Jeremías 6:15 - La'aqtaqa Ñim Lo'onatac 'Enauacna 2013

¹⁵ ¡Qaq iuen taxa da huo'o da la'agaxa da ỹo'ottac nam qauem maye seqaiga! Qalaxaye namayepi qaica ca la'aloxo qaq ỹoqo'oye qom sauo'o ca nhuaxanaguec namayepi nache huañi qome, 'eeta'am na laỹepi shiỹaxauapi. Qaq 'era da ỹa'aqtac Aỹem Nataxala'.»

Jeremías 6:15 Referans Kwoze

Jeremías 8:12

¡Qamaq iuen taxa da huo'o da la'agaxa da ỹo'ot de'era maye sa sesheteguet! ¡Qalaxaye namayepi qaica ca la'agaxa! Ỹoqo'oye qom sauo'o ca nhuaxanaguec, nache depoxolaxaañi qataq huañi, 'eeta'am so laỹepi. Qaq 'era da ỹa'aqtac Aỹem Nataxala'.

Mateo 15:14

Qaq ỹoqo'oye saishet qome da qauqocheetega na fariseopi: cha'aye namayepi 'eeta'am ca sanauaañi da ỹauecta'aguet ca lỹa sanauaañi, qaq cam sanauaañi da huo'otaq ỹauecta'aguet cam 'eeta'am sanauaañi, nache caamaye ishet da 'enauaque da tayingui aca nshere.

Jeremías 3:3

Ỹoqo'oye qaỹaloqta da huo'o ca auot qataq qaica ca auot ye nauoxo. 'Am qoneta'am da lataxac aca quisheguetaxai, ¡Qamaq ishet taxa da huo'o da 'arcoxo!

Filipenses 3:19

Ne'ena shiỹaxauapi namayepi taỹa'a da qaỹasaxaña cam nhuaxanaqa' na 'etaxaloxoicpi. Cha'aye nda'a't da quetague' da ño'oxonnaxac da huo'o ye ỹo'ot, cha'aye da ỹoqta ỹaỹateeta taxa, nache huo'o da la'agaxa. Qataq namayepi nda'a't da iuennatega na qauem maye huetalec ana 'alhua.

Sofonías 3:5

Qalaxaye Ñim Nataxala' hueta'a ne'ena huaqta'a't nỹecpi; Ñimaye ỹo'ot da no'on, qaq saishet da ỹo'ot ca qauem. Qataq nacheye ye nte'eta naua na'axa'te da ỹachaxan nam huotaique da ỹo'ot, Qalaxaye cam qauemaic qalaq ỹataqta saishet da ỹauatton cam na'agaxa.

Miqueas 7:4

Qaq nam qoỹeetega no'on da lataxac maye ỹalectaigui namayepi, qalaq 'eeta'am anam qo'oipaq maye huo'o ana le, qataq nam qoỹeetega huesota da lataxac qalaq 'eeta'am aca zarza. Qalaxaye mashe anacta cam na'a'q maye huaigui da nhuaxanaguec, cam na'a'q maye ỹa'axatta'a co'ollaxa so lauanaxanaxanecpi namayepi. Huaña qome nache namayepi saỹaỹaten ca 'eetec.

Miqueas 3:6

Qaq ỹoqo'oye nache tachiguiña da saishet da huo'o ca qarauanaqchiqui ye pe, qataq da qaua'axachiỹa'a cam ñaq natauo da huaigui ca napalaxa. Qaq añi nala' qalaq 'eeta'am qome da inoxooñi nache sa icoỹarelec namayepi, nache ye na'a'q qalaq 'eeta'am da huetaigui ca napalaxa namayepi.

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Ezequiel 24:7

Yem huaqta'a't nỹecpi ỹataqta nlaxagui na ntago'q maye huecorec, qalaxaye saishet da huecorelec na 'alhua da yaqto' ỹapolec na namoxoỹaxa, nacherata da huecorelec ana coma'pi.

Ezequiel 2:4

Qaq nataqa'en na llalaqpi namayepi qaramchigui, qataq sana'axaỹaxan. Qaq 'am samaxa namayepi da yaqto' qonapega, qoneta': ‹'Era da la'aqtac Ñim Nataxala'.›

Jeremías 23:12

Qaq ỹoqo'oye da nqa'aicỹaxac namayepi, ỹataqta napalñi qome qataq salvi, qataq Aỹem so'otec qome da qaỹamaxañi nache huañi. Qom ñimit na lasouaxashetpi namayepi nache talec ñaqa'en ca qauem. Qaq 'era da ỹa'aqtac Aỹem Nataxala'.»

