Jeremías 7:10 - La'aqtaqa Ñim Lo'onatac 'Enauacna 2013

¹⁰ qaq ime naxa nache qauanaiua'a ana atamnaxaqui maye aỹem qoỹanot co'ollaxa, da yaqto' aỹem qanachaachiỹot. Qaupi'itaxañiitega da qanviyeeua'a ne'ena nache qanca'alleeuec, qataq qaupi'itaxañiitega da ishet da nache qoquiito'ot da qauo'ocheetac ne'ena lataxacpi maye saishet da sesheteguet.

Jeremías 7:10 Referans Kwoze

Jeremías 32:34

Qataq ivitta'a da nshepaxanaqchet añi atamnaxaqui maye Aỹem qoỹanot co'ollaxa, souaxat da ỹanaigui añimaye na atamnaxala'pi maye seqaiga.

Ezequiel 23:39

Qaq nacheso se'eso na'a'q co'ollaq ỹavigaxat so llalaqpi da ỹo'oxoren so lqolacpi, nache naua'a añi qui'itta atamnaxaqui maye ỹalamaqte, nache ishepaxanaqchet. ¡Qaq 'era dam ỹo'ot co'ollaq huaña ñim ỹalamaxat ima'!

Ezequiel 23:37

Soomaye saishet da Aỹem ỹalaxareguet, qataq huaguilo naua lhuaxaye na ntago'q. Soomaye Aỹem saỹalaxareguet nache ỹo'oxoreetrac so lqolacpi, qataq souaxat da llo'oxonnataxanaxac somayepi, nache ỹaneuo da qaỹavigaxat so lalamaxat llalaqpi maye sanema co'ollaxa soomaye.

Jeremías 34:15

Qaq nagui qalaq qami' qanaralaxache da qarataxaqui nache qauo'oche dam aỹem saỹamaxareeta, da qa'axañeeuec na maiche qarhuo'oi le'ecpi maye qarlataqui. Qataq qauauo'oi so qanaỹamaxataxaqui, maye sauaachigui qanqa'eñi huaña añi atamnaxaqui maye ỹalamaqte.

Jeremías 7:30

Ñim Nataxala', 'enapec: «Na shiỹaxauapi na Judá, huo'o dam ỹo'ot maye sa saỹamaxaren, namayepi ỹanaigui añi atamnaxaqui maye aỹem qoỹanot co'ollaxa nam nqaigaxat atamnaxala'pi, nache nshepaxanaqchet.

Jeremías 7:14

Qaq ỹoqo'oye dam so'otec co'ollaxa so atamnaqa' maye huaña ye Siló, qaq nache sheetec nataqa'en qome añi atamnaxaqui maye aỹem qoỹanot co'ollaxa, añim qami' sanema co'ollaxa qataq som hua'au qarta'ailpi, añim qaupi'iitega naxa.

Jeremías 7:11

¿Qaq, qaupicheetega peta'a, da ana'ana atamnaxaqui maye Aỹem qoỹanot co'ollaxa da lma' na cachaxaicpi? Aỹem sauaachigui 'enauac de'era. Qaq 'era da ỹa'aqtac Aỹem Nataxala'.

Juan 18:28

Nache qaỹauec So Jesús, qaỹachegoxotchiguiña so lma' so Caifás da qaỹauega so lma' so nta'a Pilato. Qaq mashe yaqta'a co'ollaxa da yo'oxoñi, qaq nam judiopi saishet co'ollaxa da pa'aua'a so nqasoxoc so nta'a, cha'aye ivittaique da nshepaxan da nachaalataxac. Cha'aye da nache 'eetec de'era, nache saishet da dequi'iỹapegueua'a na nallec se'eso na'a'q maye le'enaxat Lapascua.

Juan 13:18

Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Ezequiel 23:29

Qaq yemayepi 'am nquiỹa qome, nache ỹauo'o lalamaxat nam chegaqaigui co'ollaxa da 'aro'onataxanaxac, qataq ivitta'a da ỹataqta qouetauec naqa'en, nache imauec da yo'oqta da 'aro'ocỹaxac maye 'aỹa'aneguet co'ollaxa da quisheguetaxac. Dam 'arataxac maye maiche 'ananoiqueetac naxa da huo'o ye 'auo'ot, qataq da 'arquisheguetaxac,

Ezequiel 20:39

Qami' nhuo' Israel le'ecpi, da la'aqtac Ñim Nataxala', 'eeta': Qoquiito'ot qome da qavio'oxoyeñeetac na qarqolaquipi. Qalaxaye qom ime, nache qami' Aỹem qaualaqaiguet qome, nache saishet da qaltaq nshepaxan qanqa'eñi da qui'itta ỹe'enaxat da qauo'ocheetac ana qarachetaqtaxanaqchepi da qavio'oxoyeñeetac na nqolacpi.

Isaías 48:2

qataq qoñiitega naxa da qarma'ai na qui'itta huaqta'a't nỹecpi, qataq qaua'amaqchiñiitac ñim Natamnaxala' so Israel, maye le'enaxat Nataxala' Qaica ca Ỹaqalanapec.

2 Crónicas 33:7

Nataqa'en ỹanaigui aso atamnaxaqui maye lalamaqte Ñim Nataxala' so le'enaqtac nqolac, maye Ñim Nataxala' mashe hueqattega co'ollaxa so David, qataq so llalec Salomón, co'ollaq 'eeta': Ana'ana atamnaxaqui maye naña na Jerusalén, maye lleca'aguishe co'ollaq lleca'agui 'enauac nam maiche nalamaxat nhuo' Israel le'ecpi, anamaye nache 'eetai' qome da hueta'a da ỹe'enaxat.

