Jeremías 7:12 - La'aqtaqa Ñim Lo'onatac 'Enauacna 2013

¹² Qanqo'oñiỹa qome ye atamnaqa' maye naña ye Siló, yem hua'auchiguiñi lleca'aguishec da yaqto' ỹanataqa', nache qaumichiñi dam so'otec co'ollaxa yemaye souaxat nam qauem maye ỹo'ot nam ỹalamaxat nhuo' Israel le'ecpi.

Jeremías 7:12 Referans Kwoze

Jeremías 26:6

huaña qome nache ana'ana atamnaxaqui so'otec dam 'eeta'am co'ollaxa aso naña ye Siló. Qataq so'otec qome ne'ena huaqta'a't nỹecpi da naloqnaxanaxat da huo'o ca qauem ca qaỹasaxalec, 'enauac na ỹotta'a't shiỹaxauapi ana 'alhua.›»

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

1 Samuel 4:22

Nache nlamaxaren da 'enapec: Na Israel le'ecpi mashe qaica so llo'oxoyec, cha'aye mashe qaiuotaxanec aso laỹe' da naỹamaxataxac Ñim Lo'onatac 'Enauacna.

Jueces 18:31

Qaq somayepi nache neto'ot se'eso nqolac maye lo'onatac co'ollaxa so Micaía, maye netaigui co'ollaxa aso atamnaxaqui maye lalamaqte Ñim Nataxala' maye naña ye Silo.

1 Samuel 1:3

Qaq 'enauaque naxa soua vi'iye da so Elcana ca'ai naxa ye lma', nache taỹa ye Silo da yaqto' huaña yemaye da ỹo'oxoren, qataq ỹanot ana lachetaqtaxanaqte Ñim Nataxala' maye Qaica ca Ỹaqalanapec. Qaq yemaye nache netraña soua dos llalqa so ntaxaỹaxanaxanec Elí, som le'enaxat Jofní qataq so Finés, qaq soomaye nataqa'en ntaxaỹaxanaxanaqa da qaitaxaỹapegue' Ñim Nataxala'.

Deuteronómio 12:11

Nache cam nanataqa' maye lca'ateua'a Ñim Nataxala' da yaqto' huaña da qanauane' Ñimaye, nacheca qome ca qaroiua'a 'enauac na qami' samaxaleguete: nachetaqtaxanaxat qaỹavigaxatta, nachetaqtaxanaxat shiguiỹac, qataq ana diezmopi, qataq aca nachetaqtaxanaqte maye chegaqaigui da qaro'onataxanaxaqui, qataq aca qauachaxañiỹapec da qaỹa'añiỹot Ñim Nataxala'.

Deuteronómio 12:5

qaq cha'aye cam nanataqa' maye lca'ateua'a qome Ñim Nataxala' da yaqto' huaña da qanauane' Ñimaye, da ỹalectaigui na maiche nhuo' le'ecpi. Qaq nacheca ca qanmichiỹaique da huaña da qatamñiỹot Ñimaye.

Josué 18:10

Nache so Josué, icolaxatapigui se'eso 'alhuapi da yaqto' ỹanoigui so Israel le'ecpi huaña ye Silo, qataq ỹauaachigui naqa'en Ñim Nataxala' da qanallichigui somaye.

Jeremías 7:14

Qaq ỹoqo'oye dam so'otec co'ollaxa so atamnaqa' maye huaña ye Siló, qaq nache sheetec nataqa'en qome añi atamnaxaqui maye aỹem qoỹanot co'ollaxa, añim qami' sanema co'ollaxa qataq som hua'au qarta'ailpi, añim qaupi'iitega naxa.

1 Reyes 9:7

nache Aỹem, ñeqateeguesop qome na Israel le'ecpi ne'ena 'alhua maye sanem co'ollaxa. Qaq ana'ana atamnaxaqui maye seỹotauga co'ollaxa da yaqto' hueta'a da ỹe'enaxat, qalaq sheca'ai qome, huaña nache na ỹotta'a't shiỹaxauapi ne'eetapigui qome na Israel le'ecpi.