Jeremías 6:12 - La'aqtaqa Ñim Lo'onatac 'Enauacna 2013

¹² Qaq na lma'pi, qataq na no'onaxapi qataq ana lhuapi, ỹaqa'a qome ca taỹot. Cha'aye aỹem ñauaxaỹaxaasheguem qome na ihuaq da yaqto' sauo'o ca nhuaxanaguec nam hueta'a ne'ena 'alhua. Qaq 'era da la'aqtac Ñim Nataxala'.

Jeremías 6:12 Referans Kwoze

Jeremías 8:10

Qaq ỹoqo'oye Aỹem sanem qome ca lỹa ỹale ana lhuapi namayepi, qataq na na'alhua taỹot ca lỹa shiỹaxaua da ỹauo'o lalamaxat. Cha'aye 'enauac na shiỹaxauapi, na 'amaqtaqaic qataq nam qaica ca la'amaqchec, nacherata da iuennatega da lauegaxanaxac maye chegaqaigui da ncachaxac, na na'aqtaxanaxanecpi qataq na ntaxaỹaxanaxanecpi 'enauac da decachetac.

Isaías 5:25

Qaq ỹoqo'oye Ñim Nataxala' dalemataỹa na lalamaxat nhuo' le'ecpi souaxat de'era, nache nauaxaỹaxaasheguem qome na lhuaq da yaqto' iuaxan namayepi. Qaq ana qasoxonaxapi qalaq cholaxan qome qaq na leuaxaicpi qalaq 'eeta'am ca lasogoñi da huetaiya' huetangui na nqa'aicpi. Qalaxaye da layeloxo Ñim Nataxala' saishet qome da vi'iiguet, nache queto'ot da lasauaqtaxanaxac.

Sofonías 1:13

Qaq ỹoqo'oye, qaiuotaxanec qome na lalamaxatpi, qataq qailaxachigui na lma'pi. No'oxoosheguem qome na lma'pi, qalaxaye saishet da naigui, qataq ỹo'ot ana lañiguishe uva, qalaxaye saishet da nỹomigui na lataxa, maye chegaqaigui anamaye.»

Lamentaciones 5:11

Ye Sión qataq ye huaqta'a't nỹecpi ye Judá, qalaq qancat co'ollaxa ana ỹepi 'alpi qataq na qa'ampi.

Lamentaciones 5:3

Qomi' mashe qaica ca qarta'a nache qomi' saploqpi, ana qarate'elpi qalaq 'eeta'am ana pa'aipi.

Lamentaciones 3:3

Imauec ye na'a'q, da aỹem ỹe'eguelaxattalec da lhuaxanaxanaxac.

Lamentaciones 2:8

Ñim Nataxala', maiche lhuennataxa co'ollaxa da ilaxachigui so lpaqtaxat yem ỹataqta huo'o da lyac Sión, ỹo'ot da lataxac dam 'eetec da ilaxachigui. Ime, nache ỹacoolec da ỹo'ot saishet da nmateeguesop damaye. Qataq ỹo'otec da qanỹeeteguelec so ñiguisheguem qataq so mpaqtaxanaxat, cha'aye soomaye nmerañi da hua'axareñi.

Jeremías 38:22

'Enauac na 'alpi maye no'onaigui ñi lma' lta'araic ñi nta'a, qanqatec qome nache qoỹanem na ltauapi ñim nta'a ye Babilonia, qaq anamayepi qome maiche, 'eeta': Nam ỹataqta nauochaxauapi ñi nta'a qalaq ỹatenachet nache loxonec, qataq hua'aqta'a ñimaye da petangui na nshaxa, qataq saishet da qochetega.

