Jeremías 6:19 - La'aqtaqa Ñim Lo'onatac 'Enauacna 2013

¹⁹ 'Am 'alhua, ñaq Aỹem 'ana'axaỹaxana: Aỹem ñanacot qome ca qauem da talec ñaqa'en ne'ena nhuo' le'ecpi, maye naigui nam qauempi maye lapaxañi, cha'aye sa ỹalaxagueta naua ỹa'aqtaqa, nacherata da ỹo'ota'n naua iqataxaco.

Jeremías 6:19 Referans Kwoze

Isaías 1:2

'Am piguem qataq 'am 'alhua, ña qana'axaỹaxañiỹa da la'aqtac Ñim Nataxala' maye, 'eeta': «Aỹem saqchet co'ollaxa so ỹalaqpi, nache seviraxata'a da ỹepi ñaqa'en, qalaxaye somayepi aỹem dataỹa'aguet co'ollaxa.

Hechos 8:22

Chaqrata da 'aỹa'axaañi da 'aye'etaxaloxo, qataq 'anachoxonnot Ñim Lo'onatac 'Enauacna, shapegueto' qom ishet da 'am ichoxoren, nache ỹapalaxat da qauem lhuennataxa añi 'arquiyaqte.

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Jeremías 8:9

Qalaxaye ne'ena ỹaanaxanaxaicpi qaica qome ca la'amaqchec, qataq qaicolanaqchet, 'eeta'am ca shiguiỹac maye nqoishec. Qaq ¿hueta'ague cam laỹaanec, ye saishet da ỹaconegueta naua ỹa'aqtaqa?

Juan 12:48

Qaq ca Aỹem ỹo'otan, qataq saishet da ỹo'o't naua ỹa'aqtaqa, camaye sogote da huo'o qome ñim ỹo'ot ca nhuaxanaguec. Cha'aye naua ỹa'aqtaqa maye ñasaxarec, nachenaua qome naua ỹo'o't ca nhuaxanaguec na shiỹaxauapi ca pa'atec na'a'q.

Miqueas 6:2

Qami' qasoxonaxapi qataq qami' maye qami' no'oxootaleguete ana 'alhua, ñaq qana'axaỹaxañiỹa da ncotaxac Ñim Nataxala', cha'aye Ñimaye taỹa'a da nmit na lalamaxat nhuo' le'ecpi, qataq ncotaỹapegue' qome na Israel le'ecpi.

Oseas 10:13

Qalaxaye qami' qaỹa'añiiñi da qauem, nache qami' taleguete da sa ỹaỹamaxañi lataxac, qataq qolliquiitac na chegaqaigui da natenataxanaxac. Qaq cha'aye qaupi'iitega anam naigonapi maye alaataxaquipi, qataq nam qalota alleppi alaataxaicpi,

Oseas 4:6

Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Jeremías 22:29

¡'Alhua, 'alhua, 'am 'alhua, ñaq 'ana'axaỹaxana da la'aqtac Ñim Nataxala'!

Jeremías 6:10

Qaq aỹem shenapec. «¿Negue't ca aỹem hua'axaỹa da sa'axatem qataq sanem de'era na'axaỹaxac? Ye namayepi ỹapotaguilo naua ltela lauaco, nache saishet da hua'aqa, namayepi ỹe'eeta'ape naua 'ara'aqtaqa qataq saishet da ỹamanegueta.

Jeremías 19:15

«Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'enapec: ‹Aỹem ñamaxa qome ne'ena huaqta'a't nỹecpi, qataq 'enauac nam netalec ne'ena 'alhua, cam nhuaxanaguec maye sa'axatta'a co'ollaxa, cha'aye namayepi ỹacona da qaramchigui da yaqto' saỹalaxagueta naua ỹa'aqtaqa.›»

Isaías 66:18

Cha'aye aỹem ỹataqta saỹateeta nam ỹo'ottacpi qataq nam lhuennataxacpi. Qalaxaye mashe ivita yem laloqo' da llaỹona't nam ỹotta'a't shiỹaxauapi qataq nam ỹotta'a't naua la'aqtaqa, qaq namayepi anac qome nache ỹauaachigui da ỹo'oxoyec.

