Jeremías 7:23 - La'aqtaqa Ñim Lo'onatac 'Enauacna 2013

²³ Qaq nacherata da samaxalec, da Aỹem ỹalaxaguet, qaq da 'eetec de'era, qaq nachaỹem da Aỹem Natamnaxala', qataq nache ỹalamaxat se'eso nhuo' le'ecpi. Qaq shenapega somayepi da ỹalaxalec dam samaxalec yaqto' no'on da llecỹaxac.

Jeremías 7:23 Referans Kwoze

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Deuteronómio 5:33

Nacherata da ỹataqta qoquiitegue da llecỹaxac na qami' ỹamaxaleguete Ñim Nataxala' maye Qanatamnaxala'ai, yaqto' 'onaxaic da qoyecỹaxaqui, qataq qaỹoqtec da qanachaalataxaqui da qoñiitalec ye 'alhua maye qami' ỹanema qome Ñimaye.»

Jeremías 42:6

Qaq saỹamaxannaqta huo'otaq saishet cam lasataxac Ñimaye, qalaxaye qomi' salaxasoxoguet qome Ñim Nataxala' maye Qanatamnaxala', cha'aye 'am seỹaxanaqot da 'auquiguiỹo'ot da yaqto' sana'aigue da qoyecỹaxac.

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Deuteronómio 6:3

Qaq ỹoqo'oye qami' Israel le'ecpi ỹataqta qauo'oche qome de'era, yaqto' 'onaxaic da qanachaalataxaqui qataq ivitta'a da ỹataqta qami' qalota qom qoñiitalec yi'iye 'alhua maye huaña da sa qoue na huaca lche' qataq na te'esaq lli'i, nache ipacchigui da ỹan la'aqtac co'ollaxa Ñim Nataxala' maye Natamnaxala' so hua'au qarta'ailpi.

Deuteronómio 30:20

qataq qauauochec qome Ñim Nataxala' maye Qanatamnaxala'ai, qataq ỹataqta qaualaqaiguet, cha'aye nacheñi Ñim chegoqchigui da qanachaalataxaqui, qataq da qaỹoqtec qome naqa'en da qoñiitalec ye 'alhua maye ỹachaxanapecot co'ollaxa da ỹanem soua hua'au' qarta'alli', Abraham, Isaac qataq Jacob.

Deuteronómio 13:4

Qaq nacheñita Ñim Nataxala' maye Qanatamnaxala'ai da qoquiigue qome, qataq qavio'oxoyiñi qaupaquiichiguilo naua lamaxasoxonaxaco qataq qaualaqaigueta, ỹataqta qauo'oche' naua 'ena'ape, qataq saishet da qoquiỹa'ai Ñimaye.

Jeremías 11:4

Qaq nachera dam aỹamaxataxac maye so'ot co'ollaq ñaỹamaxate' som hua'au qarta'ailpi, co'ollaq ñeqateeguesop ye Egipto, yem 'alhua maye 'eeta'am aca nqatelaxanaxaqui da qaỹasaxaigui ca qanqatel lcat. Nache shenapega co'ollaxa sheeta': Aỹem qaualaqaiguet qome qataq qauo'oche 'enauac nam qami' samaxaleguete, nache qami' ỹalamaqa'ate qome, qaq qami' aỹem Qanatamnaxala'ai qome.

Deuteronómio 5:29

Qaq 'onaxaico' qome da nache 'eeta'ac de'era da lhuennataxa namayepi da aỹem ỹo'oxoreetac, qataq ỹalaxagueta naua ỹamaxasoxonaxaco, 'enauaque naua na'axa'te, yaqto' namayepi qataq na llalaqpi 'onaxaic qome da nachaalataxac.

2 Corintios 10:5

qataq da ño'oxonnaxac nam huotaique da npaxateguet da yaqto' saishet da ivira da ỹoqta qaỹauatton Ñim Lo'onatac 'Enauacna. Sachegoxotaqchigui de'era na'añaxac da so'ogoxonaxa da yaqto' na 'etaxaloxoicpi naralaxa't naua lhuennataxaco, nache ỹalaxaguet So Cristo.

Deuteronómio 30:2

qaq qom qavi'iguelaqaiỹa Ñim Nataxala', qataq da qaumachiỹo'ot da qarquiyaqteỹaxaqui qataq da qanachaalataxaqui, qataq da qaualaqaiguet qataq na qaỹa'alquipi 'enauac ne'ena qami' samaxaleguete nagui,

Jeremías 11:7

Aỹem co'ollaq ñeqateeguesop ye Egipto, som hua'au qarta'ailpi, nache seqattelec da Aỹem ỹalaxaguet, qaq nache chegoqchiguiña nache ivitta'a nagui da ñaq shecto'ot da seqattega.

