Jeremías 6:16 - La'aqtaqa Ñim Lo'onatac 'Enauacna 2013

¹⁶ Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Jeremías 6:16 Referans Kwoze

Isaías 30:21

Qaq da huo'otaq qoquiigue nam pa'aỹa'ague da qo'oiqui, huo'otaq na qane'emaqai, nache qaua'aqaỹa qome ca na'aqtac chemaxague da qauachegoqoỹa'ague, 'eeta': «'Ena na nqa'aic nache qoquiitegue namaye.»

Jeremías 18:15

Qalaxaye na ỹalamaxat nhuo' le'ecpi Aỹem icoua'ai, nache ỹaatacot na saq'en atamnaxala'pi na lchenaxanaxat maye ama na laita, Namayepi iqataqchet so nqa'aic, som nqa'aic maye togoshaapec, nache quetegueto naua saq 'amaqtaq nqa'aico maye saqaỹauatto'n.

Deuteronómio 32:7

'Auennate qome da 'auachegoqta'ague, 'antoueeta'ac qome soua hua'au' vi'iye, ñaq 'anat ca 'arta'a da yaqto' 'am da'aqtaxanem, qataq na nqueroxonecpi da yaqto' ỹa'axat.

Jeremías 7:23

Qaq nacherata da samaxalec, da Aỹem ỹalaxaguet, qaq da 'eetec de'era, qaq nachaỹem da Aỹem Natamnaxala', qataq nache ỹalamaxat se'eso nhuo' le'ecpi. Qaq shenapega somayepi da ỹalaxalec dam samaxalec yaqto' no'on da llecỹaxac.

Colosenses 2:6

Qami' mashe qauasacheeguet So Jesucristo da ỹauo'oi qami' lalamaqa'ate qataq nacheso So Qarataxala'ai. Qaq ỹoqo'oye qanpogoxoiñiỹapegue' da qami' ỹaỹamaxareete' Somaye.

Isaías 2:5

¡Qolaq, qami' Jacob llalaqpi, qolaqtaigui qome da lcoỹaraxanaxac Ñim Nataxala'!

Juan 12:35

Nache So Jesús 'enapega somayepi, 'eeta': –Ñaq cara'acolec da qami' hueta'agueta nam lcoỹaraqte ana 'alhua, qalaxaye sa qaỹaraue'c caua na'axa'te da qami' hueta'agueta. Qaq ỹoqo'oye qauqueuoitapigui' nagui da ñaq huo'o na yo'oqchiguiñi, yaqto' saishet da qami' ique'elaxa't ca napalaxa. Cha'aye cam queuotapigui na napalaxa, camaye saishet da ỹaỹaten cam tata'ague.

Jeremías 18:12

Qaq namayepi qome 'am 'enapega, 'eeta': «¡Saishet qome da qomi' 'aume'egueta! Cha'aye qomi' saỹamaxarenaqta da so'otaqtac ca maiche shenaqtapeguec, qataq nache qolaqto'ot qome da so'otaqta'ape naua qauema lhuennataxaco da qarquiyaqteỹaxac.»

Jeremías 22:21

Aỹem 'am setaqtecot co'ollaq qouetaigui da qaica ca 'auena'a, qalaxaye 'am saishet da Aỹem 'ana'axaỹaxana. Qaq nache qoneta'ac de'era chegoqta'a co'ollaq saxanaxa da 'am ỹe, da saishet da Aỹem 'aualaxaguet!

Jeremías 44:16

Qomi', saishet da salaxasoxoguet de'era qomi' 'andota'alo, maye qonetega la'aqtaxanaxac Ñim Nataxala'.

Hebreos 11:2

Ñim Lo'onatac 'Enauacna ỹaconeguet so hua'au qarta'alpi, souaxat da huo'o da lpi'iỹaxac.

Juan 13:17

Qaq qami' da qauaỹaañita de'era, nache qauo'oche, qaq huaña, nache ỹataqta qauamaichiguiñi.

