Jeremías 6:26 - La'aqtaqa Ñim Lo'onatac 'Enauacna 2013

²⁶ ¡Qami' ỹalamaxat nhuo' le'ecpi, qaỹa'añiiyiñi qome naua anogo maye sansattegueta, maye la'anaxat da qanqui'iqui, qataq qanviñingui qome na alo, qataq qaỹa'añiiyiñi naua anogo maye nasouaxaqui', qataq ỹataqta qanỹeñi souaxat da qaraquicoqoi, 'eeta'am da 'eetec da ileu ca 'oonolec ñalec, cha'aye cam qomi' ilaxachiguilo qome mashe sa qaỹaloq da anac da qomi' iloquiaxa'n!

Jeremías 6:26 Referans Kwoze

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Jeremías 4:8

Qaq ỹoqo'oye qaỹa'añiiyiñi qome naua qo'ogolli' maye sansattegueta, qanỹeñi qataq qana'alaqaitapiguiñi souaxat da qanqui'iqui, cha'aye dam 'ettaigui layeloxo Ñim Nataxala' saishet da qomi' ca'aisalo.

Santiago 5:1

Qaq nagui aỹem qana'axaỹaxañiỹa qami' sallaxanecpi: Qanỹeñi, qataq qana'alaqaitapiguiñi, souaxat da qanque'eenaxaqui maye mashe saqaỹaloq da qami' taleguete.

Santiago 4:9

Ỹataqta qauaquicoita qome, qataq qanỹeñi souaxat da qanqui'iqui. Qaỹa'axañiiñi da qaraỹalliguiyiqui, ime, nache qanỹiñiitac, yaqto' Ñim Lo'onatac 'Enauacna ishet da ila'a da ỹoqta 'eesa da qanaralaxache da qarhuennataxaqui.

Lucas 7:12

Qaq co'ollaq mashe ivildeua'a so ñegueuo se'eso nỹecpi, nache ỹauaategueta soua ỹale't da ỹachetra'c so nsoqolec maye leuaxaic da ilayiñi. Se'eso saqca, somaye ỹataqta 'oonolec llalec aso pa'ai. Qaq qalota so shiỹaxauapi yi'iye qanayeeta'a da nnaictague' aso 'alo maye ỹataqta lta'araic da lachoxoyec.

Amós 8:10

Nache que'eca laloxoquipi na nquia'axacpi, qalaq nmeneguet ñaqa'en da qanỹeetapeguelec na leuaxaicpi, qaq da no'onaxanaxac qalaq nmeneguet ñaqa'en da achoxonnaxac, qataq so'ot da qaỹa'añiiñi na nogoxot nasouaxaqui, qataq da qanamarec naua qarqaigolli' souaxat da qanqui'iqui. Qataq qanoỹeñiitac qoñiita'am ca shiỹaxaua da ileu ca ỹataqta 'oonolec llalec, qaq da ime nache ỹataqta lta'araic que'eca qanqui'iqui.

Lamentaciones 4:10

Na 'alpi maye no'on da lquiyaqteỹaxac qalaq maiche ỹaconeua'a so llalaqpi da ỹaneuaq, qaq se'eso ñalaqpi nacheso som qanallectac son na'a'q co'ollaq qailaxachigui ye Jerusalén.

Lamentaciones 4:6

Nam lasouaxashetpi na Jerusalén le'ecpi, qalaq napacalec na lasouaxashetpi co'ollaxa na lma' ye Sodoma, maye nque'elaxatta da nlaguiñi co'ollaxa, saishet da huo'o ca anac da iloquiaxan.

Lamentaciones 4:3

Matem qa'alaqpi qalaq illepaxan na llalaqpi, qalaxaye ana llalepi na ỹalamaxat nhuo' le'ecpi qalaq ỹataqta qaica ca ichoxonnai', 'eeta'am na mañecpi maye netalec na toolec 'alhua.

Lamentaciones 3:48

Naua ỹache' qalaq huecolde'c, naguinguilo naua ỹamelque, co'ollaq semeteetac da nlaguiñi som ỹauotaxat nỹecpi.

