Jeremías 7:2 - La'aqtaqa Ñim Lo'onatac 'Enauacna 2013

² «Qonaña qome ye ñegueuo añi atamnaxaqui maye lalamaqte Ñim Nataxala', qaq nache huaña yemaye da 'aua'axat de'era na'aqtac, qoneta': 'Enauac qami' maye qoviita'a na Judá maye qananaiteua'a naxa ne'ena lasom da qavio'oxoyeñi Ñim Nataxala', ñaq qana'axaỹaxañiỹa dam la'aqtac

Jeremías 7:2 Referans Kwoze

Jeremías 26:2

nache 'eeta': «'Anachaañi qome, qoua'a ye nqasoxoc añi atamnaxaqui nache 'aua'axat 'enauac nam 'am samaxalecpi da 'aua'aqtaxanem na shiỹaxauapi maye chegaqa'a nam huaqta'a't nỹecpi maye ỹotta'a't naua nañalo ye Judá, da naỹa añi atamnaxaqui da yo'oxonnataxan, nache qaica qome ca sa 'aua'axat.

Apocalipsis 3:22

Da huo'oi naua qartelai lauacolli', qaq no'on da qana'axaỹaxañiỹa da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi.

Amós 7:16

Qaq ỹoqo'oye nagui 'ana'axaỹaxana da la'aqtac Ñim Nataxala', cha'aye 'am qonapec: ‹Saishet da 'aua'axata'a ca qauem da talec na Israel le'ecpi, qataq da 'auataỹa'aguet na chegoxoguetpi so Isaac.›

Isaías 1:10

Qami' nataxala'pi ye Sodoma ña qana'axaỹaxañiỹa da la'aqtac Ñim Nataxala', qami' nhuo' le'ecpi maye qarmaye ye Gomorra ñaq qana'axaỹaxañiichigui da qami' ỹapaxagueneque Ñim Qanatamnaxala'.

Miqueas 1:2

Ñaq qana'axaỹaxañiỹa de'era, 'enauac qami' nhuo' le'ecpi, qataq 'enauac qami' shiỹaxauapi maye qoñeetalec ne'ena 'alhua, Ñim Nataxala', maye netaña añi lalamaqte qui'itta atamnaxaqui, nacheñi ñim da'aqtaxan qome da qami' dataỹa'agueta.

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Jeremías 44:24

Qaq so Jeremías, nataqa'en 'enapega 'enauac so shiỹaxauapi, qataq 'enauac so 'alpi, 'eeta': Ñaq qana'axaỹaxañiỹa dam la'aqtac Ñim Nataxala', 'enauac qami' Judá le'ecpi maye qoñiitaña na Egipto.

Jeremías 36:10

Nache so Baruc nqo'oneua'a so nqasoxoc lta'araic aso atamnaxaqui, nache ñichiguiña so Dalaxaic Lasom, qataq naloteuga so lo'onataxanaxaqui so Gemarías som llalec so Safán, nache so Baruc itaxaỹaxan aso nere maye huetalec na la'aqtacpi so Jeremías, hua'aqchigui naqa'en 'enauac so shiỹaxauapi.

Jeremías 36:6

Qaq ỹoqo'oye 'am 'anqo'oneua'a qome añi atamnaxaqui qom nvireuo cam na'a'q maye huaigui ca qouaqchetaxac, nache 'autaxaỹaxan qome ana'ana nere maye huetalec nam 'ereguishecpi maye 'am saxatem, yaqto' na nhuo' le'ecpi qataq 'enauac nam hueta'a na huaqta'a't nỹecpi maye ỹotta'a't naua nañalo na Judá maye nvita ne'ena, na'axaỹaxana qome da la'aqtaxanaxac Ñim Nataxala'.

Jeremías 34:4

Qalaxaye na'aictaxa de'era 'am Sedequías maye 'am nta'a na Judá, ñaq 'ana'axaỹaxana da ỹa'aqtac, Aỹem Nataxala' 'am saxatem da saishet da 'am qairolec qome ca ỹeelonec da 'am qaỹalauat.

Jeremías 19:14

Qaq co'ollaq ime de'era, nache so Jeremías ca'ai ye Tófet, maye Ñim Nataxala' ỹamaxa co'ollaxa da ỹa'axat da le'enaxat Ñimaye, nache co'ollaq ivita so nqasoxoc aso atamnaxaqui, nache nachaañi da da'aqtaxanem 'enauac so nhuo' le'ecpi, 'eeta':

Jeremías 10:1

Ñaq qana'axaỹaxañiỹa qami' nhuo' Israel, dam la'aqtac Ñim Nataxala' maye qami' ỹanema.

