Jeremías 6:21 - La'aqtaqa Ñim Lo'onatac 'Enauacna 2013

²¹ Qaq ỹoqo'oye Ñim Nataxala' 'enapec: «Aỹem so'otec qome ne'ena nhuo' le'ecpi da depoxolaxaañi qataq huañi. Na nta'alpi, na ñalaqpi, na nhuoreuapi qataq nam auochaxauapi 'enauac qome da ileu.»

Jeremías 6:21 Referans Kwoze

Isaías 8:14

Ñimaye 'eeta'am qome aca qoina da qami' nqovi'n, qataq 'eeta'am ca coma' da qaipogolaxaisop, qataq nacheñi ñim huerañi qome naqa'en soua dos nta'al na Israel, qataq Ñimaye 'eeta'am qome aca qoina da loxonec nam hueta'a ye Jerusalén.

Ezequiel 3:20

Qaq nataqa'en ishet da huo'otaq huo'o ca ỹale no'on da lataxac da ỹaxaañi da no'on lataxac nache ỹo'ot na qauem, qataq da sa'aqta'a da huañi, qaq 'am da huo'otaq sa 'aua'aqtaxanem camaye, nache camaye ileu. Qaq Aỹem saishet da shectega nam no'on maye ỹo'ot, nache camaye ileu souaxat na lasouaxashetpi, qalaxaye 'am 'aupa'aiguet da 'arasouaxashet da l-leuaxa camaye.

Jeremías 13:16

Qavio'oxoyeñi qome Ñim Nataxala' maye Qanatamnaxala'ai, qom saxanaxa da nvi' naqa'en ca napalaxa, qataq da qaupogolaxañiitapiguiñi da qoquiitaigui ca napalñi. Qaq qami' qauacheetaique cam yo'oqchiguiñi qalaxaye Ñimaye nmeneguet qome naqa'en cam sansattec napalaxa qataq ỹe'eguelaxa naqa'en da ỹataqta napalñi.

1 Pedro 2:8

Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!

Romanos 11:9

Nataqa'en setaxaỹaxanaqtac da la'aqtac so David maye 'eeta': «'Onaxaico' qome da naua laponaxaco namayepi qalaq ỹe'eguelaxa da 'eeta'am aca nqoinapi qataq ca naleguecpi, yaqto' Ñim Lo'onatac 'Enauacna qome sa ỹaỹamaxaren, nache ỹauo'o ca nhuaxanaguec.

Romanos 9:33

Ana nere maye huetalec na la'aqtacpi Ñim Lo'onatac 'Enauacna Ñimaye 'eeta': «Aỹem sanaña qome ye Jerusalén ca 'oonolec coma'. Qaq camaye qome qalota na depoxolaxaisop qataq huañi naqa'en. Qalaxaye Ñim Lo'onatac 'Enauacna sa ỹatenachet 'enauac nam pi'iỹa'a Ñimaye.»

Ezequiel 5:10

Qaq nam shiỹaxauapi maye 'am netaigui, huo'o qome ca nta'alpi da chec ca llalaqpi, qataq huo'o ca ñalaqpi da chec ca lta'alpi. Aỹem sacoolec qome da so'ot ca 'anhuaxanaguec, qaq ca lca'alaxaicpi qome qalaq selagaxaalec ana 'alhua.

Jeremías 21:7

Ime, nache ñi Sedequías maye nta'a ye Judá saneguet qome da lhuaqỹaxac ñi Nabucodonosor, qataq saneguet na laỹepi mpa'aguenaxauapi maye qauemaicpi, nache l-llañe' na lataxala'pi qataq na nalleppi, qataq na shiỹaxauapi maye lca'alaxaicpi ne'ena huaqta'a't nỹecpi qom ime que'eca napiina qataq ca alaataxac qataq ca nqouaxa. Aỹem so'otec qome da saishet da qaichoxonnai' da qaỹalauat qairolec ca ỹeelonec. Qaq 'era da ỹa'aqtac Aỹem Nataxala'.

Jeremías 18:21

¡Qalaxaye nagui, 'auo'ot qome da nam llalaqpi namayepi ilem na lqouaxa, huo'otaq da ilem ca ỹeelonec, qataq 'auo'ot da pa'aipi qataq qaica ca llalaqpi ana lhuapi namayepi! ¡Qataq na ỹalleppi maye lhuapi anamayepi ỹalauat qome ca napiina, qataq na nsoxoppiolec ileuaigui qome ca alaataxac!

2 Crónicas 36:17

Qaq huaña nache Ñim Nataxala', ỹamaq so lta'a so caldeopi da iloquiaxan somayepi, nache irolec so ỹeelonec so nsoxoppi, huaigui naqa'en aso atamnaxaqui, nache saishet da ichoxoreetac se'eso nsoxoppi, qataq so qa'ampiolec, qataq so ỹa'axaiquipi, qataq som sara'añeeguelo naua lchel, qaq 'enauac somayepi da Ñim Nataxala' ỹaneguet da lhuaqỹaxac somaye.

Levítico 26:37

Qataq ỹe'egueetega'tpi, 'eeta'am ca dataueeguesop ca alaataxac, na'aictaxa da qaica ca ncaatague', nache qaica ca 'oonolec da qoñiita ca ishet da dataỹa'aguet ca npa'aguenaxauapi.

Jeremías 8:12

¡Qamaq iuen taxa da huo'o da la'agaxa da ỹo'ot de'era maye sa sesheteguet! ¡Qalaxaye namayepi qaica ca la'agaxa! Ỹoqo'oye qom sauo'o ca nhuaxanaguec, nache depoxolaxaañi qataq huañi, 'eeta'am so laỹepi. Qaq 'era da ỹa'aqtac Aỹem Nataxala'.

Jeremías 13:14

Ime, nache selaxachigui qome namayepi, 'eeta'am ñaqa'en aca naco'oña, huaña nache ñi 'oonolec dataỹa'aguet ñi lỹa, nataqa'en na nta'alpi qataq ca ñalaqpi. Qaq Aỹem saishet qome da sechoxoreetac, qataq saishet da sechoxoreetac da selaxachigui. Qaq 'era da ỹa'aqtac Aỹem nataxala'.›»

Jeremías 18:23

Qalaxaye 'am Nataxala', 'auaỹaten 'enauac nam lapaxañipi namayepi da yaqto' aỹem ỹalauat. ¡Qaq saishet qome da 'auchoxoreetac souaxat nam qauem maye ỹo'ot, qataq saishet da 'aucoua'ai na lasouaxashetpi! ¡Qaq huañi qome 'anqa'en namayepi, qataq 'auauo'o ca nhuaxanaguec 'aurolec da 'arayeloxo!

Isaías 8:15

Nache qalota qome ca pogolaxaañi, huañi qataq ileu, qataq qalota ca loxonec aca qoina, qaq huaña nache netaigui acamaye.»