Malaquías 4:4

Qantoñeeta'aque qome, naua iqataxaco maye sanema co'ollaxa so ỹamaxashec Moisés, co'ollaq huaña añi qasoxonaxa Horeb, naamaye nachenaua na llapaxayiñi lataxaco, qataq ỹamaxasoxonaxaco da yaqto' 'enauac na israel le'ecpi iuen da ỹalaxaleguete.

Hebreos 6:12

Qataq sa saỹamaxarenaq da qavi'eguelaqaỹa da qami' hualaicpi. Nachaqrato' da saishet da huo'o ca huaña da qauqolectaxañi, qoquiitegue da lataxac som huo'o da lpi'iỹaxac Ñim Lo'onatac 'Enauacna, cha'aye da nache qoñiitec de'era, nache qauacoñiiguet dam qami' ỹachaxanapeguema Ñimaye.

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

Lucas 16:29

Qalaxaye so Abraham ỹasateguet somaye, 'eeta': «Caua 'arqaỹa't mashe hueto'oto ana nere maye huetalec na la'aqtacpi Ñim Lo'onatac 'Enauacna. Qalaq ¿ta'ainco' da saishet da itaxaỹaxa'n? Qataq ¿ta'ainco' da saishet da ỹalaxagueta?»

Isaías 28:12

Cha'aye Ñimaye mashe 'enapega co'ollaxa namayepi, 'eeta': «'Ena na hueta'a da ñe'emaxa, 'ena na mataqa', qaq nmatec qome cam nasamñi.» Qalaxaye namayepi saishet co'ollaxa da ỹalaxaguet Ñimaye.

Juan 5:39

Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape,

Hechos 17:11

Qaq se'eso judiopi maye hueta'a yemaye ỹataqta soxoraicpi, saishet da 'ena'am nam netaña ye Tesalónica. Co'ollaq na'axaỹaxana da no'on na'axaỹaxac maye na'aqtaguec So Jesús, nache ỹataqta lta'araic da ntonaxac. Ỹoqo'oye 'enauaque naua na'axa'te itaxaỹaxaatac ana nere maye huetalec na la'aqtacpi Ñim Lo'onatac 'Enauacna da huotaique da ỹaỹaten da ỹoqta 'eesa de'era qaỹa'axattac.

Romanos 4:12

Qalaxaye so Abraham nataqa'en lta'a nam huo'o na na'anaxat na lo'oc, qataq huo'o da lpi'iỹaxac Ñim Lo'onatac 'Enauacna. Qaq de'era ỹachaxan da namayepi quetague' da lataxac so Abraham co'ollaq saxanaxa da qaỹauo'o ca na'anaxat na lo'oc.

Jeremías 2:25

¡'Am Israel saishet qome da qaicaua caua 'arapela'ate cha'aye ishet da 'auque'emaq, qataq saishet da deqaqtegue 'anqa'en na 'arqosot souaxat na 'araquip! Qalaxaye 'am qonapec: ‹'A'i saishet, cha'aye aỹem sauotec nam ỹaqa'api atamnaxala'pi, nache aỹem seca'ategue namayepi.›»

1 Reyes 8:36

nache 'am, maye qoneto'ot na piguem, 'aua'axaỹa qome namayepi, qataq 'auapalaxat ca lasouaxashet na 'aramaxashecpi, qataq nam 'aralamaxat nhuo' Israel le'ecpi, nache 'auapaxaguenec qome da quegue da no'on ñecỹaxac. Qataq 'anamaq qome ca auot da yaqto' talec 'anqa'en na 'alhua, maye 'aỹa'anem co'ollaxa ne'ena 'aralamaxat nhuo' le'ecpi da yaqto' lalamaxat 'anqa'en.