Jeremías 2:4

Ñaq qana'axaỹaxañiỹa da la'aqtac Ñim Nataxala', qami' maye qauachegoqoiguet so Jacob, qataq 'enauac qami' nhuo' le'ecpi maye qauachegoqoiguet so Israel.

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

Apocalipsis 3:13

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a Na'añaxac Qui'itta da 'enapega na 'amqaanataxanaxaicpi.›»

Apocalipsis 3:6

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a Na'añaxac Qui'itta da 'enapega na 'amqaanataxanaxaicpi.›»

Apocalipsis 2:29

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi.›»

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Hechos 5:42

Nache 'enauaque naua na'axa'te da soomaye queto'oto da dapaxaguenataxaata'ape qataq ỹa'axattrac da So Jesús Lca'aguishec Ñim Lo'onatac 'Enauacna, huaña aso no'onaxanaxaqui late'erai, qataq naua nma'ate.

Hechos 5:20

–Qanqo'oñiỹa añi no'onaxanaxaqui late'erai. Huaña, nache qaua'aqtaxañim 'enauac na shiỹaxauapi dam na'aqtaxanaxac maye chegaqaigui da nca'alaxa.

Juan 18:20

Nache So Jesús 'enapeco': –Aỹem ỹataqta ñachaxaata naxa 'enauac nam shiỹaxauapi da setaqtac, qataq saq ỹet da huaigui ana napaxaguenaxaquipi na judiopi da sapaxaguenataxaatac qataq añim no'onaxanaxaqui late'erai maye huaña naxa da lapona't 'enauac na judiopi. Qaq Aỹem saishet da huo'o ca ỹa'aqtac soxottañi.

Mateo 13:9

¡Qaq qami' da ỹoqta 'eesa da huo'oi naua qartelai lauacolli', nache no'on da qana'axaỹaxañi!»

Miqueas 3:9

Qaq nagui, ñaq qana'axaỹaxañiỹa de'era na'aqtac, qami' lta'alpi qataq lataxala'pi na Israel le'ecpi, qami' maye qauqaiquiỹa da nalochiguiñi lataxac, qataq qauashaxañeeuec da no'on lataxac,

Miqueas 3:1

Qaq ime, nache sheeta': Ña qana'axaỹaxañi nagui qami' lataxala'pi qataq lta'alpi na Israel le'ecpi, cha'aye nache qami' maye iuen da qauaỹachiñi dam no'on lataxac.

Salmos 122:2

Qomi' mashe souaqta'a na 'anasom, 'am Jerusalén.

Jeremías 2:2

«Qojec qome, nache 'aua'aqtaxanem na hueta'a ye Jerusalén, qoneta': Da la'aqtac Ñim Nataxala' 'eeta': ‹Aỹem seuennate 'am, qataq da 'aralaxayec co'ollaq saxanaxa da 'am ỹe, qataq da 'arauotaxanaqtaic maye 'eeta'am aca auonaxaua co'ollaq aỹem 'auca'attague' da qoquetalec ye toolec 'alhua qataq yem 'alhua maye qaica ca ñaxaalec›»,

Jeremías 7:1

Ñim Nataxala' detaxaỹot so Jeremías, nache 'eeta':

Jeremías 11:6

Qaq huaña nache Ñim Nataxala' aỹem 'enapega 'eeta': 'Aua'axat de'era na'aqtac da huaña nam huaqta'a't nỹecpi maye ỹotta'a't naua nañalo ye Judá, qataq naua nqa'aico ye Jerusalén. Qonapega na shiỹaxauapi, qoneta': «Ñaq qana'axaỹaxañiỹalo naua na'aqtaqa maye huetaiguilo de'era aỹamaxataxac, qaq ime nache qaualaqaileguete.

Ezequiel 37:1

Ñim Nataxala' aỹem ỹashel-lec, nache so Saqcha'a La'añaxac aỹem ỹauec, nache aỹem ỹanangui so laiñi so ca'amegue maye nlaqchigui na npi'inecpi.

Jeremías 28:5

Nache so na'aqtaxanaxanec Jeremías, ỹasateguet so na'aqtaxanaxanec Jananías, ỹauaachigui naqa'en so ntaxaỹaxanaxanecpi qataq 'enauac so nhuo' le'ecpi, maye hueta'a aso atamnaxaqui, 'eeta':