Jeremías 6:13 - La'aqtaqa Ñim Lo'onatac 'Enauacna 2013

¹³ Qaq 'enauac na ỹepi qataq nam ñaqpiolec, nacherata da iuennatega da lcachaxac da chegaqaigui da lauegaxanaxac, na na'aqtaxanaxanecpi qataq na ntaxaỹaxanaxanecpi qalaq 'enauac da decachetac.

Jeremías 6:13 Referans Kwoze

Jeremías 23:11

Ñim Nataxala', 'enapec: «Nam na'aqtaxanaxanecpi qataq na ntaxaỹaxanaxanecpi ỹataqta qauem da lataxac. Cha'aye ivira'a da selalec da hueta'a añi ỹalamaqte atamnaxaqui da ỹo'ottac na qauem.

Jeremías 8:10

Qaq ỹoqo'oye Aỹem sanem qome ca lỹa ỹale ana lhuapi namayepi, qataq na na'alhua taỹot ca lỹa shiỹaxaua da ỹauo'o lalamaxat. Cha'aye 'enauac na shiỹaxauapi, na 'amaqtaqaic qataq nam qaica ca la'amaqchec, nacherata da iuennatega da lauegaxanaxac maye chegaqaigui da ncachaxac, na na'aqtaxanaxanecpi qataq na ntaxaỹaxanaxanecpi 'enauac da decachetac.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Miqueas 3:5

Da la'aqtac Ñim Nataxala', 'eeta': Ne'ena ỹalamaxat nhuo' le'ecpi isomapec da llecỹaxac, souaxat da latenataxanaxac nam saq 'en na'aqtaxanaxanecpi, cha'aye nda'a't nam iquia'axan namayepi da da'aqtaxanem da nlagaxayec, qaq nam saishet da iquia'axan namayepi nache nda'a't da npa'aguene'.

Jeremías 14:18

Da sauga na no'onaxa, nache sela'a na leuaxaicpi, nam leuaxaicpi maye huaigui so alaataxac, qaq da saigui na huaqta'a't nỹecpi, nache sela'a na shiỹaxauapi maye huotaique da ilem na lqouaxa, qaq na na'aqtaxanaxanecpi qataq na ntaxaỹaxanaxanecpi qalaq taỹa ca ỹaqa'a 'alhua maye saishet da qaỹauana.›»

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Isaías 57:17

Qaq souaxat nam qauem lqopitaxanaqtaic na ỹalamaxat nhuo' le'ecpi, nache salemata co'ollaxa qalaq saqaỹauec so ỹalemataic, nache seuaxan co'ollaxa qataq sheca'ai namayepi, qalaxaye namayepi sa ỹalaq co'ollaxa nache quegue na maiche lhuennataxacpi.

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

1 Timoteo 3:3

Qataq saishet da taxaic, qataq saishet da sa ncherapec qataq saishet da nmitta'a da cotaxac. Nachaqrata da iuen da soxoraic qataq saishet da sa lhuanguit qataq saishet da quetaigui da latenataxanaxac da nmitta'a ana anom.

Lucas 16:14

Nache hua'aqtega 'enauac de'era nam fariseopi maye ỹataqta lqopitaxat da nsallaxa, nache ỹe'eetac So Jesús.

Ezequiel 33:31

Qaq 'era da 'eetec naxa na ỹalamaxat nhuo' le'ecpi, da anac nache nso'ooñi 'am datato'ot da na'axaỹaxanalo naua 'ara'aqtaqa, qalaxaye saishet da ỹo'o't. Nacherata da ỹe'eguelaxattaleguete 'eeta'am naqa'en ca no'onec maye huetaigui da nauotaxanaqtaic, qalaxaye da lquiyaqteỹaxac quetague' da lauotaxanaqtaic ana anom plata.

Ezequiel 22:12

Qataq nam 'am netaiguipi, huo'o na ỹaỹamaxareeta da qaisheeten da yaqto' ỹalauat ca lỹa. Qataq huo'o na ỹan ana alom da qaỹa'aalaxana, qalaxaye da qaisheeten nache ỹagaqnauec añi iỹaxanaique, qataq nhuo' ca lỹa, qataq sairen ca lqaỹa, nache icoua'ai Aỹem. Qaq 'era da ỹa'aqtac Aỹem Nataxala'.

