Jeremías 6:23 - La'aqtaqa Ñim Lo'onatac 'Enauacna 2013

²³ Mashe nasoqta'a na lchecnecpi qataq na lainecpi; yemayepi ỹataqta qauemaicpi qataq qaica ca ichoxoreetac, da la'alaxac qalaq 'eeta'am da l-lamaxa aso auaxai, qataq netalec na lalo caipi. Qaq mashe lhuotta da iloquiaxan na Sión.»

Jeremías 6:23 Referans Kwoze

Isaías 13:18

Namayepi irolec qome aca lchecnapi da huañi naqa'en na nsoxoppi, qataq saishet da ichoxonnai' natai' ñaq cheta'ague da ñiguiñipi, qataq sa ichoxoreetac na laỹepi ñaqpiolec.

Jeremías 50:42

Nachetac na lo'ogoxonaxat lchecnecpi qataq ana lataquiaxaipi, namayepi ỹataqta qauemaicpi qaica ca ichoxoreetac, da la'alaxac qalaq 'eeta'am da lauaxanaxa aso auaxai, namayepi anacta netalec na lalopi caipi. Ỹataqta lhuotta da iloquiaxan ye Babilonia.

Jeremías 30:14

'Enauac nam 'anauonaxauapi 'am icoua'ai, mashe saishet da 'am qochetega. Cha'aye Aỹem 'am seque'emaqchet, sheeta'am ca 'ampa'aguenaxaua, sauo'o so lta'araic 'anhuaxanaguec, souaxat na qalota qauem maye 'auo'otpi. Qataq souaxat nam qalota 'arasouaxashetpi.

Jeremías 5:16

Qaq camayepi 'enauac da 'añaxaicpi alaataxaicpi, nam lo'ogoxonaxatpi qalaq naigui da nleuaxa.

Jeremías 4:29

Qaq qom qaỹa'axaỹa da la'alaxac ca netalec na caipi, qataq cam checna lo'opi, nache 'enauac qome na shiỹaxauapi datauec, nqañoxotoigui na aviaq, qataq quisheguemec ana coma'pi, qaq 'enauac na huaqta'a't nỹecpi maye ỹotta'a't naua nañalo qanayeca'ai, nache qaica qome ca netaigui namayepi.

Jeremías 4:13

Ña qauloỹa nam pa'aguenaxauapi mashe anacta, 'eeta'am na lo'oc na piguem, ana nnaigonapi maye nalaataxaquipi qalaq 'eeta'am ana daua'ache, qaq na lalopi caipi qalaq ỹataqta qayaqaicpi napacalec na vi'icpi. ¡Choxoraiqolqa qomi' mashe seqataq!

Isaías 19:4

Qalaxaye yem Egipto le'ecpi saneguet qome cam nataxala' maye ỹataqta qaramchigui, cam nta'a maye qaica ca iren da yaqto' ilo'ogue yemayepi.» Qaq 'era da la'aqtac Ñim Nataxala' maye Qaica ca Ỹaqalanapec.

Deuteronómio 28:49

Ñim Nataxala', 'am namaxa qome ca shiỹaxauapi maye chegaqa'a ca ỹataqta qaỹoqta 'alhua, qaq camayepi ỹataqta sailaua'ague 'eeta'am da naloxoyaxac ca taga' da huaỹotac, cam shiỹaxauapi maye saq 'aua'axaigueta naua la'aqtaqa,

Isaías 10:32

Qaq nachena na na'a'q da vi'iiguet na asiiriopi hua'a ye Nob, qaq damaye la'anaxat da iloquiaxan añi qasoxonaxa Sión, qataq añi lcomaraxalate ye Jerusalén.

Isaías 17:12

¡Ña qana'axaỹaxañiỹa da lta'araic l-lamaxa nam qalota shiỹaxauapi, da l-lamaxa maye 'eeta'am da l-lamaxa aso auaxai! Qaq de'era nachera da l-lamaxa nam ỹotta'a't shiỹaxauapi, maye 'eeta'am da l-lamaxa ca qalota 'etaxat.

Jeremías 6:4

Nache 'enapec qome: «¡Qanaỹamaxache da yaqto' seloquiaxai' namayepi! ¡Qauanaqui qome yaqto' seloquiaxanaq namayepi qom na'a'q laiñi! Qalaxaye, ¡aicoue! Ye mashe avit, qataq na lpaqal mashe qaỹoqteueegue.

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.

Ezequiel 21:31

Aỹem 'am sematalec qome da ỹayeloxo, 'eeta'am ca chaqaic norec, qataq 'am saneguet da lhuaqỹaxac na shiỹaxauapi maye qauemaicpi, qataq sanqalat da huo'o na ilaxachigui.

Jeremías 4:16

«Qauqachiỹa na ỹotta'a't shiỹaxauapi qataq qaua'aqtaxañim ye Jerusalén, da chegoqchiguiña qome ca qaỹoqta 'alhua ca npa'aguenaxauapi, nache ỹa'alaqtalec da nalaataxac da iloquiaxan ye Judá.

Jeremías 8:16

¡Mashe anacta na qampa'aguenaxauapi! ¡Mashe dachemnaxaata'aguet na lalopi caipi, chegoqchiguiña ye Dan! Naxa da nỹen, nache cholaxan na 'alhua. Anac da nlaxaañi ne'ena 'alhua qataq 'enauac nam huetalec namaye, nam huaqta'a't nỹecpi maye ỹotta'a't na nañalo qataq nam hueta'a namayepi.

Jeremías 25:32

Ñim Nataxala' maye Qaica ca Ỹaqalanapec, 'eeta': «Ca qauem maye nvira qome nam ỹotta'a't shiỹaxauapi, camaye queta qome nache ivira'a ca laỹepi shiỹaxauapi, qataq anac qome ca la'at lta'araic, chegoqchiguiña cam loga't ana 'alhua.»

Jeremías 50:41

Anac qome ca ỹotta'at shiỹaxauapi maye 'añaxaicpi, qataq ca qalota nta'alpi chegaqa'a cam ỹataqta qaỹoqta 'alhua maye pa'aigue da sheu'.