Deuteronómio 30:8

Nache qami' qavi'iguelaqỹa da ỹataqta qaualaqaiguet Ñim Nataxala', nache qauo'oche na lamaxasoxonaxacpi maye qami' samaxaleguete nagui.

Romanos 16:26

Qaq nagui saỹatenaq da 'eetapeguec Ñimaye chegoqchigui nam ỹiyiñi som na'aqtaxanaxanecpi. Qaq Ñim Lo'onatac 'Enauacna maye nache 'eetai' da nca'altauec maiche lamaxasoxonaxac damaye, yaqto' 'enauac ana 'alhua qaỹa'amaqten qataq qaỹalaxaguet Ñim Nataxala'.

Deuteronómio 4:10

Qaq se'eso na'a'q co'ollaq qauataito'ot Ñim Nataxala' maye Qanatamnaxala'ai huaña añi qasoxonaxa Horeb, nache Ñimaye aỹem 'enapega, 'eeta': «'Alaỹona't qome ne'ena nhuo' le'ecpi, yaqto' hua'aqchigui na ỹa'aqtacpi, qataq napaxaguena da huo'o naq 'enec naqa'en Aỹem, da ñaq huo'o da nachaalataxac namayepi, qataq ỹapaxaguenec qome de'era ca llalaqpi.»

Jeremías 31:33

Qaq 'era da ñaỹamaxataxac que'eca na'a'q qom ñaỹamaxate' na Israel le'ecpi, 'eeta': Sanaigui qome añi lquiyaqte naua iqataxaco qataq serelec da ntoonaxac. Nache namayepi Aỹem Natamnaxala' qome, qataq nache ỹalamaxatpi namayepi. Qaq 'era da ỹa'aqtac Aỹem Nataxala'.

Deuteronómio 11:27

Da nchoxonnataxanaxa qauacoñiiguet qome da qaualaqaigueta naua lamaxasoxonaxaco Ñim Nataxala' maye Qanatamnaxala'ai, nam qami' samaxaleguete nagui da qaualaqaigueta.

Deuteronómio 5:16

Qataq huo'o naq 'enec 'anqa'en ca 'arta'a, qataq aca 'arate'e, cha'aye nachera da 'am ỹamaxalec Ñim Nataxala' maye 'Anatamnaxala', yaqto' qaỹoqtec da 'anachaalataxac da qonetalec ye 'alhua maye 'am ỹanem qome Ñimaye.

Éxodo 16:32

Ime, nache so Moisés 'enapeco': «'Era da ỹan la'aqtac Ñim Nataxala', 'eeta': Qauachiỹangui qome aca naloqnaxanaxaqui maye ivi' dos kilos ana maná. Ime, qaq qauaỹamaxache yaqto' lmeena ca qaỹa'alquipi, yaqto' camayepi ishet qome da ỹauatton nam nallec maye qami' sequia'axategueeque co'ollaq qoviitalec na toolec 'alhua co'ollaq qami' ñeqateeguesopa ye Egipto.»

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

Salmos 40:6

Cha'aye 'am saishet da 'auamaateguet na nachetaqtaxanaxatpi, qataq ana nachetaqtaxanaqte ala na nañiguishec, qalaxaye 'am aỹem 'aua'axaỹaqchetec da saishet da 'auỹaxanaique ca nachetaqtaxanaxat qaỹavigaxatta, qataq aca nachetaqtaxanaqte da qaỹapalaxat ca nasouaxashet.

Salmos 81:13

¡Qamaq taxa da aỹem na'axaỹaxana ne'ena ỹalamaxat nhuo' le'ecpi! ¡Qataq da quetegue taxa da ñeqa'aicỹaxac ne'ena Israel le'ecpi,

Isaías 3:10

Qaq machiguiñi qome cam no'on da lataxac cha'aye no'on qome da llecỹaxac, qataq huo'o da ntonaxac cha'aye no'on da alaỹaxac da lo'onataxanaxac.

Jeremías 13:11

Qaq cha'aye dam 'eetec ca saataxaqui da ipataqta't na lasot ca shiỹaxaua, qaq nachera da sheetec co'ollaxa nam nhuo' Israel le'ecpi, qataq 'enauac na nhuo' le'ecpi ye Judá, da ỹataqta na'attaua'a Aỹem da yaqto' ỹalamaxatpi, qataq da ỹachaxan da ỹe'enaxat, qataq da chegoqchigui namayepi da huo'o naq 'enec qanqa'en Aỹem qataq da ỹo'oxoyec. Qalaxaye namayepi saishet da Aỹem ỹalaxaguet. Qaq 'era da ỹa'aqtac Aỹem Nataxala'.