Jeremías 5:29

¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.

Jeremías 5:9

¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi?

Isaías 10:4

Da saishet qome da nman nache qaỹauec da qaicoñe' qataq cañe' qanqa'en cam qaỹalauatpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 3:9

Cha'aye da maiche lashiguiỹaxac nachera da ỹa'axat da lataxac namayepi, qaq saishet da ỹoxooñi nam lasouaxashetpi 'eeta'am co'ollaxa so Sodoma da imauec da ỹa'axat na lasouaxashetpi. ¡Qaq choxoraxaso' qome namayepi cha'aye iqataxaatapigui' da maiche nhuaxanaguec!

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Éxodo 32:34

Qaq ỹoqo'oye qojec qome, 'auauega ye 'alhua maye sheetega sanem yi'iye nhuo' le'ecpi. Qaq so ñale, nacheso so 'am ỹaueca'aguet qome. Qalaxaye qom ivita ca na'a'q da sauo'o ca nhuaxanaguec, nache sauo'o ca nhuaxanaguec cam huo'o ca lasouaxashet.»

Jeremías 8:9

Qalaxaye ne'ena ỹaanaxanaxaicpi qaica qome ca la'amaqchec, qataq qaicolanaqchet, 'eeta'am ca shiguiỹac maye nqoishec. Qaq ¿hueta'ague cam laỹaanec, ye saishet da ỹaconegueta naua ỹa'aqtaqa?

Jeremías 18:23

Qalaxaye 'am Nataxala', 'auaỹaten 'enauac nam lapaxañipi namayepi da yaqto' aỹem ỹalauat. ¡Qaq saishet qome da 'auchoxoreetac souaxat nam qauem maye ỹo'ot, qataq saishet da 'aucoua'ai na lasouaxashetpi! ¡Qaq huañi qome 'anqa'en namayepi, qataq 'auauo'o ca nhuaxanaguec 'aurolec da 'arayeloxo!

Jeremías 44:10

Qaq ivitta'a nagui da qami' saishet da qanaralaxache da qarataxaqui, qataq qaica ca qarcolanqai, qataq saishet da qaupaquiilec na ỹapaxaguenataxanaxacpi qataq na iqataxacpi maye qami', qataq som hua'au qarta'ailpi sanem co'ollaxa.

Ezequiel 13:14

Qataq seqalagoxotec qome ca lque maye qaua'amiñi qauauoita'a lapagaxaic, huetaiya' ñaqa'en qataq sauaalec ca lo'oxonaxala'pi. Aja', que'eca lque hua'axauec qome, qaq qami' nache qoquiỹangui qome da qaullivi. Qaq huaña qome nache qauaỹachiñi da nachaỹem maye Aỹem Nataxala'.

Sofonías 2:1

Ñaq qauataiỹa't, qataq qalapoñiỹa't qami' shiỹaxauapi maye qaica ca qara'agaqai,

Zacarías 13:4

Qaq que'eca na'a'q, na na'aqtaxanaxanecpi, huo'o qome da la'agaxa da ỹa'axattac nam lauanaqchecpi. Nache qaica qome ca datenataxan da napotaña ca lapo' na na'aqtaxanaxanecpi,

Génesis 19:34

Qaq so lỹa na'a'q, nache aso ỹe, qaltaq 'enapega aso na'asa, 'eeta': «So pe aỹem ỹauatañi' ñi qarta'a. Qaq ỹoqo'oye ne'ena pe, qaltaq setaqchetaq qome, yaqto' 'arauañi' ñimaye, yaqto' 'enauaque qomi' da huo'oi caua qochalqa chegoqchiguilo ñimaye.»

Jeremías 14:15

Qaq ỹoqo'oye Aỹem Nataxala', 'eeta' da ỹa'aqtac: «Ne'ena na'aqtaxanaxanecpi maye 'eetega ỹa'axattac da ỹe'enaxat, qalaxaye saishet da samaq namayepi, qataq 'eetega da saishet da huo'o ca alaataxac qataq ca nqouaxa ne'ena 'alhua: ne'ena na'aqtaxanaxanecpi ileuaigui qome ca alaataxac qataq ca nqouaxa.

Oseas 4:5

Nache 'am qouañi qome, qouaigui ca na'a'q, qataq ca pe, nache qocañi' ca na'aqtaxanaxanec da qouañi qataq ñelaxaañi aca 'arate'e.