Lamentaciones 4:13

Qaq 'eetec de'era souaxat nam lasouaxashetpi so na'aqtaxanaxanecpi, qataq nam qauem maye ỹo'otpi so ntaxaỹaxanaxanecpi, cha'aye icolde'c naua ltago'q nam no'on da lataxac huangui naqa'en na laiñi ye huaqta'a't nỹecpi.

Jeremías 32:32

souaxat 'enauac nam qauem ỹo'otpi na nhuo' Israel qataq na Judá maye Aỹem inogoqchet, nataqa'en nam lta'alpi, qataq na lataxala'pi qataq na ltaxaỹaxanaxanecpi qataq na la'aqtaxanaxanecpi qataq 'enauac nam netaña na Judá qataq na Jerusalén.

Jeremías 2:26

«Qaq 'eeta'am ca cachaxaic da huo'o da la'aloxo da qaỹauanalec, qaq nache 'eetec na Israel le'ecpi da huo'o qome da la'aloxo, nataqa'en na nta'alpi qataq na nataxala'pi, qataq na ntaxaỹaxanaxanecpi qataq na na'aqtaxanaxanecpi.

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

Isaías 28:7

Qalaxaye nataqa'en huo'o na laỹepi maye ỹe'egottapigui' souaxat da nỹomaxac na lataxa, qataq pogolaxaateguiñi souaxat na ỹataqta chem lataxa, na ntaxaỹaxanaxanecpi qataq na na'aqtaxanaxanecpi qalaq ỹe'egottapigui' souaxat na ỹataqta chem lataxa, qaica ca laỹaanataxanaxac souaxat na lataxa, qataq pogolaxaateguiñi souaxat na ỹataqta chem lataxa, qataq ỹe'egottapigui' da huo'o na l-loxocpi, qataq taxaicpi da huo'o ye nmit nasouaxashet.

2 Pedro 2:1

So Israel le'ecpi huo'o co'ollaxa na 'eetega da lamaxayec Ñim Lo'onatac 'Enauacna, qalaxaye saishet da 'en. Qaq nache 'eetec nataqa'en da qoñiita da huo'o na napaxaguenataxanaq da 'eetega lamaxashec Ñim Lo'onatac 'Enauacna, qalaxaye saq 'en. Namayepi ỹan da napaxaguenataxanaxac maye saq 'en qataq huo'o da lchec, qalaxaye saishet da qananomiỹa, ivira'a da 'eetega So Jesucristo da saishet da deca'alaqtaxan. Qaq ỹoqo'oye namayepi ishet da nque'elaxatta da qailaxachigui.

Jeremías 2:29

¿Ta'ainco' da Aỹem qancotaitague', ye 'enauac da qoñiita da saishet da Aỹem qaualaqaiguet? Qaq 'era da ỹa'aqtac Aỹem Nataxala'.

Jeremías 17:11

Qaq cam desalligui da lcachaxac nache camaye 'eeta'am ca dachemi da nqapaxaaleguete caua saishet da lco'oue'ete. Nache da laiñi da nachaalataxac, nache da deqat 'enauac da lsallaxa, ime nache ivitta'a da 'eeta'am ca qaica ca ỹaỹaanapec.

Jeremías 27:15

Ñim Nataxala', ỹa'axat da saishet da lamaxashecpi namayepi. Namayepi naxa da da'aqtaxan nache choche datenataxaatapigui da le'enaxat Ñim Nataxala'. Qaq da 'eetec de'era nache Ñim Nataxala' qami' ilagaxata'ape qome, nache qami', qataq na na'aqtaxanaxanecpi maye qami' ỹa'axatema de'era qaullivi qome.»

Jeremías 42:1

Qaq 'enauac so lataxala'pi so alleppi nataqa'en ỹalectaigui so Johanán som llalec so Careaj qataq so Azarías som llalec so Osaías qataq 'enauac so shiỹaxauapi, ñaqpiolec qataq so ỹepi, nqo'ona co'ollaxa so

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.