Jeremías 6:10 - La'aqtaqa Ñim Lo'onatac 'Enauacna 2013

¹⁰ Qaq aỹem shenapec. «¿Negue't ca aỹem hua'axaỹa da sa'axatem qataq sanem de'era na'axaỹaxac? Ye namayepi ỹapotaguilo naua ltela lauaco, nache saishet da hua'aqa, namayepi ỹe'eeta'ape naua 'ara'aqtaqa qataq saishet da ỹamanegueta.

Jeremías 6:10 Referans Kwoze

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Jeremías 7:26

Qalaxaye qami' saishet da Aỹem qaualaqaiguet qataq saishet da aỹem qauqocheetega, nacherata da ỹapac saqaualaqai, qanapacỹalec som hua'au qarta'ailpi.

Hebreos 11:7

So Noé huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye Ñimaye da'aqtaxanem co'ollaxa cam saxanaxa da yo'oq, nache somaye ỹalaq qataq ỹa'ara't aso nnotaxaqui late'erai maye quiguingui na 'etaxat, da yaqto' ishet da nca'alec so llalaqpi. Qaq souaxat da so Noé huo'o da lpi'iỹaxac Ñim Lo'onatac 'Enauacna, nache somaye ỹaconeguet da lqouagaxanaqtaic Ñimaye maye ỹami' cam ỹa'amaqten Ñimaye. Nataqa'en chegoqchigui da lpi'iỹaxac Ñim Lo'onatac 'Enauacna so Noé da ỹo'oteguet na shiỹaxauapi maye huetalec ana 'alhua da qaỹauo'o ca nhuaxanaguec.

Isaías 53:1

¿Negue't qome ca ỹa'amaqten da qara'aqtaxanaxac? Qataq Ñim Nataxala' ¿negue't cam ỹachaxana dam la'añaxac?

Éxodo 6:12

Qalaxaye so Moisés 'enapego' Ñim Nataxala', 'eeta': «Na Israel le'ecpi mashe saishet da aỹem ỹoqocha'a, qaq ¿hua'ago' ca 'eetec da aỹem ỹoqocha'a ñi faraón? Ye aỹem na'aprapeguec naua ỹa'aqtaqa».

2 Timoteo 4:3

Cha'aye huo'o qome ca na'a'q da na shiỹaxauapi saishet da isheteguet da napaxaguenataxanaxac no'oita. Nachaqrata da na'axaỹaxaata'ai ca maiche lqopitaxanaqtaic, qataq nmitta'a da ỹotta'a't naqa'en na napaxaguenaxala' da qaỹapaxaguenec cam nateeteguet ca maiche 'eetapeguec.

Colosenses 1:28

Qaq qomi' nacheso So Cristo sa'axataqtac, qataq ỹataqta ñaỹaanaxanaqchenaq da seqataqtega 'enauac na shiỹaxauapi, qataq sapaxaguenaqtac 'enauac, da yaqto' ñi 'oonolec ivira'a da nalochiguiñi da lataxac, 'eeta'am So Cristo.

Romanos 7:22

Cha'aye dam pa'auo da iquiyaqteỹaxac ỹataqta huo'o da lqopiche nam namaxasoxonaxacpi maye chegoqo'ot Ñim Lo'onatac 'Enauacna.

Hechos 7:60

Qaq co'ollaq ime, nache ỹa'alyiñi naua l-llectel, nache ỹataqta na'axannec da la'alaxac, 'eeta': –'Am Ỹataxala', saishet qome da 'aulogui da lasouaxashet ne'enapi. Qaq co'ollaq ime da nasaxauec de'era la'aqtac, nache ileu.

Juan 9:40

Qaq huo'oi soua chegoqraigui na fariseopi maye hueta'a yi'iye hua'aqchigui de'era, nache inattac So Jesús, 'eeta': –¿Damaye peta'a naigui nataqa'en da saishet da ñauanaxañi?

Lucas 20:19

Nache so lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq so dapaxaguenataxaatapeguec na namaxasoxonaxacpi, somayepi nshetaique da nache ỹaconeua'a se'eso na'a'q So Jesús, cha'aye ỹaỹaten da nacheso somayepi ỹalamaqchigui de'era daloqnaxaatega Somaye. Qalaxaye ñe'etega som shiỹaxauapi.

Lucas 11:45

Nache huo'o som 'oonolec nam dapaxaguenataxaatapeguec na namaxasoxonaxacpi 'enapega So Jesús, 'eeta': –'Am Napaxaguenataxanaq, 'enauac na 'anasaxauec maye talec 'anqa'en na fariseopi, nataqa'en ivira'alo qomi' da qomi' inogoqche't.

Mateo 3:7

Qalaxaye so Juan co'ollaq ila'a da ỹataqta qalota so chegaqaigui na fariseopi qataq so chegaqaigui na saduceopi da anac da huotaique da nachelaxan, nache somaye 'enapega, 'eeta': «¡Qami' maye qoñiita'am da lataxac ca na'araxanaq! ¿Qaupicheetega peta'a da qami' ỹe't da lhuaxanaxanaxac Ñim Lo'onatac 'Enauacna maye naỹa'acna?

Amós 7:10

Qaq so Amasías, maye ntaxaỹaxanaxanec ye Betel, ỹamaxa da la'aqtac so Jeroboán, maye nta'a ye Israel, 'eeta': «So Amós, quetagui na Israel le'ecpi da 'am quetapeguelec, qaq ne'ena shiỹaxauapi sa iuen da nache queta da na'axaỹaxaatega somaye.

