Jeremías 7:17 - La'aqtaqa Ñim Lo'onatac 'Enauacna 2013

¹⁷ ¿Peta'a sa 'aula'a nam ỹo'ottac namayepi, da huaña nam huaqta'a't nỹecpi maye ỹotta'a't naua nañalo ye Judá, qataq na nqa'aicpi na Jerusalén?

Jeremías 7:17 Referans Kwoze

Ezequiel 14:23

Qami' qauamaichiguiñi qom qauloỹa'a da lataxac caamaye qataq na ỹo'otpi. Qaq huaña nache qauaỹachiñi da saishet da choche sauo'o da nhuaxanaguec ye Jerusalén. Qaq 'era da ỹa'aqtac Aỹem Nataxala'.»

Jeremías 6:27

Ñim Nataxala' aỹem 'enapega, 'eeta': «'Am sepataxalec da 'avi'iguen na ỹalamaxat nhuo' le'ecpi. Qataq 'aumeteeta da yaqto' 'auaỹateeta cam lataxac namayepi.»

Jeremías 7:16

«'Am Jeremías, saishet qome da 'anatameelec ne'ena nhuo' le'ecpi, qataq saishet da aỹem 'anachoxoreetacot, qataq da aỹem 'auỹaxaatacot da 'auỹaxaateguelec namayepi, qataq saishet da Aỹem 'avi'eguelaqto'ot, cha'aye Aỹem saishet da 'am sa'axaỹa qome.

Jeremías 7:18

Na ñalaqpi qalaq laỹona't na 'epaq maye nle' lashec, qaq na lta'alpi qalaq ỹe'eraxatoigui na norec, qaq na 'alpi qalaq ỹo'ot na ldaqnec da yaqto' ỹo'ot ana lauole, nache ỹanot añi atamnaxalate, maye le'enaxat Nate'e maye neto'ot na Piguem. Nache aỹem inogoqchet namayepi, cha'aye nataqa'en ỹanot na lataxa nam atamnaxala'pi maye ỹaqa'a.

Jeremías 44:6

Qaq ỹoqo'oye 'eroigui da ỹalemataic, qataq da ỹayeloxo, nache nalaqaasheguem 'eeta'am ca norec da ỹavigaxat so huaqta'a't nỹecpi maye ỹotta'a't naua nañalo ye Judá, qataq so nqa'aicpi ye Jerusalén. Nache ỹataqta nlachiguiñi qataq toolec choche ivitta'a nagui.›

Jeremías 1:16

Qaq 'era da nhuaxanaguec maye saneguet qome nam 'etaxaloxoicpi maye aỹem ca'ai co'ollaxa, maye ỹavigaxat naxa na lchenaxanaxat da ỹo'oxoreetac na chegaqauec atamnaxala'pi maye namayepi maiche lo'onatacpi.

Jeremías 32:29

Na caldeopi maye iloquiaxan ne'ena huaqta'a't nỹecpi, taigui qome namaye nache ỹe'egueua'a, l-llañe' qome na nỹecpi maye hualec naxa na pa'asheguem da qaỹavigaxat na nchenaxanaxat da qoỹanot so Baal, qataq huaña naxa da qoỹanot na lataxa nam ỹaqa'a atamnaxala'pi da Aỹem qainogoqchet.

Jeremías 32:32

souaxat 'enauac nam qauem ỹo'otpi na nhuo' Israel qataq na Judá maye Aỹem inogoqchet, nataqa'en nam lta'alpi, qataq na lataxala'pi qataq na ltaxaỹaxanaxanecpi qataq na la'aqtaxanaxanecpi qataq 'enauac nam netaña na Judá qataq na Jerusalén.

Jeremías 44:4

Qaq ỹataqta she'eguelaqtalec da samaq naxa som ỹamaxashecpi maye ỹa'aqtaxanaxanecpi da yaqto' qami' 'enapegalo da saishet da qauo'oche de'era maye seqaiga.

Jeremías 44:17

Nacherata da nache qolaqto'ot da so'otaqtac dam mashe qarhuennataxac co'ollaxa da so'otaq. Nache qolaqto'ot da sanaqtacot na qarchenaxanaxat maye ama na laita, qataq na qarachetaqtaxanaxat lataxa añi atamnaxalate maye le'enaxat Nate'e na Piguem, dam ñanaguenaqto'ot da so'otaqtac choche ivitta'a nagui, qataq ỹo'ottac co'ollaxa nataqa'en so qarta'alpi, qataq so nta'alpi qataq so nataxala'pi, ye huaqta'a't nỹecpi maye ỹotta'a't naua nañalo ye Judá, qataq da huaña na nqa'aicpi ye Jerusalén. Cha'aye co'ollaq so'otaqtac de'era, nache qaica ca seuenaqtaique nam qonoq, qataq qaica camachaqca, qataq saishet da qomi' taleguete ca qauem,