Jeremías 22:3

Qauo'oche qome da nalochiguiñi lataxac, qataq da no'on lataxac da qoñiitaña ne'ena nma', qausoiuec qome nam qaicoñettai', qataq saishet da qaica ca 'enec qanqa'eñi qataq da saqauyacñiỹapec nam chegaqauecpi, na saploqpi qataq ana pa'aipi. Qataq saishet da qaualauache cam chegaqauec shiỹaxaua da huaña ne'ena nma'.

Jeremías 24:7

Qataq sanem qome da lauattonaxanaxac, da yaqto' aỹem ỹauattoota da nache Aỹem maye Aỹem Nataxala', qaq ne'ena nhuo' le'ecpi, nache ỹalamaxat qome, qataq nachaỹem Aỹem Ñatamnaxala', cha'aye namayepi ỹataqta imauec qome da lquiyaqteỹaxac da aỹem ñe'eguelaxa.

Jeremías 38:20

Nache so Jeremías ỹasateguet somaye, 'eeta': 'Am nta'a, ñaq 'aualaxaguet taxa da la'aqtac Ñim Nataxala' maye 'am sa'aqtaxaateguem, yaqto' saishet da 'am loxonec namayepi qataq qaica ca machaqca, nache 'anca'alec.

Sofonías 3:2

Saishet da na'axaỹaxanalo co'ollaxa naua la'aqtaqa Ñim Nataxala', qataq saỹasateguet da qaỹapaxaguen; qataq saỹa'amaqten Ñimaye; qataq saishet da ỹe'eguenot Ñim Natamnaxala'.

Zacarías 6:15

Qaq anac qome na shiỹaxauapi maye qaỹoqtegue ca chegaqa'ague, da yaqto' qami' itaua'n, da qaltaq qano'oxoñiisheguem añi atamnaxaqui maye lalamaqte Ñim Nataxala'. Qaq huaña qome nache qauaỹacheñi da Ñim Nataxala' maye Qaica ca Ỹaqalanapec, da nacheñi ñi aỹem namaq. Qaq de'era ipacchigui qome, da qami' qana'axaỹaxañiỹa, qataq da qaualaqaiguet Ñim Nataxala' maye Qanatamnaxala'ai.

Zacarías 7:7

Ne'enaua ¿Peta'a saisheto' da nachenaua naua la'aqtaqa maye ỹa'n co'ollaxa Ñim Nataxala', ỹachegoxotchigui som hua'au la'aqtaxanaxanecpi, co'ollaq ye Jerusalén ñaq huetaigui da nlagaxayec, qataq nlaqchigui na shiỹaxauapi, qataq nataqa'en na laỹepi nỹecpi maye coleesop yemaye, qataq na 'alhuapi ye Néguev, qataq ye nalochiguiñi 'alhua, maye pa'aigue da nala' lliguiñi?

Deuteronómio 4:40

Ỹoqo'oye qaualaqaiguet qome na lqataxacpi, qataq na lamaxasoxonaxacpi maye qami' sanema nagui, yaqto' qaica ca da, da qanachaalataxaqui, qataq ca qami' chegoxogueta, qataq logoraic da qanachaalataxaqui da qoñiitalec yi'iye 'alhua maye qami' ỹanema qome Ñim Nataxala' maye Qanatamnaxala'ai.

Deuteronómio 13:5

Qaq que'eca na'aqtaxanaxanec, huo'otaq choxonaxaic, camaye iuen da qaỹalauat souaxat da huotaique da sa qaualaqaiguet naqa'en Ñim Nataxala' maye Qanatamnaxala'ai, Ñim qami' nqateeguesopa co'ollaxa da qanlataguiiqui ye Egipto. Qaq 'era qome da 'eetec da imeuo qanqa'eñi 'enauac ca qauem maye qami' huetanguilo. Cha'aye que'eca na'aqtaxanaxanec huotaique da qoquiỹa'ai da lataxac da ñecỹaxac maye qami' ỹamaxaleguete Ñimaye.

Da na'aqtaguec so Job 36:11

Qaq da ỹalaq qataq do'onataxanot Ñimaye, nache huo'o da ntonaxac qataq machiguiñi, 'enauaque naua na'axa'te da nachaalataxac.

Salmos 119:3

Cam saishet da ỹo'ot ca qauem, nacherata da quetegue da nqa'aicỹaxac Ñim Nataxala'.

Jeremías 22:21

Aỹem 'am setaqtecot co'ollaq qouetaigui da qaica ca 'auena'a, qalaxaye 'am saishet da Aỹem 'ana'axaỹaxana. Qaq nache qoneta'ac de'era chegoqta'a co'ollaq saxanaxa da 'am ỹe, da saishet da Aỹem 'aualaxaguet!

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.