Jeremías 6:4 - La'aqtaqa Ñim Lo'onatac 'Enauacna 2013

⁴ Nache 'enapec qome: «¡Qanaỹamaxache da yaqto' seloquiaxai' namayepi! ¡Qauanaqui qome yaqto' seloquiaxanaq namayepi qom na'a'q laiñi! Qalaxaye, ¡aicoue! Ye mashe avit, qataq na lpaqal mashe qaỹoqteueegue.

Jeremías 6:4 Referans Kwoze

Jeremías 15:8

Qataq so'ot qome da qalota ana pa'aipi napacalec na delec maye hueto'ot na loigue aso auaxai. Qataq huaigui ñaqa'en ca na'a'q laiñi da talec ca nleuaxa ana nate'elpi qataq na llalaqpi nsoxoppi, qataq nque'elaxatta qome da talec ca laquicoxo qataq ca lcolanaxa.

Sofonías 2:4

Qaq cha'aye yem huaqta'a't nỹecpi ye Gaza ỹataqta toolec qome, qataq nataqa'en ye Ascalón ỹataqta nlachiguiñi qome, qaq na lma' ye Asdod qaỹamaqauec qome huaigui ca na'a'q laiñi, qaq nam hueta'a ye Ecrón qalaq qaỹasaxauec qome.

Joel 3:9

Qaq ỹataqta qaua'aqtaxañim qome de'era nam ỹotta'a't shiỹaxauapi, qataq qaua'axache qome da huo'o ca alaataxac, nache qoñiỹapega da anac qome na 'añaxaicpi, qataq naỹamaxat qome da yaqto' nalat 'enauac nam ỹalleppi maye ỹataqta alaataxaicpi.

Jeremías 8:20

Qaq mashe ỹoxogue so napaxaỹaxa qataq mashe ime da qanqat na ala na nañiguishec, qalaxaye qaica ca nca'alaxa da qomi' taleguete.

Jeremías 5:10

¡Qaq cam mpa'aguenaxauapi namayepi no'on qome da inoxoneua'a, nache nlaxaañi ana lañiguishe uvapi, qaq na'aictaxa da sa imauec da nlaxaañi! ¡Qalaxaye ỹacagaxat qome ana lcouepi cha'aye anamayepi mashe saishet da ỹalamaqte!

Cantares 2:17

Da ñaq napaltañi qataq natomchiguiñi, nache 'avi'eguelaq, 'am ỹauotaxat, 'auỹalapigui' qoneta'am ana ñi'imshe qataq na chegaxango llalec da quetalec ana qasoxonaxapi ye Beter.

Jeremías 6:23

Mashe nasoqta'a na lchecnecpi qataq na lainecpi; yemayepi ỹataqta qauemaicpi qataq qaica ca ichoxoreetac, da la'alaxac qalaq 'eeta'am da l-lamaxa aso auaxai, qataq netalec na lalo caipi. Qaq mashe lhuotta da iloquiaxan na Sión.»

Jeremías 15:9

Anam nate'elpi maye qalota na llalaqpi decopchetac qome, nache qaica ca la'añaxac, qataq huo'o da la'aloxo qataq qaica ca 'enec qanqa'en, ye yo'oqchiguiñi qalaq ỹe'eguelaxa da napalñi. Qaq da huo'otaq huo'o ca nca'altauec, nache so'otec da ca mpa'aguenaxaua ỹalauat camaye. Qaq 'era da ỹa'aqtac, Aỹem Nataxala'.»

Abdías 1:1

Da lauanaqchec so Abdías, maye chegoqo'ot Ñim Nataxala' maye ỹa'axata'a da 'eetec qome da taỹa'a ye Edom. Qomi' sa'axasoqchigui so la'aqtaxanaxanec Ñim Nataxala', 'eeta' huo'o so namaxashec maye taỹa na ỹotta'a't shiỹaxauapi da da'aqtaxanem da na'aqtac maye, 'eeta': «¡Qolaq! ¡Ñeqo'onaxa ye Edom le'ecpi nache ñalaataxai'!

Da na'aqtaguec so Job 7:2

Qataq 'eeta'am ca nlatac da nañaxaata'ape naua la'a'che souaxat da lyaxa da hueto'ot ca lpaqal, huo'otaq ca namaxashec maye iuattaique ca nsheetenaguec.

Miqueas 3:5

Da la'aqtac Ñim Nataxala', 'eeta': Ne'ena ỹalamaxat nhuo' le'ecpi isomapec da llecỹaxac, souaxat da latenataxanaxac nam saq 'en na'aqtaxanaxanecpi, cha'aye nda'a't nam iquia'axan namayepi da da'aqtaxanem da nlagaxayec, qaq nam saishet da iquia'axan namayepi nache nda'a't da npa'aguene'.