Jeremías 6:25 - La'aqtaqa Ñim Lo'onatac 'Enauacna 2013

²⁵ ¡Saishet da qanqo'oñiuga na no'onaxa, qataq saishet da qoquiiguelo naua nqa'aico! ¡Cha'aye na qampa'aguenaxauaipi mashe na'atchiguiñi na lo'ogoxonaxat, qaq huo'o da lchec 'enauac na pa'aiguelo!»

Jeremías 6:25 Referans Kwoze

Jeremías 49:29

Qauotaxañic qome ye lpe'lpi qataq ana lalo qaguetapi, qataq nam lapoxonaxatpi, qataq 'enauac nam lhuenecpi. Nataqa'en qauacoñiỹa qome ana lalopi nauanaxanaxapi, ime nache qaua'alaqaitalec yemayepi, qoñeeta': ¡Ỹataqta 'enauac na pa'aiguelo da huo'o da lchec!

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

Jeremías 14:18

Da sauga na no'onaxa, nache sela'a na leuaxaicpi, nam leuaxaicpi maye huaigui so alaataxac, qaq da saigui na huaqta'a't nỹecpi, nache sela'a na shiỹaxauapi maye huotaique da ilem na lqouaxa, qaq na na'aqtaxanaxanecpi qataq na ntaxaỹaxanaxanecpi qalaq taỹa ca ỹaqa'a 'alhua maye saishet da qaỹauana.›»

Salmos 31:13

Qataq aỹem huo'o da sa'aqtega na shiỹaxauapi da nsoxootega't, 'eeta': «Huo'o da ncolanaxa 'enauaque naua laỹel.» Qataq namayepi 'eeta'am da 'oonolec ỹale da huaxaỹa't da aỹem npa'agueetega, da nshetaique da nqat da ñachaalataxac.

Da na'aqtaguec so Job 18:11

Qataq qaica ca saq hua'ague da narenaguec camaye, nache ỹataqta datauec naqa'en camaye da lcolanaxa.

Lucas 19:43

Qalaxaye huo'o qome ca na'a'q, qaq qami' qaviyiỹalo caua na'axa'te maye ỹataqta qauema, qom ca qanpa'aguenaxauai nauaxaỹaxaasheguem ca lpaqtaxanaxat da qami' iconnaxaasopa. Ime, qaq qami' coleesopa, ỹataqta sa ỹauo'o ca qardaqa'ai da qami' iloquiaxa'n.

Jeremías 8:14

Qaq na nhuo' le'ecpi 'enapec, qome: ¿Negue'to' cam so'otaqtac da souaqta'a ne'ena? ¡Qolaq 'enauac ñeqo'onaxaua'a qome ye huaqta'a't nỹecpi maye qampaxattaua'a, da yaqto' qomi' qaỹalaua't! Cha'aye Ñim Nataxala' maye Qanatamnaxala' qomi' ỹanegueta da qal-leuaxa, qataq qomi' nỹomaxanguilo ca 'etaxat maye huo'o na lalegue qanlem, cha'aye huo'o da qarasouaxashet hueto'ot Ñimaye.

Jeremías 4:10

Qaq aỹem shenapec: «¡'Agai, 'Am Nataxala', ta'ainco' da 'auatenachet na shiỹaxauapi na Jerusalén! 'Am 'auachaxanapecot co'ollaxa namayepi da nlagaxayec, qaq nagui qalaq qaỹareeto'ot na lqosot na ỹeelonec.»

Jeremías 4:5

Qaua'aqtaxañim de'era ye Jerusalén qataq ye Judá, qauoita'a ana qarasheerei da qaua'aqtaxañim 'enauac na hueta'a yi'iye 'alhua, qataq ỹataqta qana'axanñic qome da qara'alaxaqui qoñeeta': ¡Qalaỹoñiỹa't qome, nache senoxonaxaua'a nam huaqta'a't nỹecpi maye ỹotta'a't naua nañalo maye qampaxatteua'a!

Isaías 1:20

qalaxaye da nache qoquiito'ot da sa qaualaqai, nache qoviỹaigui qome ca alaataxac da qami' qaỹalaua't.» Qaq 'era da la'aqtac Ñim Nataxala'.

2 Crónicas 15:5

Qaq se'esoua vi'iye, qaica co'ollaxa ca nlagaxayec, nacherata da ỹataqta lta'araic da lhuogoxo 'enauac na netalec ne'ena 'alhuapi.

Jeremías 30:5

Ñim Nataxala', 'eeta': «¡Qaỹa'aqtega da na'alaxac maye huo'o da lchec, ncolanaxa qataq qaica ca nlagaxayec!

Jeremías 46:5

Qalaxaye ¿negue'to' dam selota'a? Qaq souaxat da lcolanaxa, nache qosheta. Nam alleppi qalaq laga't cha'aye noxonecpi, qataq datauec nache saishet da namatapec. ¡Qaq 'enauaque naua pa'aiguelo huo'o da ncolanaxa! Qaq 'era da ỹa'aqtac Aỹem Nataxala'.

Lamentaciones 2:22

Qataq 'auachegoxotteguelo co'ollaxa da 'auanacot nam lcheguesat, 'eeta'am da qanqo'ona ca huo'o da la'amaqchec na'ashaxac, som na'a'q co'ollaq 'aualemata 'Am Nataxala' qalaq qaica ca ishet da datauec. Som ñepa'aguenaxauapi qalaq ỹalauat co'ollaxa, som ỹaqtacpi qataq so ỹapaxaguenatacpi.

Jeremías 8:15

Seuataqtaique ca qal-lagaxayec, qalaxaye qaica ca no'on da qomi' nviralo. Qataq seuataqtaique ca qaraỹamaxa, qalaxaye nachaqrata da qarcolanaxa.

Jeremías 49:5

Qalaxaye Aỹem chegoqteguelo ñaqa'en qome na ỹauo'o da 'arcolanaxa. Qaq 'era da ỹa'aqtac Aỹem Nataxala' maye Qaica ca Seqalanapec. Ñi 'oonolec da qoñeeta maicheye cam dataigue da datauec, nache qaica qome ca ishet da qaltaq qami' laỹona't.

Ezequiel 7:18

Qataq ỹaayiñi naua sansattegueta alogo souaxat da nqui'ic, qataq 'enauac da lo'ocỹaxac da cholaxan qome, qataq ỹataqta napagaqtec da lasheguiỹaxac souaxat da lcoxo, qataq namarec 'enauac na lqaic.

Ezequiel 21:17

Qaq nataqa'en Aỹem seuaxaata'a't qome naua ihuaxaye choche ivitta'a da vi'iiguet da ỹayeloxo. Qaq 'era da ỹa'aqtac Aỹem Nataxala'.»