Jeremías 6:7 - La'aqtaqa Ñim Lo'onatac 'Enauacna 2013

⁷ Ye Jerusalén qalaq mpa'axaatasheguem na qauem, 'eeta'am aca nshere da mpa'axaatasheguem na 'etaxat. Qaica ca lỹa qaỹa'axaỹa, nacherata da loquiaxac qataq da qaica ca qairen, qaica ca lỹa sela'a da huetalec yemaye nacherata da nque'emaxa qataq da qui'ic.

Jeremías 6:7 Referans Kwoze

Ezequiel 7:23

Ñaq 'auqataxanai' qome ca ncoñetaxanaxat lcat, cha'aye ne'ena 'alhua qalota qome na qaỹalauat, qataq ne'ena huaqta'a't nỹecpi nlaxagui qome na shiỹaxauapi maye qaica ca iren.

Ezequiel 7:11

Nquictauec da qaica ca qairen, qaq damaye nache chegaqaigui na qauemsat. Qalaxaye da qoñiita qaica qome ca no'onañi qataq nam qalota qarsallaqai maye qami' hueto'oto.

Jeremías 20:8

Cha'aye naxa da setaqa nache nda'a't da sa'axattac da lchec qataq da huo'o na qailaxachigui, nache saq vi'iiguet da aỹem qaisheueetac qataq aỹem qane'eetapigui, cha'aye souaxat da sa'axatta'ape naua 'ara'aqtaqa.

Isaías 57:20

Qalaxaye na qauemaicpi 'eeta'am aso auaxai da ỹasheerelec na lta'araic la'at, nache na 'etaxat saishet da namaañi, nache ana lapaxa ilagaxattac na nshaxa qataq na lshepaxanaxa.

Ezequiel 24:7

Yem huaqta'a't nỹecpi ỹataqta nlaxagui na ntago'q maye huecorec, qalaxaye saishet da huecorelec na 'alhua da yaqto' ỹapolec na namoxoỹaxa, nacherata da huecorelec ana coma'pi.

Proverbios 4:23

Qataq ỹataqta 'antela'a da 'antoonaxac, cha'aye damaye qaica ca lỹa 'eeta'am, damaye nache chegaqaigui da achaalataxac.

Isaías 59:6

Qaq nam palachiyaxa lo'oxonec saishet da qaỹo'oxonaxana da qaỹo'ot ca nogoxot, qaica ca ishet da ỹaañi nam lo'oxonec namayepi. Nam ỹo'ottacpi namayepi qalaq nda'a't da nalaataxanaxac, nam lo'onatac naua lhuaxaye qalaq ỹo'ot da qaica ca qairen,

Jeremías 30:12

Ñim Nataxala' 'enapec: da 'arque'emaxa saishet da qanataren, dam qauem maye 'am huetalec qaica ca lata'.

Jeremías 30:13

Qataq qaica ca huapegue' da qoneta, qaica ca nataren na 'arque'emaxa, qataq qaica ca 'am nataren.

Jeremías 32:31

Qaq ne'ena huaqta'a't nỹecpi, chegoqchiguiña co'ollaq cheta'ague da qano'oxoosheguem nache ivitta'a nagui, da nacherata da ỹo'ottac da ỹayeloxo qataq inogoxonaxac. Qaq ỹoqo'oye Aỹem sapalaxat qome namayepi,

Ezequiel 45:9

Aỹem Nataxala' shenapec: ¡Nache tachiguiña qome qami' nta'alpi na Israel! ¡Saishet qome da qoquiito'ot da qaica ca qaureñi, qataq da qarhuotaxanaxaqui! ¡Qauo'onataxañiỹa qome da nalochiguiñi, qataq da ỹaỹamaqchiguiñi lataxac! ¡Qaỹa'axañiiñi da qaucacheetega na na'alhua na ỹalamaxat nhuo' le'ecpi! Qaq 'era da ỹamaxasoxonaxac, Aỹem Nataxala'.

Isaías 1:6

Qaq ỹataqta 'enauac da qaro'ocỹaxaqui da qaica ca no'oita, 'enauac da que'emaq, nalauat qataq huo'o na lli'i na qarque'emaqai, nache qaica ca anac da qami' natare'n qataq da ỹaxachigui nam qarque'emaqai, huo'otaq da qami' ỹa'ame'n ca aceite da yaqto' ỹa'axaneguet da qanqui'iqui.

Jeremías 8:22

¿Peta'a qaica ca natannaxanaxat ye Galaad? ¿Peta'a qaica ca natannaxanaq da hueta'a yemaye? ¿Ta'ainco' da saishet da no'oita na ihuo' le'ecpi?

Jeremías 30:15

¿Ta'ainco' da 'aua'alaqtac souaxat nam 'arque'emaxapi? Da 'anqui'ic saishet da qanataren. Souaxat na qalota qauem maye 'auo'ot qataq na qalota 'arasouaxashetpi nachena na huo'omshe 'am so'otec de'era.

Ezequiel 21:29

Qaq nam lauanaqchecpi qalaq saq'en qataq naua la'aqtaxanaxaco qalaq choche ashepegaxanaxaco. Ca ỹeelonec qalaq ipelecot qome na lqosot nam qauemaicpi laataxanaxaicpi. Mashe saqaỹapeque ca laloqo' cam pa'atec nhuaxanaguec.

Sofonías 3:1

¡Choxoraxaso' 'am Jerusalén, huaqta'a't nỹecpi maye saỹalaq, ỹataqta 'am nshepaxan qataq huetaiya' 'anqa'en na 'araỹepi!