Jeremías 52:3 - La'aqtaqa Ñim Lo'onatac 'Enauacna 2013

³ Qaq ỹoqo'oye Ñim Nataxala' dalemataỹa co'ollaxa ye Jerusalén qataq ye Judá, nache ỹo'orauec. Qaq ime co'ollaxa nache so Sedequías mpa'aguene' so nta'a ye Babilonia.

Jeremías 52:3 Referans Kwoze

Isaías 3:1

¡Ña qauloichigui de'era! Ñim Nataxala' maye Qaica ca Ỹaqalanapec nqateeguesop qome na Jerusalén qataq ye Judá, 'enauac da ntaunaguec qataq da qoỹaata'am na nallec, qataq na 'etaxat.

2 Crónicas 36:13

Qaq nataqa'en dataỹa'aguet so nta'a Nabucodonosor, maye ỹanot co'ollaxa so la'aqtac da ntaune' da lo'onataxanaxac, qataq quegue da saỹalaq nache saishet da ỹe'eguelaxa Ñim Nataxala', Ñim Natamnaxala' so Israel le'ecpi.

Isaías 19:4

Qalaxaye yem Egipto le'ecpi saneguet qome cam nataxala' maye ỹataqta qaramchigui, cam nta'a maye qaica ca iren da yaqto' ilo'ogue yemayepi.» Qaq 'era da la'aqtac Ñim Nataxala' maye Qaica ca Ỹaqalanapec.

Eclesiastés 10:16

¡Choxoraxaso' cam 'alhua maye ilotague' ca nta'a maye ñaq nogotolec, qataq ya'aqalec naxa da hueta'a na na'ashaxac nam ltauapi camaye!

Proverbios 28:2

Da huo'o da loquiaxac ca qanayeutaña 'alhua, nache ỹo'ot da nquictauec na nataxala'pi, qalaxaye ca nataxala' maye huo'o na ỹaỹaten da ilo'ogue camaye nache ỹaỹamaqchiguiñi naqa'en da lataxac que'eca qanayeuta'a.

1 Reyes 10:9

¡Qaq ỹataqta qaỹo'oxoren qome Ñim Nataxala' maye 'Anatamnaxala', cha'aye Ñimaye 'am ỹaỹamaxareeta, nache 'am ỹanem da no'onataxanaxac da 'am nta'a na Israel! Cha'aye Ñim Nataxala', nache 'eetai' de'era lauotaxanaqtaic na Israel le'ecpi, nache 'am ỹanagui da 'am nta'a, yaqto' da 'aulo'ogue namayepi nache nalochiguiñi, qataq ỹaỹamaqchiguiñi da 'aro'onataxanaxac.»

2 Samuel 24:1

Qaq Ñim Nataxala' ỹe'eguelaxalec co'ollaxa da dalemataỹa so Israel le'ecpi, nache ỹayena'a so David da ỹo'ot aso le'enaxat lmalate ye Israel qataq ye Judá.

Génesis 4:14

Nagui aỹem 'auo'orauec da sheca'ai ne'ena 'alhua, qaq chochaq tatec qome da secoleeteguelec ana 'alhua qaica ca ñemataxac, nache qaỹoqtaique da qoneta. Qaq da nache 'eetec de'era, nache camachaqca ca aỹem natenalec, nache aỹem ỹalauat.»

Génesis 4:16

Nache so Caín jec da ca'ai yem huaña da na'aqtaxaatague' Ñim Nataxala', nache nqo'ona da nalec ye 'alhua maye le'enaxat Nod, maye pa'aỹa'ague da nala' lliguisheguem ye Edén.

2 Reyes 24:20

Ỹoqo'oye Ñim Nataxala', ỹataqta dalemataỹa co'ollaxa ye Jerusalén, qataq ye Judá, nache ỹo'orauec somayepi. Qaq co'ollaq mashe qaỹoqtegue de'era, nache so Sedequías dataỹa'aguet co'ollaxa so nta'a ye Babilonia.

Jeremías 7:15

Nache Aỹem qami' so'oldauec qome, 'eeta'am co'ollaq da so'orauec so qarqaỹaipi maye chegoxoguet so Efraín.»

Jeremías 15:1

Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.

2 Reyes 17:18

Qaq ỹoqo'oye Ñim Nataxala', ỹataqta dalemataỹa so Israel le'ecpi nache ỹo'orauec, qalaxaye no'onaxatañi so maiche nalamaxat nhuo' le'ecpi maye chegoxoguet so Judá.

2 Reyes 17:20

Ỹoqo'oye Ñim Nataxala' ỹo'orauec co'ollaxa 'enauac som chegoxoguetpi so Israel, nache ỹauo'o da lachetataic naqa'en somayepi, qataq ỹaneguet so cachaxaicpi, nache ivitta'a da Ñimaye ỹo'orauec.

2 Reyes 17:23

Nache ivitta'a da Ñim Nataxala', ỹo'orauec co'ollaxa so Israel le'ecpi, nache ipacchigui dam ỹa'axatta'a co'ollaxa, ỹachegoxotchigui so la'aqtaxanaxanecpi maye lamaxashecpi Ñimaye. Qaq 'era da 'eetec da so Israel le'ecpi da noxonec co'ollaxa, nache qaỹauega ye Asiria, nache ivitta'a nagui.

Esdras 4:15

Yaqto' 'auamaxasoxoolec da qanmit aca huetalec aso hua'auñi nerepi maye nanettalec 'enauac na ỹo'otpi so hua'au nta'alpi. Yaqto' huaña nache 'auaỹateeta da yem hueta'a yi'iye huaqta'a't nỹecpi ỹataqta qaica ca ỹalaxaguet, qataq huo'o da lchec da na'aqchet da lo'onataxanaxac na nta'alpi qataq na laỹepi na 'alhuapi. Huaña nache 'auaỹateeta da nache 'eetai' naxa da chegoqta'ague da naỹamaxara't da dataỹa'aguet na nta'alpi ỹoqo'oye ivira'a da qailaxachigui yemaye.

Isaías 36:5

¿'Aupettega peta'a da naua 'onaxaiqa na'aqtaqa, da 'eeta'ama da nauattonaxanaxac da huo'o ca qalapaxañi lataxac, qataq da na'añaxac da qaỹo'ot ca alaataxac? ¿Chaq negue't cam 'ape'etega da yaqto' 'auataỹa'aguet aỹem?