaquías 3:7

Qaq nache chegoqchiguiña se'eso na'a'q, co'ollaq ñaq huo'o som qarta'ailpi, da qami' saishet da qaualaqaiguet na ỹamaxasoxonaxacpi, qataq saqauaỹamaxache. Qaq Aỹem Nataxala' maye Qaica ca Saqalanapec, qami' shenapegalo. ¡Aỹem qañe'eguelaqỹa qome, nache Aỹem qami' she'eguelaxagueta! Qalaxaye qami' qoñiỹapec: «¿Ta'ainco' da 'am she'eguelaxasoqot?»

Deuteronómio 8:20

Cha'aye da saishet da qaualaqaiguet Ñim Nataxala' maye Qanatamnaxala'ai, nache qami' ilaxachiguilo qome, qoñiita'am naqa'en da 'eetec da ilaxachigui na ỹotta'a't shiỹaxauapi de'era qa'aita'ague.

1 Reyes 14:9

Qaq 'am, qalaxaye ỹataqta ỹapactec da qauem nam 'auo'otpi, saq 'ena'am so hua'au nataxala'pi co'ollaq saxanaxa da 'am huo'o, cha'aye 'am 'auo'ot na ỹaqa'a atamnaxala'pi qataq nam ne'enaqtacpi lcat, da yaqto' Aỹem 'aunogoqchet qataq Aỹem qoca'ai.

1 Reyes 14:22

Qalaxaye som Judá le'ecpi, ỹo'ottac co'ollaxa na ỹataqta saỹaỹamaxaren Ñim Nataxala', nache ỹataqta inogoqchet Ñimaye souaxat ne'ena lasouaxashetpi, cha'aye nam ỹo'otpi ỹataqta napacalec co'ollaxa som hua'au lta'alpi.

2 Reyes 17:15

Nache saishet da ỹaconeguet nam lqataxacpi, qataq da naỹamaxataxac Ñimaye co'ollaq naỹamaxate' so hua'au lta'alpi, qataq na lamaxasoxonaxacpi maye ỹanem somayepi. Nache somayepi natamnot so saq 'en atamnaxala'pi maye qaica ca naigui, nache somayepi ivira'a da nataqa'en qaica ca naigui, souaxat da ỹe'enaxat da lataxac so ỹotta'a't shiỹaxauapi maye lauoreuapi, maye Ñim Nataxala' saỹashenem co'ollaxa somayepi da ỹe'enaxat.

2 Crónicas 33:23

Qalaxaye saishet co'ollaxa da nmanot Ñim Nataxala' da 'eeta'am da ỹo'ot co'ollaxa so lta'a Manasés, nacherata da nquigaxattasheguem na lasouaxashetpi.

Jeremías 3:13

Nacherata da 'auaỹateeta da huo'o da 'arasouaxashet, qataq 'auataỹa'aguet Ñim Nataxala', maye 'Anatamnaxala', qataq 'auaỹateeta da qoueto'ot naxa na lpaqal camachaqaca qo'oipaq maye qalochiguiñi ana lcouepi, da 'ancachetague' nam ỹaqa'a shiỹaxauapi, qaq saishet da Aỹem 'aualaxaguet. Qaq 'era da ỹa'aqtac Aỹem Nataxala'.›»

Jeremías 9:13

Qaq Ñim Nataxala' ỹasat, 'eeta': «'Enauac ne'enapi da huo'o, cha'aye nam Israel le'ecpi ca'ai nam ỹapaxaguenataxanaxacpi maye sanem co'ollaxa, nache saishet Aỹem ỹalaxaguet qataq saishet da napaxaguena da ỹo'ot.

Jeremías 22:21

Aỹem 'am setaqtecot co'ollaq qouetaigui da qaica ca 'auena'a, qalaxaye 'am saishet da Aỹem 'ana'axaỹaxana. Qaq nache qoneta'ac de'era chegoqta'a co'ollaq saxanaxa da 'am ỹe, da saishet da Aỹem 'aualaxaguet!

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.

Ezequiel 12:2

«'Am shiỹaxaua, 'am qonetangui na nhuo' le'ecpi maye ỹataqta qauemaicpi. Huo'oi naua la'ai'te, qalaxaye sanauaañi, qataq huo'oi naua ltela lauaco qalaxaye sa hua'aqa, cha'aye ne'ena nhuo' le'ecpi ỹataqta qauemaicpi.

Ezequiel 12:3

Qaq ỹoqo'oye 'auqataxanai' qome cam ỹataqta 'auen da yaqto' qoca'ai ne'ena 'alhua, qaq laiñi qome ca na'a'q, qataq 'am ỹauaategue qome 'enauac nam shiỹaxauapi da qoca'ai na 'arma', da 'anqo'ona ca lỹa nma', saiuena'a da ne'ena nhuo' le'ecpi ỹaỹaten da qauemaicpi

Oseas 11:7

Ne'ena ỹalamaxat nhuo' le'ecpi ỹataqta lhuennataxa da Aỹem dataỹa'aguet, ỹoqo'oye na'aictaxa da iỹaxaatega da ỹe'enaxat, qalaxaye saishet da ỹoqta 'eesa da Aỹem ỹo'oxoreetac.