2 Crónicas 33:4

qataq no'oxoosheguem aso nca'atoxonaxalatepi ỹanaña aso atamnaxaqui maye lalamaqte Ñim Nataxala', maye detaqtega co'ollaxa Ñim Nataxala' co'ollaq 'eeta': «Ne'ena Jerusalén, nache 'eetai' qome da hueta'a da ỹe'enaxat.»

2 Reyes 21:4

qataq no'oxoosheguem aso nca'atoxonaxalatepi aso atamnaxaqui maye lalamaqte Ñim Nataxala', maye co'ollaq detaqtega Ñim Nataxala' nache, 'eeta': «Ne'ena Jerusalén, nachena qome nam hueta'a da ỹe'enaxat.»

Ezequiel 33:31

Qaq 'era da 'eetec naxa na ỹalamaxat nhuo' le'ecpi, da anac nache nso'ooñi 'am datato'ot da na'axaỹaxanalo naua 'ara'aqtaqa, qalaxaye saishet da ỹo'o't. Nacherata da ỹe'eguelaxattaleguete 'eeta'am naqa'en ca no'onec maye huetaigui da nauotaxanaqtaic, qalaxaye da lquiyaqteỹaxac quetague' da lauotaxanaqtaic ana anom plata.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Jeremías 44:9

¿Peta'a mashe qaucouaỹa'ai 'enauac nam qauempi maye ỹo'ot co'ollaxa so hua'au qarta'ailpi, qataq nam qauempi maye ỹo'ot so nta'alpi qataq aso lhuapi ye Judá, qataq nam qauempi maye qami' qataq ana qarhuaipi, qauo'oche co'ollaq huaña ye 'alhua Judá, qataq na nqa'aicpi ye Jerusalén?

Ezequiel 33:25

Qaq ỹoqo'oye qonapega qome namayepi, qoneta': Da la'aqtac Ñim Nataxala', 'eeta': Qami' qollequiitac na lapat maye ñaqauo'o na ltago'q, qataq qavio'oxoyiñiitac na nqolacpi, qataq qaualaataxañi, qalaq ¿qaupicheetega peta'a da ishet da qaralamaxache ne'ena 'alhua?

Daniel 9:18

'Am Ñatamnaxala' ñaq aỹem 'auqocha'a, qataq aỹem 'ana'axaỹaxana, ñaq 'aulochigui da qanlaqtaguec, qataq da nlaqtaguec yem huaqta'a't nỹecpi yem huaña naxa da qaiỹaxana da 'are'enaxat. Saishet da so'otaq da qarỹaxanaxac da sepia'aqtalec ca no'on qarataxac, maye nacherata dam lta'araic 'archoxonnataxanaxa.

Oseas 6:9

Qaq so nqa'aic maye taỹa'a ye Siquén, qalaq hueta'a na ntaxaỹaxanaxanecpi maye 'eeta'am nam cachaxaicpi da nauaata'aguet na shiỹaxauapi, qaq huaña da decache qataq da dalaataxan.

Amós 4:5

Qataq qauavigaxache aca nauole 'ayiiña maye qaica ca lalegue, da qarachetaqtaxanaqche da qaỹa'añi da qana'achecỹaxaqui, qataq qaua'axacheeuec anam qarachetaqtaxanaqche maye maiche qami' chegoqchiguilo da qaỹa'añeeuo, cha'aye nachera da ỹataqta qanqopichiỹa da qauo'oche qami' Israel le'ecpi. Qaq 'era da la'aqtac Ñim Nataxala'.

Sofonías 1:5

Qataq selaxachigui nam tasheguema naxa na l-laq na lma' da natamnot ana huaqaañipi, qataq nam ỹa'attrañi naxa naua l-llecte da ỹo'oxoreetac da ỹe'enaxat, qataq dam le'enaxat som atamnaxala' Milcón.

Malaquías 3:15

Qomi' sauanaqchigui, da nam ño'oxonnaxaicpi ỹataqta matapiguiñi, qataq na 'etaxaloxoicpi ỹataqta nquictauec nam hueto'otpi, qataq ỹe'eguen naxa Ñim Lo'onatac 'Enauacna, qalaq saishet da talec ca nhuaxanaguec.

1 Reyes 9:3

nache 'eeta': «Aỹem, sa'aqchigui so 'anqouagaxaunaxac qataq so 'anachoxonnaxac. Qaq ana'ana atamnaxaqui maye 'ano'oxoosheguem, anamaye seỹotauga da yaqto' nache hueta'a qome da ỹe'enaxat, qataq nache 'eetai'salo naua na'axa'te da huetalec da imeenaxanaxac, qataq da iquiyaqteỹaxac.

Ezequiel 5:11

Aỹem Nataxala', maiche ñañan da san da ỹa'aqtac: Qaq cha'aye qami' qanshepaxanaqchichi añi qui'itta ỹalamaqte atamnaxaqui souaxat da qaỹa'añiỹaigui na nqolacpi maye nshepaxan, qataq nam qauem maye qauo'oche, qaq nataqa'en Aỹem qami' sa sechoxonnai'salo da qami' selaxachiguilo, nache saishet da qami' sechoxoreeta'ape.