Jeremías 6:8 - La'aqtaqa Ñim Lo'onatac 'Enauacna 2013

⁸ 'Anaralaxat da 'arataxac 'am Jerusalén, cha'aye da saishet da qonetec de'era, nache salemata nache 'am sheca'ai, Qataq so'ot da 'am toolec, nache qaica ñaqa'en ca netalec 'am.»

Jeremías 6:8 Referans Kwoze

Oseas 9:12

Qaq na'aictaxa da ishet da ỹaqchet cam llalaqpi, qalaxaye Aỹem ñeqat qome da nachaalataxac, nache qaica ca ño'onaxatañi. Qaq choxoraxaso' qom sheca'ai ne'ena shiỹaxauapi.

Ezequiel 23:18

Qaq asomaye ye ỹataqta ỹaatec naqa'en da lquisheguetaxac, qataq huetauec da ỹachaxan da lo'ocỹaxac, nache ivitta'a da seqaiga asomaye, 'eeta'am da 'eetec co'ollaq seqaiga aso lqaỹa.

Jeremías 17:23

Qalaxaye somayepi saishet co'ollaxa da Aỹem qocha'a qataq saishet da Aỹem ỹalaxaguet, nacherata da queto'ot da sana'axaỹaxan, qataq saishet da ỹalaq da qanqanaxattac.

Sofonías 3:7

Nache da iuennataxac, 'eeta': ‹Da sheetec de'era nache ye Jerusalén Aỹem ñi'iỹa qome, nache ỹaconeguet qome da sapaxaguen; yaqto' saishet da dolagui na lma'pi, cha'aye souaxat da Aỹem sauo'o da nhuaxanaguec.› Qalaxaye namayepi ỹataqta iỹala'a co'ollaxa da ỹo'ot na ỹotta'a't qauemsat.

Jeremías 32:33

Aỹem iro'oguet na l-laq, nache saishet da Aỹem datateguet. Qaq na'aictaxa da saishet da saxanec da sapaxagueetac, namayepi saishet da Aỹem ỹalaxaguet qataq saishet da ỹaconeguet da ihuogoqtaxanaxac.

Salmos 50:17

Ye 'am sa 'auaỹamaxaren da 'am sachaxana ca 'arsomaxac qataq qaica ca 'aỹa'anaiguilo naua ỹa'aqtaqa.

Jeremías 31:19

Aỹem 'am sheca'ai co'ollaxa qalaxaye huo'o da ñetogotaxac, saỹateeta da huo'o da ỹasouaxashet, nache seuet ana itogue, qaq ỹataqta huo'o da ỹa'agaxa qataq ñanomta da qaica ca shenec, souaxat na ỹasouaxashetpi chegoqta'a co'ollaq ñaq aỹem nsoqolec.›

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Jeremías 7:34

Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Jeremías 2:15

'Eeta'am ca llon da desoqtai' nam iloquiaxaatac somaye, nache ỹataqta nlachiguiñi naqa'en nam na'alhua. Qataq qaỹavigaxat som lalamaxat huaqta'a't nỹecpi, nache qaica ca no'onañi da hueta'a.

Proverbios 4:13

'Anasoqchiyiñi qome naua ỹapaxaguenataxanaxaco, qataq saishet da qoca'aisalo naamaye, 'auaỹamaxatteque cha'aye nachenaua nam ỹo'o't da 'arca'alaxa.

Salmos 94:12

Qaq ỹataqta machiguiñi qome ca shiỹaxaua maye 'auaỹamaxaañi 'Am Nataxala', cam 'aỹa'anema naua 'arapaxaguenataxanaxaco,

Salmos 2:10

Qaq qami' nta'alpi ỹataqta qauennataxañi qome, qataq qami' nataxala'pi ana 'alhua, ỹataqta qanañañiiguet qome da napaxaguenataxanaxac.

Deuteronómio 32:29

Namayepi taxa da huo'o ca laỹaanec, qataq dauattonaxan, nache ỹaỹaten chaq negue't ca taỹa'a.

Levítico 26:34

Nache ca 'alhua ỹataqta lacchiguiñi qome, cha'aye huo'o da nmataxac 'enauaque que'ecaua vi'iye da toolec, qataq da qoñiitaña ca na'alhua ca qanpa'aguenaxauaipi, nache ca qana'alhuai ỹataqta nmatec qome, souaxat da qaica ca nmataxac co'ollaxa.

Jeremías 7:28

Qonapega namayepi, qoneta': ‹'Ena na shiỹaxauapi maye saishet da ỹalaxaguet Ñim Nataxala' maye Natamnaxala', qataq sa ỹaỹamaxaren da qaỹaỹamaxaañi da lataxac. So huesota lataxac mashe imauec da qaica saishet da huetaigui na alap.›»

Proverbios 19:20

'Auloteguet qome ca nqataxac qataq 'auaconeguet da 'am qanlaxan, yaqto' ishet da 'avira'a da 'am ỹaanaxanaxaic.

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.