Jeremías 6:5 - La'aqtaqa Ñim Lo'onatac 'Enauacna 2013

⁵ ¡Qaq ỹoqo'oye no'on da seloquiaxanaq na pe, nache selaxataxagui ana lalloxolatepi namayepi!»

Jeremías 6:5 Referans Kwoze

Jeremías 52:13

nache ỹavigaxat aso atamnaxaqui, so lma' lta'araic so nta'a, qataq 'enauac so nma'pi yi'iye huaqta'a't nỹecpi, qataq so lma'pi som 'amaqtaqaicpi nataxala'pi,

Isaías 32:14

Qataq ñi lma' lta'araic ca nta'a qanayeca'ai qome, qataq yem huaqta'a't nỹecpi maye qalota na hueta'a toolec qome, qataq na sansattec npaqtaxanaxatpi nataqa'en qanayeca'ai qome, nache nmataqa' qome yemaye nam huauec 'ashenapi, qataq lquia'aqa' qome yemaye na nlopi shiguiỹacpi.

Zacarías 11:1

¡'Am qasoxonaxa Líbano, 'auauatoiguilo naua 'anaso'omi, yaqto' na norec ỹavigaxat ana cedropi!

Amós 2:5

Qaq ỹoqo'oye sauo'o qome ca norec da ỹavic ñaqa'en ye Judá, nache que'eca norec nlachiguiñi naqa'en qome na nma' lta'araicpi ye Jerusalén.

Oseas 8:14

Qaq nam Israel le'ecpi, no'oxoosheguem na lma' lta'araicpi, qalaxaye icoua'ai Ñim Lo'onatac da nachaalataxac. Qataq na Judá le'ecpi, qalota na no'oxoosheguem huaqta'a't nỹecpi maye huo'o na lpaqtaxatpi, qalaxaye aỹem, ñamaxa qome ca norec da yaqto' ỹavic ñaqa'en na lma' lta'araicpi.

Jeremías 17:27

Qalaxaye qami' da saqaualaqaiguet na ỹamaxasoxonaxacpi, da qauỹochiỹauga da ỹalamaxat ye na'a'q mataxaqui, qataq da qauachiitac na qaya'aqui na qa'aitoigui na lasompi na Jerusalén, nache Aỹem sauo'o qome ca norec huetoigui na lasompi na huaqta'a't nỹecpi, cam norec maye ilaxachigui qome na nma' lta'araicpi na Jerusalén, nache qaica qome ca ishet da ỹalamat.›»

Jeremías 9:21

«Da nleuaxa nvitalo naua qarma'ate, qataq taigui na qarma' lta'araicpi, qataq huangui naqa'en na nqa'aic da ỹalauat na ñaqpiolec qataq huaña naqa'en na nlagaqa'pi da ỹalauat na nsoxoppiolec.

Salmos 48:3

Ñim Lo'onatac 'Enauacna, hueta'a ñim nma' lta'araic ye Jerusalén, Ñim Lo'onatac 'Enauacna nachaxan co'ollaxa da nacheñi ñim qaica ca 'ena'am da ñe'eguenaxala'.

2 Crónicas 36:19

Qaq nataqa'en ỹavigaxat aso atamnaxaqui maye lalamaqte Ñim Lo'onatac 'Enauacna, qataq iqalagoxotec so lpaqtaxat ye Jerusalén, qataq ỹavigaxat so lma' lta'araic so nta'a, qataq ilaxachigui 'enauac som huo'o da lasheechiỹaxac maye hueta'a yemaye.

Abdías 1:1

Da lauanaqchec so Abdías, maye chegoqo'ot Ñim Nataxala' maye ỹa'axata'a da 'eetec qome da taỹa'a ye Edom. Qomi' sa'axasoqchigui so la'aqtaxanaxanec Ñim Nataxala', 'eeta' huo'o so namaxashec maye taỹa na ỹotta'a't shiỹaxauapi da da'aqtaxanem da na'aqtac maye, 'eeta': «¡Qolaq! ¡Ñeqo'onaxa ye Edom le'ecpi nache ñalaataxai'!

Jeremías 52:7

Qaq huaña nache ỹauo'o so lauatac so lpaqtaxat se'eso huaqta'a't nỹecpi, qaq na'aictaxa so caldeopi da mashe coleesop, nache so nta'a qataq 'enauac so nalleppi datauec, ca'ai ye huaqta'a't nỹecpi se'eso pe. Somayepi tateuga so lasom maye ñichiguinguilo soua dos npaqtaxanaqa'ate, nache tateuga so nqa'aic maye taalec so lanaxanaqa' so nta'a, nache quegue so nqa'aic maye taalec so ca'amegue ye Jordán.