Isaías 10:4

Da saishet qome da nman nache qaỹauec da qaicoñe' qataq cañe' qanqa'en cam qaỹalauatpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 9:21

So Manasés delogui' qome so Efraín, qaq so Efraín delogui' so Manasés, ime nache soomaye huaxaỹa't da iloquiaxa'n ye Judá. Qalaxaye ñaqaiyeta, da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 9:17

Qaq ỹoqo'oye Ñim Nataxala' saishet co'ollaxa da ỹauotec na nsoxoppi, qataq saishet da ichoxoreetac na saploqpi qataq ana pa'aipi. Cha'aye imauec ne'ena nhuo' le'ecpi da qauemaicpi, qataq qauema naua la'aqtaqa 'enauac namayepi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 9:12

Qaq chegoqtegue da nala' lliguisheguem so siiriopi, qataq chegoqtegue da nala' lliguiñi so filisteopi, nache 'eco' 'oonolec da iuoxonañi so Israel le'ecpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

1 Crónicas 21:16

Qaq co'ollaq namatasheguem so David, nache ila'a so lamaxashec piguem le'ec Ñim Nataxala', da huaỹoteguelec na piguem qataq ana 'alhua, nasoqta'a so lainec, nache ỹareetalec ye Jerusalén. Huaña, nache so David, qataq so nqueroxonecpi, ỹaayiñi naua sa nsattegueta logo, nache nqollemta'aguet na 'alhua.

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»

Jeremías 15:6

'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.

Jeremías 21:5

Qaq Nachaỹem da qami' seloguito qome, qami' seroleguete da lta'araic ỹa'añaxac, qataq dam 'eroigui ỹalemataic qataq da lta'araic ỹayeloxo.

Jeremías 38:23

Qaq so Jeremías, nache queto'ot da 'eetega so nta'a, 'eeta': 'Enauac na 'alpi, qataq na 'aỹa'alaqpi 'am nta'a, namayepi loxonec qome na caldeopi, qaq 'am nta'a saishet qome da 'auañoxot da 'ananeltaxaneguet namayepi, nacherata da 'am qoỹaneua'a ñi nta'a ye Babilonia, qaq ne'ena huaqta'a't nỹecpi qalaq qoỹegueua'a qome.

Ezequiel 35:3

nache qoneta': Da la'aqtac Ñim Nataxala', 'eeta': Aỹem ñechoxot da 'am ñepa'aguenaxaua 'am qasoxonaxa Seír, qaq sauo'o qome ca 'anhuaxanaguec, nache 'am toolec qataq 'anlachiguiñi ñaqa'en.

Miqueas 2:4

Nache que'eca na'a'q choche qami' qaỹe'eeta'ape qome, nache qaỹo'on ca choxoraqta no'onec da qami' qaỹo'onaxaaleguete, maye 'eeta': Ỹataqta imauec da qomi' qanlaxatchiyiñi, na qarhuo' le'ecpi maye lalamaxat co'ollaxa Ñim Nataxala', qalaq dalaxaic nam lalamaxat namayepi, qaq na qana'alhuapi qalaq nalogui nam qomi' loxonecpi.

Sofonías 1:4

«Sachaxanec na ihuaq da sataỹa'aguet na Judá le'ecpi, qataq 'enauac na hueta'a ye Jerusalén. Qataq sapalaxat 'enauac nam saq'en atamnaxala'pi maye lqui'ipi so Baal, qataq ivira'a nam le'enaxatpi na ltaxaỹaxanaxanecpi.

Lamentaciones 5:2

'Enauac nam qaralamaxat co'ollaxa nagui hueto'ot na chegaqauec shiỹaxauapi, qataq na qarma'pi co'ollaxa, nagui netaigui na chegaqauecpi.

Ezequiel 7:24

Cha'aye Aỹem so'ot qome da anac ca shiỹaxauapi qauemaicpi, nache mpaxaalec da ỹacona na nma'pi ne'ena huaqta'a't nỹecpi. Qaq nache tachiguiña ñaqa'en qome da ño'oxonnaxac na 'añaxaicpi, qataq so'ot qome da qanshepaxanaqchet nam natamnaqa'pi namayepi.