Jeremías 51:9 - La'aqtaqa Ñim Lo'onatac 'Enauacna 2013

⁹ Mashe sauoqo'o so lata' ye Babilonia, qalaxaye saishet da no'oita. ¡Ña qauaqaita'a yemaye! Qolaq qolqa'ai ne'ena, ñi 'oonolec ỹe'eguelaxa qome ca maiche lma' cha'aye da nhuaxanaguec ỹataqta iviro'ot na piguem. Da nhuaxanaguec qalaq napacalec na lo'oc na piguem.

Jeremías 51:9 Referans Kwoze

Apocalipsis 18:5

Cha'aye ỹataqta qalota da lle'etaxaloxo, iviro'ot na piguem. ¡Qaq Ñim Lo'onatac 'Enauacna saishet da huo'o ca icoua'ai na lasouaxashetpi namayepi!

Jeremías 50:16

Ye Babilonia saishet qome da qano'onaxachiỹalec cam danaxan huo'otaq ca nqat na ala na lañiguishec. Qaq nam chegaqauecpi qom ila'a que'eca alaataxac, nache ỹe'eguelaxa ca maiche na'alhua, qaq ñi 'oonolec ỹe'eguelaxa ca maiche lma'.

Isaías 13:14

Na shiỹaxauapi qalaq 'eeta'am qome aca ñi'imshe da qaicaatac, huo'otaq aca qaguetapi da nlagaxattac nache qaica ca ishet da laỹona't. Nache ñi 'oonolec ỹe'eguelaxa ca maiche lma', qataq ỹe'eguena ca maiche na'alhua.

Jeremías 46:16

Na 'analleppi qalaq pogolaxaañi, nache huañi, nache ñi 'oonolec 'eetega ñi lỹa, 'eeta': ¡Qolaqa'ai qome ne'ena, nache she'eguelaxasaxa ye qana'alhua, yem 'alhua maye maiche qarañoqo' co'ollaxa! ¡Sataxaueguesop da alaataxac maye qaica ca qairen!

Esdras 9:6

nache sheeta': «'Am maye 'Am Ñatamnaxala', aỹem sasaỹaten ca sheetec, qataq ỹataqta huo'o da ña'aloxonaxac da 'am seỹaxanot. Souaxat na qauemsat ỹataqta ỹaguisheguem, choche ivitta'a da qomi' ỹapoleguete, qataq ỹataqta iviro'ot na piguem.

Jeremías 46:21

Nam nalleppi maye isheeten co'ollaxa da yaqto' itauan namayepi qalaq 'eeta'am na chaxaraicpi huaca llalaqpi, qalaxaye nataqa'en qome namayepi da datauec, cha'aye mashe nvi' ca qauem na'a'q qataq ca laloqo' ca nhuaxanaguec.

Jeremías 8:20

Qaq mashe ỹoxogue so napaxaỹaxa qataq mashe ime da qanqat na ala na nañiguishec, qalaxaye qaica ca nca'alaxa da qomi' taleguete.

Isaías 47:15

Qaq 'era da 'eetec qome nam shiỹaxauapi maye 'iyaxaic lo'opi, nam qalota naxa da 'ana'aqtaxaategue' dam chegoqta'ague da 'anachaalataxac, ñi 'oonolec namayepi maiche ỹo'ot qome ca llecỹaxac, qaq nache qaica qome ca 'am nca'alaxatec.

2 Crónicas 28:9

Qalaxaye huo'o so la'aqtaxanaxanec Ñim Nataxala', le'enaxat Obed, maye ca'ata'aguet so alleppi co'ollaq mashe inoxooteua'a ye Samaria, nache 'enapega, 'eeta': Ñim Nataxala' maye Natamnaxala' so hua'au qarta'ailpi, dalemataỹa na Judá le'ecpi, ỹoqo'oye ỹaneguet namayepi da qarhuaqỹaxaqui, qalaxaye qami' qaualauache, qauroilec da ỹataqta lta'araic qarayeloxoi maye iviro'ot na piguem.

Apocalipsis 18:4

Ime, nache qaltaq sa'axaỹa so lỹa nvilỹaxac, chemqot na piguem, 'eeta': «Qami' ỹalamaxatpi. Qoquiỹa'ai na Babilonia, qataq saishet da qauauo'oi ca qarasouaxashechi da qoñiỹa'am ayemaye, yaqto' saishet da qami' taleguete cam qaica ca 'ena'am da lchec napaxaco maye talec qome.

Oseas 7:13

¡Qaq ỹataqta qauem qome ca taỹa'a yemayepi souaxat da aỹem ca'ai! Qataq taỹa'a da nlaguiñi qome, souaxat da aỹem dataỹa'aguet. Aỹem, sauotaique da ñeca'alaxatec yemayepi, qalaxaye yemayepi ỹo'ot na latenataxanaxacpi da Aỹem dataỹa'aguet.