Lamentaciones 2:11

Da ñenoinaxac qalaq mashe na'axa't naua ỹa'ai'te, qataq ñanomteguet da ỹataqta seuet ana itogue, qataq mashe qaica ca ỹa'añaxac, souaxat da sauaachigui da qailaxachigui som huaqta'a't nỹecpi maye lma'pi som ihuo' le'ecpi, qataq da sauaachigui som ñaqpiolec maye ñaq lleptac da ileuangui na nqa'aicpi.

Lamentaciones 1:16

Qaq ỹoqo'oye aỹem ñeỹeetac, naua ỹa'ai'te qalaq nlaxaguilo na ỹache', cha'aye qaica ca aỹem ỹa'añaqchet, qataq qaica ca aỹem ỹanem ca dalaxaic ỹa'añaxac. Som ỹalaqpi qalaq 'enauac qanlaxatchiguiñi, cha'aye qomi' napacaleguete da la'añaxac som qampa'aguenaxauapi.

Lamentaciones 1:2

Ye pe qalaq daquicota da nỹeetac, naua lache' qalaq naguinguilo naua lamelque. Qataq 'enauac nam nauochaxauapi, qaica ca 'oonolec da anac da ỹa'añaqchet. Qataq 'enauac nam nauochaxauapi ỹatenachet, nache ỹe'eguelaxa da npa'aguenaxaua namayepi.

Jeremías 15:8

Qataq so'ot qome da qalota ana pa'aipi napacalec na delec maye hueto'ot na loigue aso auaxai. Qataq huaigui ñaqa'en ca na'a'q laiñi da talec ca nleuaxa ana nate'elpi qataq na llalaqpi nsoxoppi, qataq nque'elaxatta qome da talec ca laquicoxo qataq ca lcolanaxa.

Jeremías 14:17

'Aua'aqtaxanem qome na nhuo' le'ecpi de'era, 'eeta': ‹Naayiñi qome naua ỹache' chegaqaiguilo naua ỹa'ai'te, nache saishet da vi'iigueta ye na'a'q qataq ye pe, souaxat dam chaqaic qataq qauem maye huaigui na ihuo' le'ecpi, qataq dam lta'araic lque'emaxa.

Jeremías 13:17

Qalaxaye da saqaualaqai, nache aỹem sepa'axaatauo qome da ñenoinaxac souaxat da qaño'oxonnaxaqui, naua ỹa'ai'te qalaq huecolde'c qome naua ỹache', cha'aye ana lalopi qaguetapi Ñim Nataxala', qaỹauec qome da qaicoñe'.

Jeremías 12:12

Qaq 'enauac ana lcomaraxalatepi yem toolec 'alhua, da naỹa da nalec na qauemaicpi shiỹaxauapi, qalaxaye Aỹem Nataxala', huo'o na ỹainec maye ivira'alo qome naua loga'te ana 'alhua da ilaxachigui, qaq huaña nache qaica qome ca hueto'ot ca nlagaxayec.

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Jeremías 8:21

Aỹem ñeque'etaxangui da nque'eenaxac na ihuo' le'ecpi, da naquicoxo qataq da ncolanaxa aỹem loxonec.

Jeremías 8:19

Da la'alaxac na ihuo' le'ecpi qaỹa'aqtega 'enauac ne'ena 'alhua: «¿Peta'a Ñim Nataxala' mashe saq hueta'a ye Sión? ¿Peta'a mashe saq hueta'a so nta'a?» Nache Ñim Nataxala' ỹasat, 'eeta': «¿Ta'ainco' da aỹem qanogoqchichi da qanatamñiitacot nam ne'enaqtacpi atamnaxala'pi maye qaica ca naigui qataq ỹaqa'a?»

Jeremías 6:14

Qataq 'eetega nataren na lque'emaxapi na ỹalamaxat nhuo' le'ecpi, nache 'enapega, 'eeta': ‹Huo'o da qal-lagaxayequi, huo'o da qal-lagaxayequi› Qalaxaye qaica ca l-lagaxayec namayepi.

