Jeremías 6:6 - La'aqtaqa Ñim Lo'onatac 'Enauacna 2013

⁶ Ñim Nataxala' maye Qaica ca Ỹaqalanapec ỹan de'era lamaxasoxonaxac, 'eeta': «¡Qauchiqui aca qo'oipaqpi, nache qauo'oche ca ñeguisheguempi da yaqto' qauloquiaxañi ye Jerusalén! Yi'iye huaqta'a't nỹecpi qaỹauo'o qome da nhuaxanaguec, cha'aye nlaqchigui da qaica ca qairen.

Jeremías 6:6 Referans Kwoze

Jeremías 32:24

Qaq nagui na caldeopi nauaxaỹaxaasheguem na lliguisheguempi da yaqto' iloquiaxan na huaqta'a't nỹecpi, qaq dam alaataxac, qataq na nqouaxa qataq na napiina, nachena qome na ỹo'ot da noxonec na huaqta'a't nỹecpi. 'Am Nataxala' 'aumeteetac da mashe ipacchigui 'enauac nam 'aua'axattac co'ollaxa.

Lucas 19:43

Qalaxaye huo'o qome ca na'a'q, qaq qami' qaviyiỹalo caua na'axa'te maye ỹataqta qauema, qom ca qanpa'aguenaxauai nauaxaỹaxaasheguem ca lpaqtaxanaxat da qami' iconnaxaasopa. Ime, qaq qami' coleesopa, ỹataqta sa ỹauo'o ca qardaqa'ai da qami' iloquiaxa'n.

Isaías 37:33

Qaq Ñim Nataxala' ỹa'axat da 'eetec qome ñi nta'a ye Asiria, 'eeta': ‹Saishet qome da inoxoneua'a na Jerusalén qataq saishet da chochaq 'oonole lchecna aca ỹaỹenec, qataq da ỹauota'a aca lpaqtaxanaqte da iloquiaxan namaye, qataq saishet da no'oxoosheguem ca llec da inoxotaua'a namaye.

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Jeremías 32:31

Qaq ne'ena huaqta'a't nỹecpi, chegoqchiguiña co'ollaq cheta'ague da qano'oxoosheguem nache ivitta'a nagui, da nacherata da ỹo'ottac da ỹayeloxo qataq inogoxonaxac. Qaq ỹoqo'oye Aỹem sapalaxat qome namayepi,

Jeremías 33:4

Cha'aye Aỹem Nataxala' qataq Natamnaxala' na Israel le'ecpi, huo'o da ỹa'aqtaxanaxac da sa'axat na nỹecpi na Jerusalén qataq na lma'pi na nta'alpi ye Judá da taỹa'a qome da qaỹamaxañi qaỹauota'a na qo'oipaq lta'araic qataq ana qachepe.

Ezequiel 4:2

Ime nache coleesop 'anqa'en na alleppi qataq na lo'ogoxonaxatpi da alaataxac, qataq 'avi'inaxat ca mpaqtaxanaxat da coleesop, qataq ca ñiguisheguem, yaqto' ỹaatec da 'eeta'am ca huaqta'a't nỹecpi da qaicoleesop.

Ezequiel 5:5

Qaq 'era da la'aqtac Ñim Nataxala', 'eeta': ¡'Ena na huaqta'a't nỹecpi na Jerusalén! Qaq nachaỹem da sanangui co'ollaxa na laiñi na nhuo' le'ecpi qataq na ỹotta'a't shiỹaxauapi.

Daniel 11:15

Qaq ca nta'a maye chegaqa'ague da sheu', anac qome, nache ỹo'ot ca lliguisheguempi coleesop naqa'en ca huaqta'a't nỹecpi maye qampaxattaua'a, nache loxonec qome. Qaq na'aictaxa da ỹataqta 'añaxaicpi que'eca alleppi maye lma' da taguiñi, qalaxaye saishet qome da ỹañoxot da npaxateguet da nvi' que'eca alleppi maye npa'aguenaxauapi.

Sofonías 3:1

¡Choxoraxaso' 'am Jerusalén, huaqta'a't nỹecpi maye saỹalaq, ỹataqta 'am nshepaxan qataq huetaiya' 'anqa'en na 'araỹepi!

Jeremías 5:9

¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi?

Jeremías 5:29

¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.

Jeremías 20:8

Cha'aye naxa da setaqa nache nda'a't da sa'axattac da lchec qataq da huo'o na qailaxachigui, nache saq vi'iiguet da aỹem qaisheueetac qataq aỹem qane'eetapigui, cha'aye souaxat da sa'axatta'ape naua 'ara'aqtaqa.

Jeremías 39:1

Qaq huetoigui so ca'agoxoic diez so vi'i nueve da lo'onataxanaxac da nta'a ye Judá so Sedequías, nache so Nabucodonosor maye nta'a ye Babilonia, nqo'ona ye Jerusalén, nnaictague' so nalleppi, nache coleesop yemaye.