Ezequiel 33:9

Qalaxaye 'am, da qonapega cam qauemaic da naralaxat da lataxac, qaq camaye da saishet da ỹalaq, nache camaye ileu qome souaxat ca lasouaxashet, qaq 'am qalaq 'anca'alec qome.

Ezequiel 33:3

Qaq que'eca nauanaxanaxanec, da ila'aguet ca alleppi maye pa'aguenaxauapi da nayeetaua'a que'eca 'alhua, nache camaye ỹashiiyigui aca lasheere da yaqto' icoyeguen na shiỹaxauapi.

Jeremías 4:4

Qami' shiỹaxauapi maye qoñiitaña na Judá qataq na Jerusalén, qauo'oche qome ca na'anaxat da qaro'ocỹaxaqui, qataq aỹem qauauattoñeeta da Aỹem Nataxala', qauachiỹaiguilo naua qarquiyaqtelli' da la'anaxat da aỹamaxataxac, cha'aye saiuena'a da souaxat cam qauem maye qauo'oche, nache da 'eroigui da inogoxonaxac, 'eeta'am ca norec qataq 'erangui damaye, nache qaica ca ishet da ỹalamat.

Salmos 119:174

'Am Nataxala', huo'o da iyaxa da saconeguet ca 'arca'alaqtaxanaxac, cha'aye naua 'arqataxaco ỹo'ot da samachiguiñi.

Salmos 119:77

Ñaq 'auanacot qome da 'archoxonnataxanaxa, yaqto' aỹem ỹanem da ica'alaxa, cha'aye naua 'arapaxaguenataxanaxaco ỹo'o't da samachiguiñi.

Salmos 119:70

Cha'aye da lhuennataxac namayepi mashe sa ỹaỹamaxañi, qalaxaye naua 'arqataxaco ỹo'ot da samachiguiñi.

Salmos 119:35

Aỹem 'auauecteuga qome da llecỹaxac na 'aramaxasoxonaxacpi, cha'aye damaye ỹo'ot da samachiguiñi.

Salmos 119:24

Cha'aye naua 'aramaxasoxonaxaco nachenaua naua ỹo'ot da samachiguiñi, qataq nachenaua nam aỹem huaqattega.

Salmos 119:16

Qataq ỹo'ot qome da samachiguiñi naua 'arqataxaco, qataq saishet qome da secoua'aisalo naua 'ara'aqtaqa.

Salmos 40:8

Qaq aỹem ỹataqta saỹamaxareeta da so'ot ca qonetapeguec 'Am Ñatamnaxala', qataq naua 'arapaxaguenataxanaxaco ỹataqta huetaiguilo ñaqa'en añi iquiyaqte.»

Salmos 1:2

nacherata da ỹauoteque naua lapaxaguenataxanaxaco Ñim Nataxala', qataq nache deuennataxaatapegueleguete naamaye ye na'a'q qataq ye pe.

Deuteronómio 29:4

Qalaxaye ivitta'a nagui da Ñim Nataxala', saxanaxa da ỹo'ot da lauattonaxanaxac naua qarquiyaqchilli', qataq saxanaxa da nauaayiñi naqa'en naua qara'ai'chilli', qataq saxanaxa da hua'axai' naua qartelai.

Jeremías 5:21

‹Ñaq qana'axaỹaxañiỹa de'era qami' nhuo' le'ecpi maye qaica ca qarauattonaxanaxaqui, qataq qaica ca qauaỹaañiỹapec, cha'aye huo'oi naua qara'ai'chilli' qalaxaye saishet da qanauañiiñi, qataq huo'oi naua qartelai lauacolli' qalaxaye saishet da qaua'aqai.

Jeremías 9:26

Ye Egipto, Judá, Edom, Amón qataq ye Moab, qataq 'enauac nam netalec ye toolec 'alhua maye npetec naua lqaic laỹel. Cha'aye 'enauac yi'iye nhuo' le'ecpi qataq nataqa'en 'enauac nam nhuo' Israel le'ecpi, da ỹataqta 'eesa da saq ỹataq na natamnot.

Isaías 42:20

Qalota na ỹauaachiguipi qalaxaye saishet da iqocha'a, ishet da hua'aqtega qalaxaye saishet da iqocha'a.

Jeremías 7:13

Qaq na'aictaxa da qalota naxa da qami' sachaxanalo da qano'onaxache da qarataxaqui, qalaxaye qami' saishet da aỹem qaualaqaiguet, qataq saishet da aỹem qauasacheeguet. Qaq 'era da ỹa'aqtac Aỹem Nataxala'.

Jeremías 35:13

«Aỹem Nataxala' maye Qaica ca Seqalanapec qataq Natamnaxala' na Israel le'ecpi, 'am samaxa da 'anqo'ona ye shiỹaxauapi maye lma' ye Judá qataq ye Jerusalén nache qonapega, qoneta': Qauaỹaañiteguet qome de'era, nache qaualaqailec na ỹamaxasoxonaxacpi. Qaq 'era da ỹa'aqtac Aỹem Nataxala'.

Ezequiel 3:7

Qalaxaye na Israel le'ecpi saishet da huotaique da 'am ỹalaxaguet, cha'aye namayepi saishet da Aỹem ỹalaxaguet. 'Enauac na Israel le'ecpi qaramchigui qataq sana'axaỹaxan.