Jeremías 7:22 - La'aqtaqa Ñim Lo'onatac 'Enauacna 2013

²² Qalaxaye co'ollaq ñeqateeguesop ye Egipto som hua'au qarta'ailpi, qaq saishet da huo'o ca ỹa'aqtac, qataq ỹamaxasoxonaxac da qaỹauo'o aca nachetaqtaxanaqte maye qaỹavigaxatta qataq ca lỹa nachetaqtaxanaxat.

Jeremías 7:22 Referans Kwoze

Oseas 6:6

Cha'aye aỹem ñeshetaique da aỹem qauauochec, qaq saishet da nachena nam qarachetaqtaxanaxache da ñeshetaique da aỹem qandoitapegueua'a. Qataq ñeshetaique da aỹem qauauattoñi da aỹem Qanatamnaxala'ai, qaq saishet da choche aỹem qaỹa'añeetacot anam nachetaqtaxanaqte qaỹavigaxatta.

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

Mateo 9:13

'Onaxaic da qoqui, nache qanpogoxoiñiỹapegue' da qauchemaxache cam ỹoqta 'eetapeguec Ñim Lo'onatac 'Enauacna co'ollaq nasaxauec de'era la'aqtac, 'eeta': «Aỹem ñeshetaique da qami' qauchoxoyiñi na shiỹaxauapi, qaq saishet da nachera da Aỹem qandoiua'a aca qarachetaqtaxanaqche.» Cha'aye Aỹem ñanac da seỹaxana nam 'etaxaloxoicpi, da yaqto' sauo'o ỹapaxaguenatacpi, qaq saishet da nachena nam 'eetega da no'on da lataxac.

Salmos 40:6

Cha'aye 'am saishet da 'auamaateguet na nachetaqtaxanaxatpi, qataq ana nachetaqtaxanaqte ala na nañiguishec, qalaxaye 'am aỹem 'aua'axaỹaqchetec da saishet da 'auỹaxanaique ca nachetaqtaxanaxat qaỹavigaxatta, qataq aca nachetaqtaxanaqte da qaỹapalaxat ca nasouaxashet.

Marcos 12:33

Qataq iuen da sauotaxac Ñimaye, imauec da qarquiyaqteỹaxac, qataq sauotaxac na qarqaỹañicpi, 'eeta'am da 'eetec da qarauotaxanaqtaic da maiche qanachaalataxac. Qaq ne'enaua namaxasoxonaxaco ỹataqta qaica ca 'ena'ama da la'amaqche'c, saq 'ena'am da qaỹalaxaguet nam maiche lapaxañipi na shiỹaxauapi.

Deuteronómio 17:3

da ca'ata ca laỹe atamnaxala'pi da ỹa'aroto naua l-llecte da natamnot, huo'otaq añi nala', ca'agoxoic, huaqaañipi, maye neto'ot na piguem maye saishet da damaxasoxoolec Ñim Nataxala'.

Jeremías 32:30

Qaq nache 'eetai' naxa da chegoqta'ague nam nhuo' Israel, qataq na Judá, da ỹo'ottac naxa nam saishet da saỹamaxarenpi. Na Israel le'ecpi, saishet da ỹaxaañi da aỹem inogoqchettac, souaxat na atamnaxala'pi maye maiche lo'onatac namayepi. Qaq 'era da ỹa'aqtac Aỹem Nataxala'.