Isaías 59:7

naua lapia'ate qalaq taigueta da nqalgoqtague' na qauem, qataq nqalgoqtague' da icoldec naua ltago'q cam qaica ca ỹasouaxat. Naua lhuennataxaco qalaq nda'a't da tatapigui lauel da lalaataxanaxac, naua lqauaxaqui' da jec qalaq nda'a't da no'onaxatañi nam ilaxachiguipi qataq nam nlaxaañi.

Proverbios 28:9

Ñim Lo'onatac 'Enauacna sa ỹaconeguet da natamnaxac, ca sa ỹalaxagueta naua lqataxaco Ñimaye.

Proverbios 15:26

Ñim Nataxala' saisheteguet na lhuennataxacpi na qauemaicpi, qalaxaye ỹamaategueta naua na'aqtaqa 'onaxaiqa.

1 Samuel 15:26

Nache so Samuel 'enapeco': Aỹem saishet da 'am ñenaicapegue', cha'aye mashe sa 'auaconeguet da lamaxasoxonaxac Ñim Nataxala', qataq Ñimaye mashe saishet da 'am ishetaxateguet da 'am lta'a naqa'en na Israel le'ecpi.

1 Samuel 15:23

Ỹataqta qauem da sa qaỹalaxaguet Ñimaye, 'eeta'am da 'eetec da qainattac ca ilaviigui ca lỹa qataq 'eeta'am da qanatameetacot ca atamnaxala'pi. Qaq cha'aye 'am saishet da 'auaconegueta naua lamaxasoxonaxaco Ñimaye, qaq Ñimaye nataqa'en saishet da 'am ỹaconeguet da 'am nta'a.»

Deuteronómio 32:1

'Am piguem, ña 'ana'axaỹaxaañi, cha'aye setaqa, 'am 'alhua, ñaq 'ana'axaỹaxanalo naua ỹa'aqtaqa.

Deuteronómio 30:19

Qaq nagui ỹauaachigui ñaqa'en na piguem qataq ana 'alhua da qami' sanema da qalca'aiua'a da nca'alaxa huo'otaq da nleuaxa, da no'on huo'otaq da qauem. Qaq no'on qome da qalca'aiua'a da nca'alaxa, yaqto' qanca'alliitauec qome, qataq ca qami' chegoxogueta,

Deuteronómio 4:26

Ỹoqo'oye nagui ana 'alhua qataq na piguem hua'aqchigui ñaqa'en da ỹa'aqtac da sa qaỹaloq qome da qami' imereuo, qom mashe qoñiitalec yi'iye 'alhua maye pa'aitague da le'ego ye tala Jordán. Qataq saishet qome qaỹoqtegue da qoñiitalec yemaye.

Jeremías 4:4

Qami' shiỹaxauapi maye qoñiitaña na Judá qataq na Jerusalén, qauo'oche qome ca na'anaxat da qaro'ocỹaxaqui, qataq aỹem qauauattoñeeta da Aỹem Nataxala', qauachiỹaiguilo naua qarquiyaqtelli' da la'anaxat da aỹamaxataxac, cha'aye saiuena'a da souaxat cam qauem maye qauo'oche, nache da 'eroigui da inogoxonaxac, 'eeta'am ca norec qataq 'erangui damaye, nache qaica ca ishet da ỹalamat.

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Jeremías 6:18

Qaq ỹoqo'oye Ñim nataxala', 'enapec: «Qami' ỹotta'a't shiỹaxauapi qana'axaỹaxañi qome, qauaỹaañiita qome da talec na ỹalamaxat nhuo' le'ecpi.

Jeremías 11:11

Qaq ỹoqo'oye Aỹem ñamaxa qome namayepi cam qauem nache saishet qome da huo'o ca ỹet. Qaq na'aictaxa da ỹa'alaqtagui da Aỹem iỹaxaatacot da setauan, qalaxaye saishet qome da sa'axaỹa namayepi. Qaq 'era da ỹa'aqtac, Aỹem Nataxala'.

Jeremías 15:6

'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.

Jeremías 19:3

Nache qoneta': ‹Qami' nta'alpi na Judá, qataq qami' maye qoviita'a na Jerusalén, qana'axaỹaxañiỹa de'era la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': Aỹem ñamaxa qome ca ỹataqta lta'araic lchec ne'ena nma', qaq 'enauac qome cam hua'axaỹa da qaỹa'axat camaye, nache dauaxanguilo naua ltela lauaco.