Jeremías 4:20

Qataq mashe nvi' da na'axaỹaxac da nacalec lỹa nam qailaxachiguipi, 'enauac ne'ena 'alhua qanlaxaañi. Qataq choche nque'elaxatta da qanlaxaañi na ỹanataqa'pi qataq ỹataqta nlachiguiñi qanqa'en so ipe'lpi.

Jeremías 4:11

Qaq qom ivita cam laloqo' de'era, nache qoỹenapega qome na nhuo' le'ecpi na Jerusalén, qoỹeeta': «Chegoqtelec qome ye toolec 'alhua ca la'at dapaqa, da nasheeresheguem nache taalec na pa'aỹa'ague na ỹalamaxat nhuo' le'ecpi. Qalaxaye camaye saishet da taiguet da qaichegoq na ala na trigo,

Isaías 32:11

Qami' 'alpi maye qaica ca qarhuogoqoi, ña qaviloxolli qome, qami' maye qaica ca qandaqaitaique, ña qami' cholaxa'n qome, qanqache' qome naua qarpotolli' nache qaỹa'añiiyiñi caua qarpotolli' maye sansattegueta maye la'anaxat da qanqui'iqui.

Isaías 30:13

qaq ỹoqo'oye de'era qarasouaxashechi maiche qami' taleguete qome, 'eeta'am ca qaỹoqotcheguemec npaqtaxanaxat maye huo'o ca lpoxoỹaxa, qaq da mashe saqaỹauapeque da hua'axañi nache nque'elaxatta da hua'axañi,

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Isaías 22:4

Qaq ỹoqo'oye aỹem shenapec: Ñaq aỹem qauỹocheelec qome, cha'aye sauotaique da ñeỹen souaxat da lta'araic ñiqui'ic, qaq saishet qome da aỹem qaua'añaqchichi, cha'aye ỹataqta qailaxachigui na ỹalamaxat ihuo' le'ecpi.

Génesis 21:16

nache taỹa so qaỹata'a da nso'ooñi, cha'aye huotaique da saishet da ỹauaachigui da ileu somaye. Qaq asomaye co'ollaq mashe nso'ooñi, nache so nogotolec nỹeetac.

Da na'aqtaguec so Job 2:8

Nache so Job, tauga so laponqa' so alo da nso'ongui, nache ỹacona so laỹe aso laxai naco'oña, nache nvictega.

Jeremías 9:1

¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!

Jeremías 18:22

Qataq nque'elaxatta qome 'anqa'en da 'anamaxa namayepi ca cachaxaicpi, ¡Ñaq qaỹa'axaỹa qome ca la'alaxac souaxat da lcolanaxa! Cha'aye ỹo'ot co'ollaxa aso lshere da yaqto' aỹem loxonec qataq ỹanangui na ỹec aso lqoinapi.

Lamentaciones 3:16

Qataq aỹem iuaxaneguet ana 'alhua, qataq ỹo'ot da senactaigui na namoxoỹaxa.

Jonás 3:6

Qaq so nta'a ye Nínive, co'ollaq la'axaỹaxac de'era, nache nataqa'en ñesheguem ca'ai aso nso'onaxaqui da nta'a. Ime, nache nqa't soua ỹaatrañi alogo, nache ỹaayiñi soua sansatte' alogo qataq nso'onangui so alo.

Da na'aqtaguec so Job 15:21

Qataq hua'aqtega na lta'araic nllimiaxa maye ỹo'ot da ncolanaxa, qaq da ivita da ỹe'emaqtac, nache na cachaxaicpi decachiỹot.

Isaías 3:24

Qaq na coraxat qalaq nmeneguet qome ca ỹotta'a't nalolaxapi, qaq na saataxaquipi qalaq nmeneguet ca nañecpi, qaq na no'on qoue qalaq nmeneguet qome da qui'it na nqaic, qaq ana no'on npotopi qalaq nmeneguet ca sansatta nogoxot, qaq da lyac da no'ogoỹaxac qalaq nmeneguet qome ca lque'emaxa souaxat ca lcat dapaqa.

Jeremías 30:5

Ñim Nataxala', 'eeta': «¡Qaỹa'aqtega da na'alaxac maye huo'o da lchec, ncolanaxa qataq qaica ca nlagaxayec!