Jeremías 6:1 - La'aqtaqa Ñim Lo'onatac 'Enauacna 2013

¹ Qami' maye qauachegoqoiguet so Benjamím, ¡qanqañoxochiiñi qome qoquiỹa'ai na Jerusalén! Qauashiiyigui ana qarasheerei qom huaña ye Tecoa, qataq qaỹa'añiỹasheguem aca qara'anaxanaqchi da huaña ye Bet Haqueren, cha'aye chegaqa'ague qome da sheu' ca lta'araic qauem qataq cam ilaxachigui 'enauacna.

Jeremías 6:1 Referans Kwoze

Nehemías 3:14

Qaq so Malquías, som llalec so Recab, maye ilotague' ye Bet Haqueren, no'oxoosheguem so lasom maye qailonec lasoguiñi lma', nataqa'en ỹanauo so lasompi qataq aso lvinaqtepi, qataq so la'axasoxotpi da qaỹapogui.

Jeremías 6:22

Ñim Nataxala' 'eeta', da la'aqtac: «Yem qaỹoqta 'alhua maye pa'aigue da sheu', mashe naỹamaxattac da anac yem shiỹaxauapi maye 'añaxaicpi.

2 Crónicas 11:6

Nache no'oxoosheguem ye Belén, Etam, Tecoa,

2 Samuel 14:2

ỹoqo'oye somaye damaxasoxona co'ollaxa aso 'alo maye qaica ca nqalaate', maye lma' ye Tecoa, nache 'enapega, 'eeta': «'Avi'inaxat qome da 'auasootac, nache 'aayiñi caua anogo nasouaxaqui', qataq saishet da 'ancoyigui ca coraxat maye ama da laitaỹaxac, 'eeta'am 'anqa'en da mashe qaỹoqtegue da 'arasouaxac souaxat ca 'arqatac.

Jueces 1:21

Qalaxaye so maiche nhuo' le'ecpi maye chegoxoguetpi so Benjamín, qalaq sa ỹañoxot da ỹo'orauec so jebuseopi maye naña co'ollaxa ye Jerusalén. Qaq ỹoqo'oye somayepi, nache ivitta'a da so nhuo' le'ecpi maye chegoxoguetpi so Benjamín nache ỹalecta'aguet somayepi.

Amós 1:1

Qaq 'era da la'aqtaxanaxac so Amós, som qagueta lo'o maye lma' ye Tecoa, dam lauanaqchec maye chegoqo'ot Ñim Lo'onatac 'Enauacna, maye taỹa'a da talec na Israel le'ecpi, co'ollaq saxanaqcaua soua dos vi'iye da nvi' so nacholaxanaxa ana 'alhua, maye huetoigui da lo'onataxanaxac so Uzías, maye nta'a ye Judá, qataq da lo'onataxanaxac so Jeroboán, som llalec so Joás, maye nta'a ye Israel.

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.

Jeremías 10:22

¡Ñaq qana'axaỹaxañiichiguiñi! ¡Nvi' da na'axaỹaxac! Ye 'alhua maye pa'aigue da sheu' chegoqtegue da lta'araic nllimiaxa, maye ỹo'otec qome ye huaqta'a't nỹecpi ye Judá da toolec nache nda'a't qome na qa'alaqpi da coleeteguelec.

Jeremías 4:29

Qaq qom qaỹa'axaỹa da la'alaxac ca netalec na caipi, qataq cam checna lo'opi, nache 'enauac qome na shiỹaxauapi datauec, nqañoxotoigui na aviaq, qataq quisheguemec ana coma'pi, qaq 'enauac na huaqta'a't nỹecpi maye ỹotta'a't naua nañalo qanayeca'ai, nache qaica qome ca netaigui namayepi.

Josué 15:63

Qaq se'eso maiche nhuo' le'ecpi maye chegoxoguetpi so Judá, saishet da ỹañoxot da ỹo'orauec co'ollaxa na Jebús le'ecpi maye netaña ye Jerusalén. Qaq ỹoqo'oye nache ivitta'a nagui da lauoreuapi.

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Zacarías 6:6

Qaq aso naigona maye lauegaxala'ate soua caaỹo lairaxaiqa, taỹa ye 'alhua maye pa'aigue da sheu', qaq aso lauegaxala'ate soua caaỹo lapagaxaiqa, qalaq taỹa ye 'alhua maye pa'aigue da avit, qaq aso lauegaxala'ate soua caaỹo maye ỹapagaqalec da lo'oxoỹaxa'c, qalaq taỹa ye 'alhua maye pa'aigue da tagueñi.»

Nehemías 3:5

qaq de'era taỹa'ague se'eso npaqtaxanaxat nache no'oxoosheguem so lma' ye Tecoa, qalaxaye so shiỹaxauapi 'amaqtaqaicpi maye lma' yemaye, saishet co'ollaxa da itauan so ilotague' de'era no'onataxanaxac.