Salmos 116:7

Qaq nagui, she'eguelaxa da she'emaqtac, cha'aye Ñim Nataxala' aỹem ỹo'otec da no'on,

Jeremías 12:16

Cha'aye 'eesa da namayepi ỹapaxaguenec co'ollaxa na ỹalamaxat nhuo' le'ecpi da ỹanot da la'aqtac so Baal, qalaxaye nagui ishet da ỹalegoigui na ỹalamaxat nhuo' le'ecpi, da ỹoqta 'eesa da ỹaconeguet da la'amqaanataxanaxac na ỹalamaxat nhuo' le'ecpi, qataq da ỹan ca la'aqtac da ỹachegoxotchigui da ỹe'enaxat da, 'eeta': ‹Nca'altauec Ñim Nataxala'.›

Jeremías 31:21

'Am Israel 'auauo'o na la'anaxatpi na nqa'aic yaqto' saqalaq da qaltaq 'auanata qome, ñaq 'aumeteeta nam nqa'aic maye qoquetague' co'ollaxa. ¡Ñaq 'añe'eguelaq qome 'am Israel, ñaq 'añe'eguelaxa na 'aralamaxat huaqta'a't nỹecpi!

Jeremías 42:3

Ñaq 'anachoxonnot Ñim Nataxala' maye 'Anatamnaxala', da qomi' ỹapaxagueneque cam nqa'aic maye iuen da qolaxague, qataq cam iuen da so'otaq.

Jeremías 50:5

Denataxaataique qome ca nqa'aic maye taỹa'ague da Sión, ime nache jec da taỹa yemaye nache, 'eeta': ‹Ñeqo'onaxa Ñim Nataxala', nache sauoqo'o ca chochaq tatec qanaỹamaxataxac maye saishet qome da icoua'ai Ñimaye.›

Jueces 2:17

Qalaxaye so Israel le'ecpi ñaqaiyeta saishet da ỹoqocha'a se'eso nataxala'pi, nacherata da nañaneguet da natameetacot so ỹaqa'a atamnaxala'pi, nache ca'ai da llecỹaxac som hua'au lta'alpi, maye ỹataqta ỹalaxaleguete co'ollaxa naua lamaxasoxonaxaco Ñim Nataxala', qaq somayepi nache saishet da ilolec da lataxac somayepi.

2 Crónicas 19:11

Qaq so lataxala' so ntaxaỹaxanaxanecpi Amarías, nacheso so ilo'ogue nam lataxacpi da ño'oxonnataxanaxac, qaq so Zebadías, som llalec so Ismael, maye lataxala' som chegoxoguetpi so Judá, nacheso so ilo'ogue da lataxac nam lo'onataxanaxacpi so nta'a, qaq nam leviitapi nataqa'en qami' itauaata'ape qome. Qaq ỹoqo'oye qana'añaxache qome nache qauacoñiilec da no'onataxanaxac, cha'aye Ñim Nataxala' hueta'aguet ca ỹo'ottac ca no'on.»

Isaías 46:9

ña qauennachiỹa'a som so'ot co'ollaxa maye huaiguilo soua qaỹoqteguelo vi'iye. Aỹem, nachaỹem Atamnaxala', qaq qaica ca lỹa, aỹem Atamnaxala' qaq qaica ca lỹa da sheeta'am.

Isaías 57:2

qalaxaye namayepi inoxoneua'a da nlagaxayec. Cha'aye quetegue co'ollaxa da no'on ñecỹaxac, qaq nagui qalaq huetangui añi nhuachiqui da nmatteguec.

Jeremías 7:3

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi maye, 'eeta': Qano'onaxache da qarataxaqui qataq dam qaro'onataxanaxaqui, nache Aỹem qami' sa'aqta'alo qome da qoñiitalec ne'ena 'alhua.

Jeremías 7:24

Qalaxaye saishet da Aỹem ỹalaxaguet qataq saishet da Aỹem qocha'a, nacherata da saỹalaq nache queueegue da qauem lquiyaqteỹaxac. Qaq saishet da aỹem ñe'eguelaxa, nacherata da aỹem ca'ai.