Jeremías 7:16 - La'aqtaqa Ñim Lo'onatac 'Enauacna 2013

¹⁶ «'Am Jeremías, saishet qome da 'anatameelec ne'ena nhuo' le'ecpi, qataq saishet da aỹem 'anachoxoreetacot, qataq da aỹem 'auỹaxaatacot da 'auỹaxaateguelec namayepi, qataq saishet da Aỹem 'avi'eguelaqto'ot, cha'aye Aỹem saishet da 'am sa'axaỹa qome.

Jeremías 7:16 Referans Kwoze

Jeremías 11:14

Qaq ỹoqo'oye 'am Jeremías, saishet qome da 'anatamen da 'auỹaxaalec ne'ena nhuo' le'ecpi, qataq saishet da aỹem 'aỹa'anot ca 'anatamnaxac qataq ca 'anachoxonnaxac da talec namayepi, cha'aye Aỹem saishet qome da sa'axaỹa namayepi da Aỹem iỹaxanot da setauan, qom mashe huetaigui que'eca qauem.

Jeremías 15:1

Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.

Éxodo 32:10

¡Qaq nagui, nache Aỹem 'aua'aqta'a, ten mashe 'eroigui da ỹalemataic, nache ñematchiguiñi qome yemayepi! Qaq 'am, qalaxaye 'am sachegoxotchigui qome ca qalota shiỹaxauapi.»

Jeremías 18:20

¿Peta'a iuen da qaisheetenaxana ca qauem da qaisheeten ca no'on? ¡Namayepi co'ollaxa nshe' añi ñeuachiqui! Ña 'auennata'a da 'am sataỹa'aguet co'ollaxa da setaqteguelec namayepi da yaqto' 'anqateeguesop namayepi da 'aralemataic.

Isaías 1:15

Qami' naxa da qaỹa'añeetrasheguem naua qarhuaxayilli' da qanatamñi, nache Aỹem ỹaqa'a da samata'ague, qaq na'aictaxa da ỹaguec da qanatamnaxaqui, qalaxaye Aỹem saishet da qami' sa'axaỹalo, cha'aye naua qarhuaxayilli' ỹataqta nlaqchiguilo na ntago'q.

1 Juan 5:16

Da huo'otaq huo'o ca ỹauaachigui ca la'amqaanataxanaxaua da huo'o ca ỹo'ot lasouaxashet maye saishet da taỹa'a naqa'en da nleuaxa, qaq no'on da nqouagaxaueetalec camaye da yaqto' Ñim Lo'onatac 'Enauacna ỹami' ca lca'alaxa. Qalaxaye nache qoỹeetec de'era da qaỹaỹaten da ca nasouaxashet saishet da taỹa'a da nleuaxa. Cha'aye huo'o na nasouaxashetpi da dauegaqtaxana da nleuaxa. Qaq aỹem ñeshetaique da qami' shenapegalo da saishet da qanqouagaxauñiilec cam ỹo'ot de'era.

Miqueas 3:4

Qaq huo'o qome ca na'a'q da qauỹaxañiitega Ñim Nataxala', qalaxaye ñimaye saishet qome da qami' ỹasategueta, nacherata da que'eca na'a'q ñimaye qami' nqañoxotaisopa, souaxat nam qauemsat maye qauo'oche.

Deuteronómio 9:14

Qaq aỹem 'aua'aqta'a qome da selaxachigui qataq ỹataqta pal ñaqa'en da le'enaxat yemayepi ana'ana 'alhua. Qalaxaye 'am sachegoxotchigui qome ca qalota ỹotta'a't shiỹaxauapi, 'añaxaicpi qataq napacalec ye lcata yemayepi.›

2 Samuel 8:18

Qaq so Benaías, som llalec so Joyadá, ilotague' co'ollaxa so huataxanaqpi quereteopi qataq peleteopi. Qaq so llalaqpi so David nacheso so ntaxaỹaxanaxanecpi.

Jeremías 7:17

¿Peta'a sa 'aula'a nam ỹo'ottac namayepi, da huaña nam huaqta'a't nỹecpi maye ỹotta'a't naua nañalo ye Judá, qataq na nqa'aicpi na Jerusalén?

Jeremías 15:6

'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.

Jeremías 4:28

Ana 'alhua nlaxagui qome da naquicoxo, na piguem qalaq ỹapolec qome na napalaxa. Mashe san da ỹa'aqtac qaq saishet qome da ñaralaxat, damaye mashe iuennataxac qaq saishet qome da huo'o da ñetogotaxac.