Jeremías 29:19

Cha'aye saishet da qaualaqaiguet dam ivitaqtaxanaxac maye qami' sanema co'ollaxa chegoqchigui ñaqa'en som ỹamaxashecpi maye ỹa'aqtaxanaxanecpi, maye qalota naxa da qami' ñamaxalo qalaxaye qami' saishet da qana'axaỹaxañiỹa. Qaq 'era da ỹa'aqtac Aỹem Nataxala'.

Jeremías 49:37

Aỹem so'ot qome da cholaxan ye Elam qom dataỹa'aguet na mpa'aguenaxauapi maye huotaique da ỹalauat, qataq ñamaxa qome ca lta'araic qauem, qataq talec ñaqa'en da ỹayeloxo yemaye, nache ñamaxa ca alaataxac, nache ivitta'a qome da imauec da nlachiguiñi. Qaq 'era da ỹa'aqtac Aỹem Nataxala'.

Amós 2:4

Qaq Ñim Nataxala', 'eeta': Na Judá le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye sa ỹaconeguet nam lapaxaguenataxanaxacpi Ñim Nataxala', qataq sa ỹalaxagueta naua lqataxaco Ñimaye, nacherata da natameetacot nam ỹaqa'a atamnaxala'pi, maye natameetacot co'ollaxa so hua'au lta'alpi.

Miqueas 1:2

Ñaq qana'axaỹaxañiỹa de'era, 'enauac qami' nhuo' le'ecpi, qataq 'enauac qami' shiỹaxauapi maye qoñeetalec ne'ena 'alhua, Ñim Nataxala', maye netaña añi lalamaqte qui'itta atamnaxaqui, nacheñi ñim da'aqtaxan qome da qami' dataỹa'agueta.

Isaías 5:24

Qaq ỹoqo'oye 'eeta'am qome ca norec da ỹavicta naqa'en ca 'auaqpi deqaqta, qataq na le'eraxa camaye da chepchiguiñi naqa'en ana deqaqta laue ana qo'oipaq, qaq nache 'eetec qome namayepi da imeuo, 'eeta'am aca qo'oipaq da lto na lpa'a'pi, qataq ana lauoxo nlaguiñi nache nañigui namoxoỹaxa, cha'aye sa ỹalaxagueta naua lapaxaguenataxanaxaco qataq naua lamaxasoxonaxaco Ñim Nataxala' maye Qaica ca Ỹaqalanapec, Ñim Qui'itta Natamnaxala' na Israel le'ecpi.

Jeremías 4:16

«Qauqachiỹa na ỹotta'a't shiỹaxauapi qataq qaua'aqtaxañim ye Jerusalén, da chegoqchiguiña qome ca qaỹoqta 'alhua ca npa'aguenaxauapi, nache ỹa'alaqtalec da nalaataxac da iloquiaxan ye Judá.

Jeremías 8:5

Qaq 'am Israel, ¿ta'ainco' ye aỹem qoca'ai? 'Am Jerusalén ¿ta'ainco' da nache qoqueto'ot da Aỹem sa 'auaconeguet? ¿Ta'ainco' da 'auacona da sa 'aualaq, nache saishet da aỹem 'añe'eguelaxa?

Jeremías 21:14

Aỹem sauo'o qome ca qanhuaxanaguiqui maye taiguet nam qauo'oche, qataq savigaxat na qaralamaxache aviaq, qaq que'eca norec ỹavigaxat qome 'enauaque naua loiguiye. Qaq 'era da ỹa'aqtac, Aỹem Nataxala'.›»

Daniel 9:11

'Enauac na Israel le'ecpi saỹalaxaguet na 'arapaxaguenataxanaxacpi qataq 'aramaxasoxonaxacpi, ỹoqo'oye qomi' taleguete dam qauem, qataq da qoỹan co'ollaxa na'aqtac, maye nanettalec aso lmalate na lamaxasoxonaxacpi so 'aramaxashec Moisés, cha'aye huo'o da qarasouaxashet 'am hueto'ot.